IPL 2025: ఐపీఎల్ లో డబ్బే కాదు ఫర్మామెన్స్ కూడా అవసరమే! నటరాజన్ ను ఆడించకపోవడంపై పీటర్సన్ కామెంట్స్
ఢిల్లీ క్యాపిటల్స్ మెంటార్ కెవిన్ పీటర్సన్ ప్రకారం, జట్టు కాంబినేషన్ సమస్యల వల్లే నటరాజన్కు అవకాశంలేకపోయిందని తెలిపారు. వేలంలో భారీగా రూ.10.75 కోట్లకు కొనుగోలు చేసినా, అతడు ఇప్పటికీ ఒక్క మ్యాచ్ కూడా ఆడలేదు. ప్రస్తుతం ఢిల్లీ క్యాపిటల్స్ ఐపీఎల్ 2025 పాయింట్స్ టేబుల్లో నాల్గవ స్థానంలో ఉంది. మిగిలిన మ్యాచ్ల్లో విజయం సాధిస్తే, వారు ప్లేఆఫ్స్లో చేరే అవకాశాలు చాలా బలంగా ఉన్నాయి.
ఢిల్లీ క్యాపిటల్స్ మెంటార్ కెవిన్ పీటర్సన్ ప్రకారం, జట్టు కాంబినేషన్లో తగిన స్థానం లేకపోవడమే నటరాజన్ను ఇప్పటి వరకు ఆడించని ప్రధాన కారణమని తెలిపారు. ఐపీఎల్ 2025 మెగా వేలంలో రూ.10.75 కోట్ల భారీ ధర పెట్టి నటరాజన్ను ఢిల్లీ కొనుగోలు చేసినప్పటికీ, అతడికి ఒక్క మ్యాచ్లో కూడా అవకాశమివ్వలేదు. అతని స్థానంలో ముఖేష్ కుమార్, మోహిత్ శర్మ, దుష్మంత్ చమీరా వంటి బౌలర్లను బరిలోకి దించారు. పీటర్సన్ మాటల్లో, ప్రతి మ్యాచ్కు మేము 12 మందినే ఆడించగలం. అందులో ఒకరు ఇంపాక్ట్ ప్లేయర్. ప్రస్తుత జట్టు పరిస్థితుల్లో నటరాజన్కు స్థానం చూపించడం చాలా కష్టమైపోయింది. అతడు జట్టు అడిగిన ప్రతీ పనిని నిబద్ధతతో చేయడమే కాక, మిగతా బెంచ్ ఆటగాళ్ల మాదిరిగా తాము అవకాశానికి ఎదురుచూస్తూ తమ వంతు సేవ చేస్తున్నారు. అవకాశం వచ్చినప్పుడు తాము ప్రతిభ చూపడానికి పూర్తిగా సిద్ధంగా ఉన్నారు, అని చెప్పారు.
వేలంలో ఖర్చు చేసిన మొత్తం గురించి మాట్లాడటం అవసరం లేదని, టోర్నీ ఇప్పుడు పూర్తిగా డబ్బు ఆధారంగా కాకుండా ఆటగాళ్ల ప్రదర్శన మీద నడుస్తోందని పీటర్సన్ స్పష్టం చేశారు. “ఫుట్బాల్ ప్రీమియర్ లీగ్లో కూడా ఎంత డబ్బు పెట్టారో గురించి పెద్దగా చర్చించరు. మాకు అవసరమైన ఆటగాడు అయితేనే తుది జట్టులోకి తీసుకుంటాం. ప్రస్తుతం మా జట్టు మంచి స్థితిలో ఉంది,” అని చెప్పారు. అంతేకాదు, “జేక్ ఫ్రెజర్ గాయపడి జట్టులో నుంచి తప్పుకున్నప్పుడు, ఫాఫ్ డుప్లెసిస్ అతని స్థానాన్ని భర్తీ చేశాడు. అదే విధంగా, నటరాజన్ అవసరం అయితే ఖచ్చితంగా జట్టులోకి తీసుకుంటాం,” అని కూడా కెవిన్ పీటర్సన్ స్పష్టంగా పేర్కొన్నారు.
2025 ఐపీఎల్లో ఢిల్లీ క్యాపిటల్స్ (DC) ప్రస్తుత స్థితి పాయింట్ల పట్టికలో నాలుగో స్థానంలో ఉంది. అవారికి 9 మ్యాచ్లలో 6 విజయాలు, 3 పరాజయాలతో మొత్తం 12 పాయింట్లు ఉన్నాయి. వారి నెట్ రన్ రేట్ (NRR) +0.482గా ఉంది. ఢిల్లీ క్యాపిటల్స్ తమ తదుపరి మ్యాచ్ను ఏప్రిల్ 29, 2025 న కోల్కతా నైట్ రైడర్స్ (KKR)తో ఆడనుంది. ఈ మ్యాచ్లో విజయం సాధిస్తే, వారు టాప్ 3లోకి ప్రవేశించే అవకాశం ఉంది. ఢిల్లీ క్యాపిటల్స్ ప్లేఆఫ్ అవకాశాలను బలోపేతం చేసుకోవాలంటే, మిగిలిన మ్యాచ్లలో గెలవడం కీలకం. వారి ప్రస్తుత ఫార్మ్, నెట్ రన్ రేట్ దృష్ట్యా, వారు ప్లేఆఫ్స్కు అర్హత సాధించే అవకాశాలు బలంగా ఉన్నాయి. ఏదైన అద్భుతం జరిగితే తప్పా ఢిల్లీ క్యాపిటల్స్ ప్లే ఆఫ్స్ కి చేరడం దాదాపు ఖాయమనే చెప్పాలి. ఎందుకంటే ఆ జట్టు ఇంకా 5 మ్యాచులు ఆడాల్సిన అవసరం ఉండగా మరో రెండు నెగ్గితే చాలు. ఇప్పుడు ఆ జట్టు ఉన్న ఫామ్ ప్రకారం చూసుకున్నట్లయితే రెండు మ్యాచుల్లో నెగ్గడం సులభమే.
మరిన్ని ఐపీఎల్ వార్తల కోసం ఇక్కడ క్లిక్ చేయండి..