IND vs IRE: భారత్‌పై ఓడినా రికార్డ్ సృష్టించిన ఐర్లాండ్.. టీ20 చరిత్రలో ఆ ఘనత సాధించిన ఒకే ఒక్క టీమ్‌గా..
IND vs IRE, 1st T20I: టీమిండియా కెప్టెన్ జస్ప్రీత్ బూమ్రా ముందుగా బౌలింగ్ ఎంచుకోవడంతో ఐర్లాండ్ టీమ్ తొలి బ్యాటింగ్ చేసింది. ఈ క్రమంలో ఐరీష్ బ్యాటర్లు 7 వికెట్ల నష్టానికి 139 పరుగులు చేశారు. ఐర్లాండ్ తరఫున బారీ మెక్‌కార్తీ(51, నాటౌట్) హాఫ్ సెంచరీతో రాణించగా, కర్టీస్ కాంపర్ 39 పరుగులతో మెప్పించాడు. అనంతరం క్రీజులోకి వచ్చిన టీమిండియా 6.5 ఓవర్లలో 2 వికెట్ల నష్టానికి 47 పరుగులు చేసే సమయానికి వర్షం అడ్డుపడింది. దీంతో డర్క్ వర్త్ లూయిస్ పద్ధతి ప్రకారం 2 పరుగుల తేడాతో భారత్ విజయం సాధించినట్లుగా అంపైర్లు..
IND vs IRE 1st T20I: డబ్లిన్ వేదికగా ఐర్లాండ్‌తో జరిగిన తొలి టీ20 మ్యాచ్‌లో టీమిండియా 2 పరుగుల తేడాతో విజయం సాధించింది. టాస్ గెలిచిన టీమిండియా కెప్టెన్ జస్ప్రీత్ బూమ్రా ముందుగా బౌలింగ్ ఎంచుకోవడంతో ఐర్లాండ్ టీమ్ తొలి బ్యాటింగ్ చేసింది. ఈ క్రమంలో ఐరీష్ బ్యాటర్లు 7 వికెట్ల నష్టానికి 139 పరుగులు చేశారు. ఐర్లాండ్ తరఫున బారీ మెక్‌కార్తీ(51, నాటౌట్) హాఫ్ సెంచరీతో రాణించగా, కర్టీస్ కాంపర్ 39 పరుగులతో మెప్పించాడు. అనంతరం క్రీజులోకి వచ్చిన టీమిండియా 6.5 ఓవర్లలో 2 వికెట్ల నష్టానికి 47 పరుగులు చేసే సమయానికి వర్షం అడ్డుపడింది. దీంతో డర్క్ వర్త్ లూయిస్ పద్ధతి ప్రకారం 2 పరుగుల తేడాతో భారత్ విజయం సాధించినట్లుగా అంపైర్లు ప్రకటించారు.
అయితే వర్షం కారణంగా భారత్‌పై ఓడిపోయిన ఐర్లాండ్.. అంతర్జాతీయ క్రికెట్‌లో ఏ జట్టుకు సాధ్యం కాని రికార్డ్‌ను రెండు సార్లు నమోదు చేసింది. అదెలా అంటే.. భారత్‌పై బ్యాటింగ్ ఆడుతున్న క్రమంలో ఐర్లాండ్ టీమ్ 31 పరుగులకే 5 వికెట్లు కోల్పోయింది. కానీ అపై వచ్చిన బ్యాటర్లే 108 పరుగులు చేశారు. ఇలా టీ20 క్రికెట్‌లో అతి తక్కువ పరుగులకే 5 వికెట్లు కోల్పోయి, ఆపై 100కు పైగా పరుగులు చేసిన ఒకే ఒక్క జట్టుగా ఐర్లాండ్ అవతరించింది. ఐర్లాండ్ గతంలోనూ ఇలాంటి ఘనతను సాధించింది. 2022లో ఆస్ట్రేలియాతో జరిగిన టీ20 మ్యాచ్‌లో.. ఐర్లాండ్ 25 పరుగులకే 5 వికెట్లు కోల్పోయి, ఆ తర్వాత మిగతా బ్యాటర్ల సహాయంతో ఏకంగా 137 పరుగులు చేసింది. ఇది టీ20 క్రికెట్‌లో ఓ ప్రపంచ రికార్డు. ఇదే రికార్డ్‌ను ఐర్లాండ్ భారత్‌పై తాజాగా మరోసారి 100కు పైగా రన్స్ చేసి చూయించింది.
కాగా, ఈ మ్యాచ్‌లో భారత్ తరఫున రింకూ సింగ్, ప్రసిద్ధ్ కృష్ణ అరంగేట్రం చేశారు. అలాగే దాదాపు 327 రోజుల తర్వాత ఆటలోకి పునరాగమనం చేసిన బూమ్రా కెప్టెన్‌గా 2 వికెట్లు, తొలి టీ20 విజయం అందుకున్నాడు. ఇంకా ఆరంగేట్ర ఆటగాడు ప్రసిద్ధ్ కృష్ణ కూడా 2 వికెట్లు పడగొట్టాడు. అయితే అరంగేట్ర ఆటగాడు రింకూకి బ్యాటింగ్ చేసే అవకాశం లభించలేదు.
బారీ మెక్‌కార్తీ మెరుపులు..
భారత్‌దే తొలి టీ20..
ఆటలోకి యువ ఆటగాళ్లు..
ఏ మార్పు లేదు..
మిషన్ సక్సెస్..
తొలి టీ20 ఆడిన ఇరు జట్లు..
ఐర్లాండ్: పాల్ స్టిర్లింగ్ (కెప్టెన్), ఆండ్రూ బల్బిర్నీ, లోర్కాన్ టక్కర్, హ్యారీ టక్టర్, జార్జ్ డాక్రెల్, గారెత్ డెలానీ, కర్టిస్ క్యాంపర్, మార్క్ అడైర్, జాషువా లిటిల్, బారీ మెక్‌కార్తీ, బెంజమిన్ వైట్.
భారత్: రితురాజ్ గైక్వాడ్, యశస్వీ జైస్వాల్, సంజు శాంసన్ (వికెట్ కీపర్), తిలక్ వర్మ, రింకూ సింగ్, శివమ్ దూబే, వాషింగ్టన్ సుందర్, జస్ప్రీత్ బుమ్రా (కెప్టెన్), రవి బిష్ణోయ్, అర్ష్‌దీప్ సింగ్, ప్రసిద్ధ్ కృష్ణ