Video: వామ్మో జర్రుంటే నా పని అయిపోతుండే! విరాట్ పై భయాన్ని బయటపెట్టిన కాంతార ప్లేయర్!
బెంగళూరు vs ఢిల్లీ మ్యాచ్ అనంతరం విరాట్ కోహ్లీ, కేఎల్ రాహుల్ మధ్య చోటు చేసుకున్న సరదా సంభాషణ సోషల్ మీడియాలో వైరల్ అయ్యింది. "కాంతార" సినిమా డైలాగ్ని అనుకరిస్తూ కోహ్లీ చేసిన సంజ్ఞ, రాహుల్ నవ్వులు పూయించాయి. మైదానంలో తీవ్రమైన పోటీ చూపించినా, వారి మధ్య ఉన్న స్నేహం వీడియోలో స్పష్టంగా కనిపించింది. ఇది అభిమానులను ఆనందానికి గురిచేసింది.
ఇండియన్ ప్రీమియర్ లీగ్ (IPL) 2025 సీజన్లో రాయల్ ఛాలెంజర్స్ బెంగళూరు vs ఢిల్లీ క్యాపిటల్స్ మధ్య జరిగిన హోరాహోరీ పోరు తర్వాత విరాట్ కోహ్లీ, కేఎల్ రాహుల్ మధ్య చోటుచేసుకున్న సరదా సంభాషణ ఇప్పుడు సోషల్ మీడియాలో వైరల్గా మారింది. ఢిల్లీలోని అరుణ్ జైట్లీ స్టేడియంలో జరిగిన ఈ మ్యాచ్లో బెంగళూరు జట్టు విధ్వంసంగా ఆడి ఆరు వికెట్ల తేడాతో విజయాన్ని సాధించింది. మైదానంలో శత్రువుల్లా పోటీ పడ్డ ఈ ఇద్దరు ఆటగాళ్లు, మ్యాచ్ ముగిసిన తర్వాత ఒకరినొకరు ఆటపట్టించుకుంటూ, నవ్వులతో స్నేహాన్ని పంచుకున్న దృశ్యం అభిమానుల మన్ననలు అందుకుంది.
ఈ సందర్భంగా రెండు జట్ల మధ్య మైదానంలో జరిగిన చిన్నపాటి మాటల తూటాలు, మ్యాచ్ అనంతరం చిరునవ్వులతో ముగిశాయి. ఒక దశలో వీరిద్దరి మధ్య గొడవ జరిగిందని భావించిన అభిమానులకు, ఇద్దరూ వినోదం కలిగిన సంభాషణతో సమాధానం ఇచ్చారు. ఢిల్లీ క్యాపిటల్స్ సోషల్ మీడియా పేజ్లో పోస్టు చేసిన వీడియోలో కోహ్లీ మైదానంలో నిలబడిన రాహుల్, కరుణ్ నాయర్ వద్దకు వెళ్తూ, ఓ ప్రత్యేకమైన సంజ్ఞ చేశాడు. అది గతంలో రాహుల్ చేసిన “ఇది నా గ్రౌండ్” అనే కాంతార సినిమా శైలిలో చేసిన సంబరాన్ని అనుసరించినదే. రాహుల్కు ఇది గుర్తొచ్చి నవ్వు ఆపుకోలేకపోయాడు.
ఆ సమయంలో రాహుల్, “అచ్చా హువా ఔట్ హో గయా” అంటూ కోహ్లీని సరదాగా వెక్కిరించాడు. దీని అర్థం. “మంచిది అయింది, నువ్వు అవుట్ అయ్యావు” అని. దీనికి స్పందనగా కోహ్లీ, “మనమింకా ఇలాగే ఉన్నాం, మైదానం వెలుపల మన బంధాన్ని చాలా మందికి తెలియదు” అంటూ అన్నాడు. అనంతరం మరో సరదా వ్యాఖ్యలో, “పటా హై, మైనే క్యా సోచా థా. మ్యాచ్ ఖతం కరుంగా, ఫిర్ వహీ వేడుకలు కరుంగా, ఉస్కే బాద్ తేరే పాస్ ఆకర్ తేరే కో హగ్ కరుంగా” అని చెప్పారు. అంటే, “నాకు తెలుసా ఏమనిపించింది? మ్యాచ్ను గెలిచాక, అదే మీ స్టైల్లో వేడుక చేసి, తర్వాత మిమ్మల్ని కౌగిలించుకుంటాను” అని అన్నారు.
ఈ వీడియో ఇప్పుడు సోషల్ మీడియాలో వైరల్గా మారింది. అభిమానులు ఈ ఇద్దరూ మైదానంలో ఎంత పోటీగా వ్యవహరించినా, బయట మాత్రం గాఢమైన స్నేహబంధాన్ని కొనసాగిస్తున్నారనే విషయం తెలిసి ఆనందిస్తున్నారు. వారిద్దరి మధ్య మైదానంలోని పోటీ, వెలుపలిస్నేహం అన్నీ ఈ వీడియోలో స్పష్టంగా కనిపించాయి.
ఇక మ్యాచ్ అనంతరం ఢిల్లీ క్యాపిటల్స్ జట్టు ఏప్రిల్ 29న కోల్కతా నైట్ రైడర్స్తో ఢిల్లీ అరుణ్ జైట్లీ స్టేడియంలో తలపడనుంది. మరోవైపు పాయింట్ల పట్టికలో టాప్లో ఉన్న రాయల్ ఛాలెంజర్స్ బెంగళూరు జట్టు మే 3న చెన్నై సూపర్ కింగ్స్తో కీలక పోరుకు సిద్ధమవుతోంది. ఈ రెండు జట్ల మధ్య అద్భుతమైన క్రికెట్ తో పాటు, ఆటగాళ్ల మధ్య ఉన్న మానవ సంబంధాలు కూడా ఈ సీజన్ను మరింత రసవత్తరంగా మార్చుతున్నాయి.
That “achha hua out ho gaya” from KL 🤣💙 pic.twitter.com/OGFB4AQ4Lx
— Delhi Capitals (@DelhiCapitals) April 28, 2025
మరిన్ని ఐపీఎల్ వార్తల కోసం ఇక్కడ క్లిక్ చేయండి..