IPL 2023: ఐపీఎల్ చరిత్రలో భారీ సిక్సర్లు.. టాప్-5లో ఇద్దరు టీమిండియా ఆటగాళ్లు.. ఎవరో తెలిస్తే అవాక్కవుతారు..
IPL Longest Six: IPL 2023 మార్చి 31 నుంచి ప్రారంభమవుతుంది. ఈ టోర్నీలో భారీ సిక్సర్ల వర్షం కురవడం గ్యారెంటీ అనే సంగతి తెలిసిందే. కొత్త సీజన్ ప్రారంభానికి ముందు, ఈ టోర్నీలో పొడవైన సిక్సర్లు కొట్టిన ఐదుగురు బ్యాట్స్మెన్స్ ఎవరో తెలుసుకుందాం..
ఇండియన్ ప్రీమియర్ లీగ్.. ప్రపంచంలోని అత్యుత్తమ ఆటగాళ్లు ఒకరితో ఒకరు తలపడే వేదిక. ప్రపంచ స్థాయి క్రికెట్ ఇక్కడ కనిపిస్తుంది. ఈ క్రమంలో ఐపీఎల్లో పొడవైన సిక్సర్ల వర్షం కురవాల్సిందే. ఈ సంవత్సరం కూడా అభిమానులకు ఇదే కనిపిస్తోంది. కానీ, అంతకు ముందు ఈ టోర్నమెంట్లో పొడవైన సిక్సర్లు కొట్టిన ఐదుగురు బ్యాట్స్మెన్స్ గురించి తెలుసుకుందాం.
ఆల్బీ మోర్కెల్ ఐపీఎల్ చరిత్రలోనే అత్యంత పొడవైన సిక్సర్ కొట్టాడు. ఎడమచేతి వాటం బ్యాట్స్మన్ చెన్నై సూపర్ కింగ్స్ తరపున ఆడుతున్నప్పుడు డెక్కన్ ఛార్జర్స్పై 125 మీటర్ల సిక్సర్ కొట్టాడు.
ప్రవీణ్ కుమార్ ఐపీఎల్ చరిత్రలో భారత్ తరపున అత్యంత పొడవైన సిక్సర్ కొట్టాడు. 2011లో రాజస్థాన్ రాయల్స్పై ప్రవీణ్ కుమార్ 124 మీటర్ల సిక్సర్ కొట్టాడు.
ఐపీఎల్ చరిత్రలో మూడో పొడవైన సిక్సర్ ఆడమ్ గిల్క్రిస్ట్ బ్యాట్ నుంచి వచ్చింది. ఈ ఎడమచేతి వాటం బ్యాట్స్మెన్ 2011 సంవత్సరంలో రాయల్ ఛాలెంజర్స్ బెంగళూరుపై 122 మీటర్ల భారీ సిక్సర్ కొట్టాడు.
ముంబై ఇండియన్స్తో జరిగిన మ్యాచ్లో రాబిన్ ఉతప్ప నాలుగో పొడవైన సిక్సర్ కొట్టాడు. 2010లో ఆర్సీబీ తరపున ఆడుతూ ఉతప్ప 120 మీటర్ల సిక్సర్ కొట్టాడు.
ఐపీఎల్లో అత్యధిక సిక్సర్లు, అత్యధిక సెంచరీలు సాధించిన క్రిస్ గేల్ సుదీర్ఘ సిక్సర్ల పరంగా ఐదో స్థానంలో ఉన్నాడు. 2013లో సహారా పూణె వారియర్స్పై గేల్ 119 మీటర్ల సిక్స్ కొట్టాడు.
మరిన్ని క్రీడా వార్తల కోసం ఇక్కడ క్లిక్ చేయండి..