4,4,4,4.. ముంబై వద్దంది.. లక్నో ముద్దంది.. కట్‌చేస్తే.. 22 బంతుల్లో విధ్వంసం

Arjun Tendulkar

Arjun Tendulkar: క్రికెట్ దిగ్గజం సచిన్ టెండూల్కర్ కుమారుడు అర్జున్ టెండూల్కర్, ప్రస్తుతం జరుగుతున్న సయ్యద్ ముస్తాక్ అలీ ట్రోఫీ 2025-26లో తన బ్యాటింగ్‌తో అందరి దృష్టిని ఆకర్షించాడు. గోవా జట్టు తరపున ఆడుతున్న అర్జున్, ఉత్తర ప్రదేశ్‌తో జరిగిన మ్యాచ్‌లో ఓపెనర్‌గా బరిలోకి దిగి ఫోర్ల వర్షం కురిపించాడు. నవంబర్ 26న జరిగిన ఈ మ్యాచ్‌లో గోవా, ఉత్తర ప్రదేశ్ జట్లు తలపడ్డాయి. గోవా జట్టు కెప్టెన్ అర్జున్ టెండూల్కర్‌ను ఓపెనింగ్‌కు పంపగా, ఆ నిర్ణయం సరైనదేనని అర్జున్ నిరూపించాడు.

అర్జున్ టెండూల్కర్ ఇన్నింగ్స్..

ఓపెనర్‌గా వచ్చిన అర్జున్ టెండూల్కర్ 22 బంతుల్లో 28 పరుగులు చేశాడు. ఇందులో 4 అద్భుతమైన ఫోర్లు ఉన్నాయి. అతని స్ట్రైక్ రేట్ 127.27గా నమోదైంది. ఈ మ్యాచ్‌లో గోవా తరపున అభినవ్ తేజ్రాణా 35 బంతుల్లో 72 పరుగులు చేసి టాప్ స్కోరర్‌గా నిలవగా, అర్జున్ రెండో అత్యధిక స్కోరర్‌గా నిలిచాడు.

IND vs SA: ఏరికోరి టీమిండియా కోచ్‌గా వచ్చింది ఇందుకేనా గంభీర్.. తొక్కలో స్ట్రాటజీతో కొంపముంచావ్‌గా..

మ్యాచ్ ఫలితం..

మొదట బ్యాటింగ్ చేసిన గోవా నిర్ణీత 20 ఓవర్లలో 9 వికెట్ల నష్టానికి 172 పరుగులు చేసింది. 173 పరుగుల లక్ష్యంతో బరిలోకి దిగిన ఉత్తర ప్రదేశ్ జట్టు, ఆర్యన్ జుయల్ (57 బంతుల్లో 93 పరుగులు) అద్భుత ఇన్నింగ్స్‌తో 4 వికెట్ల నష్టానికి లక్ష్యాన్ని చేధించి విజయం సాధించింది. బౌలింగ్‌లో అర్జున్ టెండూల్కర్ 2.2 ఓవర్లలో 29 పరుగులు ఇచ్చి వికెట్లేమీ తీయలేకపోయాడు.

ఇదికూడా చదవండి: గంభీర్, అగార్కర్‌ల మూర్ఖత్వానికి నలుగురు బలి.. టీమిండియా నుంచి ఇలా గెంటేశారేంటి..?

ఐపీఎల్ 2025లో లక్నో తరఫున బరిలోకి..

రాబోయే ఐపీఎల్ సీజన్‌లో అర్జున్ టెండూల్కర్ ముంబై ఇండియన్స్ బదులుగా లక్నో సూపర్ జెయింట్స్ తరపున ఆడనున్నాడు. ఈ సీజన్‌లో మంచి ప్రదర్శన చేసి టీమిండియాలో స్థానం సంపాదించడమే లక్ష్యంగా అర్జున్ బరిలోకి దిగనున్నాడు.