IPL 2022: ఐపీఎల్ 2022 కొత్త ఫార్మాట్ ఇదే.. ఏ జట్టు ఎవరితో తలబడబోతోందంటే.? పూర్తి వివరాలు..

క్రికెట్ పండుగకు సమయం ఆసన్నమైంది. ఐపీఎల్ 2022 సీజన్ మార్చి 26వ తేదీ నుంచి ప్రారంభం కానుండగా.. మే 29న ఫైనల్ జరగనుంది. మొత్తం 10 జట్లు 2 గ్రూపులుగా విడిపోయి.. 70 మ్యాచ్‌లు ఆడనున్నాయి. మిగతా 4 ప్లేఆఫ్స్ మ్యాచ్‌లు కావడంతో.. ఈ లీగ్‌లో పూర్తిగా 74 మ్యాచ్‌లు జరగనున్నాయి. ఈ మ్యాచ్‌లన్నీ కూడా ముంబై, పూణే నగరాల్లో ఉన్న 4 స్టేడియాల్లో జరుగుతాయి. ముంబై వాంఖడేలో 20 మ్యాచ్‌లు, బ్రబౌర్న్‌ స్టేడియంలో 15, డీవై పటేల్ స్టేడియంలో 20 మ్యాచ్‌లు, పూణేలో 15 మ్యాచ్‌లు జరుగుతాయి. ఈ మేరకు బీసీసీఐ కీలక ప్రకటన చేసింది. ప్రతీ జట్టు తమ గ్రూపులోని 4 జట్లతో తలో రెండు మ్యాచ్‌లు, మరో గ్రూపులో ఎదురుగా ఉన్న జట్టుతో 2 మ్యాచ్‌లు, మిగతా నాలుగు జట్లతో ఒక మ్యాచ్ ఆడతాయి. ప్లే-ఆఫ్స్, ఫైనల్స్‌కు సంబంధించిన వేదికలను త్వరలోనే ప్రకటిస్తామని బీసీసీఐ స్పష్టం చేసింది.

గ్రూప్-ఏ(టీమ్స్)

*ముంబై ఇండియన్స్

*కోల్‌కతా నైట్ రైడర్స్

*రాజస్థాన్ రాయల్స్

*ఢిల్లీ క్యాపిటల్స్

*లక్నో సూపర్ జెయింట్స్

గ్రూప్ -బీ (టీమ్స్)

*చెన్నై సూపర్ కింగ్స్

*సన్‌రైజర్స్ హైదరాబాద్

*రాయల్ ఛాలెంజర్స్ బెంగళూరు

*పంజాబ్ కింగ్స్

*గుజరాత్ టైటాన్స్