Chahal-Dhanashree: ధనశ్రీతో విడాకులు.. చాహల్ చెల్లించే భరణమెంతో తెలుసా? సంపాదించిన ఆస్తులన్నీ..

Yuzvendra Chahal, Dhanashre

భారత క్రికెటర్ యుజ్వేంద్ర చాహల్, ధనశ్రీ వర్మ విడాకులు తీసుకున్నారు. ఇద్దరూ గురువారం (ఫిబ్రవరి 20) న అధికారికంగా విడాకులు తీసుకున్నారు. ఆ తర్వాత ఈ విషయాన్ని సోషల్ మీడియాలో పోస్ట్ చేశారు. ఇందులో డైరెక్టుగా విడాకులు అని చెప్పకపోయినా అంతరార్థం అదే నని స్పష్టంగా అర్థమవుతోంది. కాగా విడాకుల తర్వాత ధనశ్రీకి పెద్ద మొత్తంలో భరణం లభించనుందని తెలస్తోంది. ఈ మొత్తం దాదాపు రూ.60 కోట్లు ఉంటుందని చెబుతున్నారు. కాగా యుజ్వేంద్ర చాహల్ మొత్తం ఆస్తుల విలువ రూ. 45 కోట్లు ఉంటుందని తెలుస్తోంది. ఒక వేళ విడాకుల తర్వాత ధనశ్రీకి రూ.60 కోట్లు చెల్లించాల్సి వస్తే, చాహల్ ఇప్పటివరకు సంపాదించిన సంపదనంతా వదులుకోవాల్సిందేనని తెలుస్తోంది. అయితే భరణంపై అటు చాహల్ కానీ, ధన శ్రీ కానీ వారి కుటుంబ సభ్యులు అధికారికంగా స్పందించిన దాఖలాలు లేవు.

ధనశ్రీ వర్మ, యుజ్వేంద్ర చాహల్ ది ప్రేమ వివాహం. ఇరు కుటుంబాల సమక్షంలో 2020 డిసెంబర్ 11న వీరి వివాహం జరిగింది. ఇప్పుడు ఈ నాలుగేళ్ల వైవాహిక బంధానికి చాహల్, ధనశ్రీలు వీడ్కోలు పలికారు. కాగా వీరు గత 18 నెలలుగా విడివిడిగానే ఉన్నారట. పరస్పర అంగీకారంతోనే విడాకులు తీసుకుంటున్నట్లు ఫ్యామిలీ కోర్టులో చాహల్, ధన శ్రీ చెప్పుకొచ్చారు.

18 నెలలుగా విడిగానే ఉంటున్నాం..

కాగా డెంటిస్ట్ అయిన ధనశ్రీ వర్మ కొరియోగ్రాఫర్ కూడా. యూట్యూబ్ లో ఆమె డ్యాన్స్ లకు బాగా క్రేజ్ ఉంది. గతంలో శ్రేయస్ అయ్యర్ తదితర టీమ్ఇండియా క్రికెటర్లతో ధనశ్రీ డ్యాన్స్ చేసిన వీడియోలు సోషల్ మీడియాలో వైరల్ గా మారిన సంగతి తెలిసిందే. అయితే ధనశ్రీ, చాహల్ ల విడాకులకు కారణమేంటో స్పష్టంగా తెలియరాలేదు.

చాహల్ పోస్ట్..

మరిన్ని క్రీడా వార్తల కోసం ఇక్కడ క్లిక్ చేయండి.