IND vs SL: భారత పర్యటనకు శ్రీలంక జట్టు ప్రకటన.. పంజాబ్ కింగ్స్‌కు షాకిచ్చిన లంక బోర్డు.. ఆ ప్లేయర్‌కు నో ఛాన్స్
Sri Lanka Cricket Team: ఇప్పటివరకు ఈ బ్యాట్స్‌మెన్ శ్రీలంక తరఫున 18 టీ20 మ్యాచ్‌లు ఆడి 320 పరుగులు చేశాడు. ఈ సమయంలో అతని సగటు 26.66గా ఉంది.
భారత్- శ్రీలంక(India vs Sri Lanka) మధ్య మూడు మ్యాచ్‌ల టీ20 సిరీస్ జరగాల్సి ఉండగా, ఇందుకోసం జట్టును ప్రకటించింది. శ్రీలంక 18 మందితో కూడిన జట్టును ప్రకటించింది. అయితే, ఈ జట్టుతో ఐపీఎల్(IPL) ఫ్రాంచైజీ పంజాబ్ కింగ్స్(Punjab Kings) ఆందోళనలు పెరిగే అవకాశం ఉంది. శ్రీలంక క్రికెట్ బోర్డు సెలక్షన్ కమిటీ భానుక రాజపక్సకు జట్టులో చోటు కల్పించలేదు. IPL-2022 మెగా వేలంలో పంజాబ్ కింగ్స్ రాజపక్స(Bhanuka Rajapaksa)ను రూ. 50 లక్షలకు వేలంలో దక్కించుకుంది. కాగా, వేలంలో అమ్ముడైన ఏకైక శ్రీలంక బ్యాట్స్‌మెన్ అతనే కావడం విశేషం. రాజపక్సే ఎందుకు జట్టుకు దూరమయ్యారనేది కాస్త ఆశ్చర్యానికి గురిచేస్తోంది. ఫిట్‌నెస్‌ కారణంగా అతడిని జట్టులోకి ఎంపిక చేయలేదని తెలుస్తోంది. అయితే, జట్టు కమాండ్ దసున్ షనక చేతిలో ఉంచింది శ్రీలంక బోర్డు. అదే సమయంలో, చరిత్ అసలంకను వైస్ కెప్టెన్‌గా నియమించారు. ఐపీఎల్ మెగా వేలంలో రూ. 10.75 కోట్లకు అమ్ముడైన వనిందు హసరంగా కూడా జట్టులోకి వచ్చాడు. శ్రీలంక జట్టులో ఆరుగురు స్పిన్ బౌలర్లు చోటు దక్కించుకున్నారు.
మిస్టరీ స్పిన్నర్‌ను చోటు..
21 ఏళ్ల ఆఫ్ స్పిన్నర్ మహిష్ తీక్షణ కూడా భారత పర్యటన కోసం జట్టులో భాగమయ్యాడు. మహిష్ ఇప్పటి వరకు 15 టీ20లు ఆడి 14 వికెట్లు పడగొట్టాడు. ఆస్ట్రేలియాలో జరిగిన సిరీస్‌లో తీక్షణ ప్రదర్శన అద్భుతంగా ఉంది. ఈ సిరీస్‌లో మహిష్‌తో పాటు కుశాల్ మెండిస్ కూడా మంచి ప్రదర్శన చేశాడు. 50 సగటుతో 100 పరుగులు చేశాడు.
ఇటీవల శ్రీలంక జట్టు 5 టీ20 మ్యాచ్‌ల సిరీస్‌ను ఆడేందుకు ఆస్ట్రేలియాకు వెళ్లగా, అక్కడ సిరీస్‌లో 4-1తో ఓటమిని చవిచూడాల్సి వచ్చింది.
ఫిబ్రవరి 24 నుంచి టీ20 సిరీస్ ప్రారంభం..
ఫిబ్రవరి 24 నుంచి మూడు టీ20ల సిరీస్ మొదలుకానుంది. భారత్-శ్రీలంక మధ్య టీ20, టెస్టు సిరీస్ షెడ్యూల్‌ను బీసీసీఐ ప్రకటించింది. ఫిబ్రవరి 24 నుంచి లక్నోలో జరిగే తొలి టీ20 మ్యాచ్‌తో శ్రీలంక జట్టు పర్యటన ప్రారంభం కానుంది. రెండు మ్యాచ్‌ల టెస్టు సిరీస్ మార్చి 4 నుంచి మొహాలీలో ప్రారంభం కానుంది.
టీ 20 సిరీస్‌కు శ్రీలంక జట్టు
దసున్ షనక (కెప్టెన్), చరిత్ అసలంక, పాతుమ్ నిసంక, కుసాల్ మెండిస్, దినేష్ చండిమాల్, ధనుష్క గుణతిలక, కమిల్ మిషార, జనత్ లియానాగే, వనిందు హసరంగా, చమిక కరుణరత్నే, లహిరు కుమార, దుష్మంత చమీర్నన్, బుమ్త చమీర్నాన్ , జెఫ్రీ వాండర్సే, ప్రవీణ్ జయవిక్రమ, ఆషియాన్ డేనియల్.
ఈ సిరీస్‌కు సంబంధించి ఇప్పటికే టీమిండియాను ప్రకటించిన సంగతి తెలిసిందే. విరాట్ కోహ్లి, రిషబ్ పంత్‌లు సిరీస్‌లో భాగం కావడం లేదు. వీరిద్దరికీ విశ్రాంతి లభించింది.
Sri Lanka T20I squad for India tour 2022 – https://t.co/SofZ6k22gC
⬇️#INDvSL pic.twitter.com/Pfj3TTehOg— Sri Lanka Cricket ?? (@OfficialSLC) February 21, 2022
IPL 2022 Auction: ఆ ఆటగాడిపై భారీగా పందెం ఖాయడం రిస్కే.. కానీ, మాకు వేరే దారిలేదు: ఎస్‌ఆర్‌హెచ్ కోచ్