Ind vs Aus 2nd ODI: సిరీస్‌ గెలవాలంటే తప్పక గెలవాల్సిందే.. భారత్, ఆసీస్ 2వ వన్డే ఎప్పుడు, ఎక్కడ, ఎలా చూడాలంటే?

IND vs AUS 2nd ODI Match Time: భారత్ వర్సెస్ ఆస్ట్రేలియా మధ్య రెండవ వన్డే అడిలైడ్ ఓవల్ వేదికగా జరుగుతుంది. సిరీస్‌లో నిలవాలంటే టీమిండియా ఈ మ్యాచ్‌లో ఎలాగైనా గెలవాల్సిందే. లేదంటే సిరీస్ ఓడిపోవాల్సిందే. రోహిత్, విరాట్ ఈ ఇద్దరు సీనియర్లు పంజా విప్పితే ఇది సాధ్యమే.

Ind Vs Aus 2nd Odi

Venkata Chari |
Updated on: Oct 22, 2025 | 10:14 AM

India vs Australia Live Streaming, 2nd ODI Match Start Time: పెర్త్‌లో ఘోర పరాజయం తర్వాత, టీమిండియా ఇప్పుడు సిరీస్‌ను కాపాడుకునే సవాలును ఎదుర్కొంటోంది. మూడు మ్యాచ్‌ల వన్డే సిరీస్‌లోని రెండవ మ్యాచ్ గురువారం, అక్టోబర్ 23న అడిలైడ్ ఓవల్‌లో జరుగుతుంది. సిరీస్‌లో నిలవాలంటే టీమిండియా ఏ విధంగానైనా రెండో వన్డేను గెలవాల్సి ఉంటుంది. తొలి వన్డేలో ఆస్ట్రేలియా 7 వికెట్ల తేడాతో పర్యాటక జట్టును ఓడించింది. ఈ మ్యాచ్‌లో భారత జట్టు బ్యాటింగ్ పూర్తిగా విఫలమైంది.

ఎట్టి పరిస్థితుల్లోనూ విజయం నమోదు చేయాల్సిందే..

మూడు వన్డేల సిరీస్‌లో ఆస్ట్రేలియా 1-0తో ఆధిక్యంలో ఉంది. సిరీస్‌ను కైవసం చేసుకోవడానికి రెండవ మ్యాచ్‌లో గెలిచి సిరీస్‌ను కైవసం చేసుకోవాలని చూస్తోంది. అయితే సిరీస్‌లో నిలవాలంటే టీమిండియా ఎట్టి పరిస్థితుల్లోనూ అడిలైడ్‌లో గెలవాల్సిందే. దీనికి జట్టులోని టాప్-ఆర్డర్ బ్యాటర్స్ బాగా రాణించాల్సి ఉంటుంది.

ఇవి కూడా చదవండి

పెర్త్‌లో జరిగిన తొలి వన్డేలో రోహిత్ శర్మ, విరాట్ కోహ్లీ, కెప్టెన్ శుభ్‌మన్ గిల్ కేవలం 25 పరుగులకే ఔటయ్యారు. వర్షం కారణంగా దెబ్బతిన్న ఈ మ్యాచ్‌లో భారత్ భారీ స్కోరు చేయలేకపోయింది. ఆస్ట్రేలియా చేతిలో ఘోర పరాజయం పాలైంది. ఇప్పుడు భారత జట్టు తిరిగి విజయాల బాట పట్టాలంటే బాగా బ్యాటింగ్ చేయాల్సి ఉంటుంది.

IND vs AUS: లైవ్ స్ట్రీమింగ్‌ను ఎప్పుడు, ఎక్కడ చూడాలి?

భారత్, ఆస్ట్రేలియా మధ్య రెండో వన్డే మ్యాచ్ ఎప్పుడు జరుగుతుంది?

భారత్ , ఆస్ట్రేలియా మధ్య రెండో వన్డే గురువారం, అక్టోబర్ 23న జరగనుంది.

ఈ ఇండియా-ఆస్ట్రేలియా మ్యాచ్ ఎప్పుడు ప్రారంభమవుతుంది?

భారత్ వర్సెస్ ఆస్ట్రేలియా మధ్య రెండవ మ్యాచ్ భారత కాలమానం ప్రకారం ఉదయం 9:00 గంటలకు ప్రారంభమవుతుంది. టాస్ అరగంట ముందుగా, ఉదయం 8:30 గంటలకు జరుగుతుంది.

ఆస్ట్రేలియాలోని ఏ మైదానంలో టీమిండియా వర్సెస్ ఆస్ట్రేలియా మధ్య రెండవ వన్డే మ్యాచ్ జరుగుతుంది?

భారత్ వర్సెస్ ఆస్ట్రేలియా మధ్య ఈ మ్యాచ్ అడిలైడ్ ఓవల్ మైదానంలో జరుగుతుంది.

ఇండియా-ఆస్ట్రేలియా 2వ వన్డేను ఏ టీవీ ఛానల్ ప్రసారం చేస్తుంది?

ఈ వన్డే సిరీస్ ప్రసార హక్కులను స్టార్ స్పోర్ట్స్ కలిగి ఉంది. వన్డే మ్యాచ్‌లను స్టార్ స్పోర్ట్స్ ప్రత్యక్ష ప్రసారం చేస్తుంది. అదనంగా, మ్యాచ్‌లను డీడీ స్పోర్ట్స్‌లో ఉచితంగా వీక్షించవచ్చు.