IND VS SL: మరోసారి సేమ్ సీన్.. ఆ యంగ్ ప్లేయర్‌ను వేధిస్తోన్న గాయాలు.. తొలి టీ20 ప్లేయింగ్ XI నుంచి కూడా..
India vs Sri Lanka, 1st T20I: శ్రీలంకతో జరిగిన తొలి టీ20 నుంచి అకస్మాత్తుగా ఔటయిన రితురాజ్ గైక్వాడ్ స్థానంలో సంజూ శాంసన్‌లకు అవకాశం లభించింది.
Updated on: Feb 24, 2022 | 8:31 PM
రీతురాజ్ గైక్వాడ్ …భారత క్రికెట్‌లో వర్ధమాన స్టార్‌గా ఎదుగుతున్నాడు. తన క్లాస్ బ్యాటింగ్‌తో పాటు భారీ ఇన్నింగ్స్‌లు వేగంగా ఆడే సామర్థ్యం కలిగి ఉన్నాడు. అయితే, గైక్వాడ్ తరచుగా టీమ్ ఇండియా వెలుపలే కనిపిస్తున్నాడు. గైక్వాడ్ (Ruturaj Gaikwad) చాలా ప్రతిభావంతుడు, కానీ బహుశా అదృష్టం అతనికి తోడుగా కనిపించడం లేదు. గత కొంతకాలంగా గైక్వాడ్ చాలా మ్యాచ్‌లు ఆడలేని పరిస్థితి ఏర్పడింది. శ్రీలంకతో టీ20 సిరీస్‌కు ముందు సేమ్ సీన్ రిపీట్ అయింది. రితురాజ్ గైక్వాడ్ మొదటి మ్యాచ్‌లో (India vs Sri Lanka, 1st T20I) ఆడాల్సి ఉంది. కానీ, అతను ఆట ప్రారంభానికి ముందు ప్లేయింగ్ XI నుంచి తప్పుకున్నాడు.
వాస్తవానికి మ్యాచ్‌కు ముందు రితురాజ్ గైక్వాడ్ గాయపడ్డాడు. బ్యాటింగ్ ప్రాక్టీస్ చేస్తున్నప్పుడు, గైక్వాడ్ తన కుడి చేతి మణికట్టులో నొప్పితో బాధపడ్డాడు. దాని కారణంగా అతను షాట్ ఆడలేకపోయాడు. దీని తర్వాత అతను ప్లేయింగ్ XI నుంచి తప్పించారు. అతని స్థానంలో సంజు శాంసన్‌కు అవకాశం లభించింది. గైక్వాడ్ గాయంపై బీసీసీఐ ట్వీట్ ద్వారా సమాచారం ఇచ్చింది.
గైక్వాడ్ మణికట్టు గాయం.. రితురాజ్ గైక్వాడ్ గాయంపై బీసీసీఐ ట్వీట్ చేసి, ‘రితురాజ్ గైక్వాడ్ కుడిచేతి మణికట్టులో నొప్పి ఉంది. దీంతో అతని బ్యాటింగ్‌పై ప్రభావం చూపుతోంది. తొలి టీ20లో ఎంపికకు గైక్వాడ్ అందుబాటులో లేడు. బీసీసీఐ వైద్య బృందం అతడిని పరీక్షిస్తోంది’ అని పేర్కొంది.
వెస్టిండీస్‌తో వన్డే సిరీస్‌కు ముందు రితురాజ్ గైక్వాడ్ కోవిడ్ పాజిటివ్‌గా తేలిన సంగతి తెలిసిందే. దీంతో అతను మొత్తం వన్డే సిరీస్ ఆడలేకపోయాడు. ఆ తర్వాత టీ20 సిరీస్‌లో తొలి రెండు మ్యాచ్‌ల్లో కూడా అతనికి అవకాశం రాలేదు. గత మ్యాచ్‌లో, గైక్వాడ్ ప్లేయింగ్ ఎలెవన్‌లో చోటు సంపాదించాడు. అయితే అతను నాలుగు పరుగులు చేసి ఔట్ అయ్యాడు. శ్రీలంకతో మూడు T20Iలు ఆడాలని భావించారు. కానీ, అతను మొదటి మ్యాచ్ ఆడలేకపోయాడు. అయితే గైక్వాడ్ గాయం కారణంగా గతేడాది శ్రీలంక టూర్‌లో టీ20 సిరీస్ ఆడిన సంజూ శాంసన్‌కు అవకాశం కల్పించగా, అక్కడ మూడు మ్యాచ్‌ల్లోనూ రాణించలేకపోయాడు. శాంసన్‌తో పాటు దీపక్ హుడా కూడా టీ20 అరంగేట్రం చేసే అవకాశం దక్కించుకున్నాడు.
భారత ప్లేయింగ్ XI – రోహిత్ శర్మ, ఇషాన్ కిషన్, సంజు శాంసన్, శ్రేయాస్ అయ్యర్, రవీంద్ర జడేజా, వెంకటేష్ అయ్యర్, దీపక్ హుడా, హర్షల్ పటేల్, జస్ప్రీత్ బుమ్రా, యుజ్వేంద్ర చాహల్ మరియు భువనేశ్వర్ కుమార్.
Also Read: Deepak Hooda Debut: టీ20ల్లోకి ఎంట్రీ ఇచ్చిన దీపక్ హుడా.. క్యాప్ అందించిన రోహిత్..
IND vs SL, 1st T20, LIVE Cricket Score: రెండో వికెట్ కోల్పోయిన టీమిండియా.. స్కోరెంతంటే?
