IND vs SL: 4 ఓవర్లలో 14 డాట్బాల్స్.. 4 వికెట్లతో అరంగేట్రంలోనే అదుర్స్ .. దెబ్బకు ఏడేళ్ల రికార్డులు బ్రేక్
ఈ మ్యాచ్లో మొదట బ్యాటింగ్ చేసిన భారత్ ఐదు వికెట్ల నష్టానికి 162 పరుగులు చేసింది.శ్రీలంక జట్టు ధీటుగా పోరాడినప్పటికీ 20 ఓవర్లలో 9 వికెట్ల నష్టానికి 160 పరుగులు మాత్రమే చేయగలిగింది. ఈ థ్రిల్లింగ్ పోరులో అసలు హీరో కెరీర్ లో తొలి అంతర్జాతీయ మ్యాచ్ ఆడుతున్న శివమ్ మావీనే.
భారత క్రికెట్ జట్టు 2023 సంవత్సరాన్ని విజయంతో ప్రారంభించింది. కొత్త కెప్టెన్ హార్దిక్ పాండ్యా సారథ్యంలో ముంబై వేదికగా జరిగిన తొలి టీ20లో టీమిండియా రెండు పరుగుల తేడాతో శ్రీలంకను ఓడించింది. దీంతో మూడు మ్యాచ్ల సిరీస్లో 1-0 ఆధిక్యంలో నిలిచింది. ఈ మ్యాచ్లో మొదట బ్యాటింగ్ చేసిన భారత్ ఐదు వికెట్ల నష్టానికి 162 పరుగులు చేసింది.శ్రీలంక జట్టు ధీటుగా పోరాడినప్పటికీ 20 ఓవర్లలో 9 వికెట్ల నష్టానికి 160 పరుగులు మాత్రమే చేయగలిగింది. అయితే ఈ థ్రిల్లింగ్ పోరులో అసలు హీరో కెరీర్ లో తొలి అంతర్జాతీయ మ్యాచ్ ఆడుతున్న శివమ్ మావీనే. మ్యాచ్ ఆద్యంతం అద్భుతంగా బౌలింగ్ చేసిన ఈ కుర్ర బౌలర్ లంకేయుల పని పట్టాడు. ఇన్నింగ్స్ ప్రారంభంలోనే వికెట్లు తీసి పర్యాటక జట్టును ఒత్తిడిలోకి నెట్టాడు. ముందుగా పాతుమ్ నిస్సాంకాను అవుట్ చేసిన మావీ ఆ తర్వాత ధనంజయ్ డిసిల్వాను పెవిలియన్ పంపాడు. ఆతర్వాత క్రీజులో కుదురుకున్న ఆల్రౌండర్ వనిందు హసరంగ, మహేశ్ తీక్షణలను కూడా ఔట్ చేశాడు. మ్యాచ్లో మొత్తం 4 ఓవర్ల కోటా పూర్తి చేసిన మావి 22 రన్స్ ఇచ్చి 4 వికెట్ల పడగొట్టాడు. ఎకానమీ 5.5 మాత్రమే. టీమిండియా విజయంలో అతనిదే కీ రోల్.
ఏడేళ్ల రికార్డులు బ్రేక్..
ఈ మ్యాచ్ ద్వారా పలు రికార్డులు కొల్లగొట్టాడు శివమ్. 2009లో ప్రజ్ఞాన్ ఓజా బంగ్లాదేశ్పై అరంగేట్రం చేస్తూ 21 పరుగులిచ్చి నాలుగు వికెట్లు పడగొట్టాడు. ఆ తర్వాత 2016లో జింబాబ్వేపై అరంగేట్రం చేసిన బరీందర్ శరణ్ 10 పరుగులిచ్చి నాలుగు వికెట్లు పడగొట్టాడు. ఇప్పుడీ రికార్డును సమం చేశాడు మావి. 2018లో పృథ్వీ షా కెప్టెన్సీలో న్యూజిలాండ్లో జరిగిన అండర్-19 ప్రపంచకప్ గెలిచిన జట్టులో మావి సభ్యుడు. అప్పటి నుంచి టీమిండియాలో స్థానం కోసం ఎదురుచూస్తున్నాడీ యంగ్ బౌలర్. ఐపీఎల్లో కోల్కతా తరఫున అమోఘంగా రాణించాడు. కాగా మ్యాచ్ అనంతరం మావీ మాట్లాడుతూ.. ‘ ఈ క్షణం కోసమే ఆరేళ్లుగా ఎదురుచూస్తున్నాను. కెరీర్ మధ్యలో నేను గాయాలపాలయ్యాను. దీంతో నా కల ఎప్పటికీ నెరవేరదని భావించాను. కానీ ఈ మ్యాచ్తో నాకల సాకారమైంది. నేను తీసిన తొలి వికెట్ నా ఫేవరెట్’ అని మురిసిపోయాడు మావి. కాగా అనారోగ్యంతో ఈ మ్యాచ్లో ఆడని అర్ష్దీప్ సింగ్ స్థానంలో మావికి అవకాశం లభించింది. మావి ఐపీఎల్లో కోల్కతా నైట్ రైడర్స్ తరఫున ఆడాడు . ఈ సీజన్లో అతనిని పాండ్యా కెప్టెన్సీ గుజరాత్ టైటాన్స్ ఆరు కోట్ల రూపాయలకు కొనుగోలు చేసింది.
For his brilliant bowling figures of 4/22 on his debut game, @ShivamMavi23 is our Top Performer from the second innings.
A look at his bowling summary here ??#INDvSL @mastercardindia pic.twitter.com/nkDyHeRLCo
— BCCI (@BCCI) January 3, 2023
మరిన్ని క్రీడా వార్తల కోసం ఇక్కడ క్లిక్ చేయండి..