IND vs SL Final: ఆసియా పట్టేసి.. దునియాలో దండయాత్రకు సిద్ధం.. లంకను చిత్తు చేసి 8వసారి ట్రోఫీ పట్టేసిన భారత్..
కొలంబోలోని ఆర్ ప్రేమదాస స్టేడియంలో టాస్ గెలిచి బ్యాటింగ్ చేసిన శ్రీలంక జట్టు 15.2 ఓవర్లలో 50 పరుగులకు ఆలౌటైంది. అనంతరం ఛేదనలో టీమిండియా 6.1 ఓవర్లలో 51 పరుగులు పూర్తి చేసి, 8వ సారి ఆసియా విజేతగా నిలిచింది.
India vs Sri Lanka, Asia Cup 2023 Final Match Report: 8వ ఆసియా కప్ టైటిల్ను టీమిండియా కైవసం చేసుకుంది. డిఫెండింగ్ ఛాంపియన్ శ్రీలంకపై ఆ జట్టు 10 వికెట్ల తేడాతో విజయం సాధించింది. ఎక్కువ బంతులు మిగిలి ఉండగానే వన్డేల్లో భారత్కు ఇదే వేగవంతమైన విజయంగా నిలిచింది. అంతకుముందు 2001లో కెన్యాపై టీమిండియా 231 బంతుల తేడాతో విజయం సాధించింది. 50 ఓవర్ల వన్డేలో అత్యంత వేగంగా విజయం సాధించిన జట్టుగా శ్రీలంక రికార్డు సృష్టించింది. శ్రీలంక జట్టు 2001లో జింబాబ్వేను 274 బంతులు మిగిలి ఉండగానే ఓడించింది. అయితే ఓవరాల్ రికార్డు మాత్రం ఇంగ్లండ్ పేరిట ఉంది. 1979లో కెనడాతో జరిగిన 60 ఓవర్ల మ్యాచ్లో ఇంగ్లీష్ జట్టు మరో 277 బంతులు మిగిలి ఉండగానే విజయం సాధించింది.
కొలంబోలోని ఆర్ ప్రేమదాస స్టేడియంలో టాస్ గెలిచి బ్యాటింగ్ చేసిన శ్రీలంక జట్టు 15.2 ఓవర్లలో 50 పరుగులకు ఆలౌటైంది. అనంతరం ఛేదనలో టీమిండియా 6.1 ఓవర్లలో 51 పరుగులు పూర్తి చేసి, 8వ సారి ఆసియా విజేతగా నిలిచింది.
ఆసియా కప్ విజయంలో హీరోలు వీరే..
- మహ్మద్ సిరాజ్: మొహమ్మద్ సిరాజ్ తొలి స్పెల్లోనే అద్భుతంగా బౌలింగ్ చేశాడు. తన తొలి 16 బంతుల్లోనే 6గురు శ్రీలంక బ్యాట్స్మెన్లకు పెవిలియన్ బాట పట్టించాడు. ఈ క్రమంలో ఎన్నో రికార్డులను తన ఖాతాలో వేసుకున్నాడు.
- హార్దిక్ పాండ్యా: శ్రీలంక జట్టును 50 పరుగులకే పరిమితం చేయడంలో సిరాజ్ తర్వాత హార్దిక్ పాండ్యా కీలక పాత్ర పోషించాడు. చివరి బ్యాట్స్మెన్లో 3 వికెట్లు తీశాడు.
- 51 పరుగుల స్వల్ప లక్ష్యాన్ని ఛేదించేందుకు భారత కెప్టెన్ ఓపెనింగ్ జోడీలో మార్పులు చేశాడు. అతని స్థానంలో ఇషాన్ కిషన్ను ఓపెనింగ్కు పంపాడు. గిల్-ఇషాన్లు జట్టుకు వేగంగా శుభారంభం అందించారు.
ఇరుజట్ల ప్లేయింగ్ 11:
𝙒𝙃𝘼𝙏. 𝘼. 𝙒𝙄𝙉! 😎
A clinical show in the summit clash! 👌👌
A resounding 10-wicket win to clinch the #AsiaCup2023 title 👏👏
Well done, #TeamIndia! 🇮🇳#INDvSL pic.twitter.com/M9HnJcVOGR
— BCCI (@BCCI) September 17, 2023
భారత్ (ప్లేయింగ్ XI): రోహిత్ శర్మ (కెప్టెన్), శుభ్మన్ గిల్, విరాట్ కోహ్లీ, కెఎల్ రాహుల్ (కీపర్), ఇషాన్ కిషన్, హార్దిక్ పాండ్యా, రవీంద్ర జడేజా, వాషింగ్టన్ సుందర్, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్.
శ్రీలంక (ప్లేయింగ్ XI): పాతుమ్ నిస్సాంక, కుసల్ పెరీరా, కుసల్ మెండిస్(కీపర్), సదీర సమరవిక్రమ, చరిత్ అసలంక, ధనంజయ డి సిల్వా, దసున్ షనక(కెప్టెన్), దునిత్ వెల్లలాగే, దుషన్ హేమంత, ప్రమోద్ మదుషన్, మతీషా.
టీమిండియా ఘన విజయం..
మరిన్ని క్రీడా వార్తల కోసం ఇక్కడ క్లిక్ చేయండి..