Bumrah World Record: లారా రికార్డ్‌ను బద్దలు కొట్టిన బుమ్రా.. ఒక్క ఓవర్‌లో ఎన్ని రన్స్ కొట్టాడంటే? వీడియో

Jasprit Bumrah

టీమిండియా సూపర్ ఫాస్ట్ బౌలర్ జస్ప్రీత్ బుమ్రా భారత క్రికెట్ జట్టు బాధ్యతలు చేపట్టిన వెంటనే ప్రపంచ రికార్డు సృష్టించాడు. బుమ్రా ఈ రికార్డును బంతితో కాకుండా బ్యాట్‌తో చేయడం విశేషం. అతను ఒక ఓవర్‌లో అత్యధిక పరుగులు రాబట్టి, సరికొత్త రికార్డ్ నెలకొల్పాడు. వెస్టిండీస్ గొప్ప బ్యాట్స్‌మెన్ బ్రియాన్ లారా రికార్డును బద్దలు కొట్టాడు. భారత్-ఇంగ్లండ్ మధ్య జరుగుతున్న ఎడ్జ్‌బాస్టన్ టెస్ట్ రెండో రోజున, బుమ్రా వెటరన్ ఫాస్ట్ బౌలర్ స్టువర్ట్ బ్రాడ్‌ను చితక్కొట్టాడు. తన ఒక్క ఓవర్‌లో29 పరుగులు పిండుకుని ప్రపంచ రికార్డును నెలకొల్పాడు. మొత్తంగా బ్రాడ్ ఆ ఓవర్‌లో 35 పరుగులు ఇచ్చాడు. ఈ విధంగా 18 ఏళ్ల క్రితం లారా నెలకొల్పిన రికార్డును బద్దలు కొట్టాడు. లారా 2004లో ఒక ఓవర్‌లో 28 పరుగులు రాబట్టుకుని, ప్రపంచ రికార్డును నెలకొల్పాడు. ఆ తర్వాత రెండుసార్లు అది పునరావృతమైంది. కానీ, నేడు బుమ్రా ఏకంగా ఈ రికార్డ్‌ను బద్దలు కొట్టాడు.

ఇన్నింగ్స్ 84వ ఓవర్ వేసిన బ్రాడ్.. ఏకంగా 35 పరుగులు ఇచ్చాడు. ఇది ఓ ప్రపంచ రికార్డుగా మారింది. ఇప్పటి వరకు టెస్టు మ్యాచ్‌లో ఒక్క ఓవర్‌లో ఇన్ని పరుగులు రాకపోవడం విశేషం. ఇంగ్లండ్ తరపున జేమ్స్ అండర్సన్ అత్యధిక వికెట్లు పడగొట్టాడు. తన పేరిట 60 పరుగులిచ్చి 5 వికెట్లు పడగొట్టాడు.

టెస్టు క్రికెట్‌లో ఒక ఓవర్‌లో అత్యధిక పరుగులు..

35 జస్ప్రీత్ బుమ్రా (స్టువర్ట్ బ్రాడ్ బౌలింగ్‌లో) బర్మింగ్‌హామ్ 2022

28 బ్రియన్ లారా (R పీటర్సన్) జోహన్నెస్‌బర్గ్ 2003

28 G బెయిలీ ఆఫ్ (J ఆండర్సన్) పెర్త్ 2013

28 K మహారాజ్ (J రూట్) పోర్ట్ ఎలిజబెత్ 2020

28 షాహీద్ అఫ్రిది (హర్భజన్ సింగ్ బౌలింగ్‌లో)