IND vs AUS 2nd T20I: తిరువనంతపురంలో రెండో టీ20.. టీమిండియా రికార్డులు చూస్తే విశ్వవిజేతకు దడ పుట్టాల్సిందే..
India vs Australia: ముఖ్యమైన విషయం ఏమిటంటే.. ఈ మైదానంలో శివమ్ దూబే భారత్ తరపున హాఫ్ సెంచరీ సాధించాడు. సూర్యకుమార్ యాదవ్ కూడా హాఫ్ సెంచరీ చేశాడు. సూర్య 33 బంతుల్లో 50 పరుగులు చేశాడు. శివమ్ 30 బంతుల్లో 54 పరుగులు చేశాడు. కేఎల్ రాహుల్, విరాట్ కోహ్లీ కూడా ఇక్కడ టీ20 మ్యాచ్లు ఆడారు. ఈ మైదానంలో టీమిండియాకు సూర్య మరోసారి తన సత్తా చాటే అవకాశం ఉంది.
Updated on: Nov 25, 2023 | 7:46 AM
India vs Australia 2nd T20I: భారత్, ఆస్ట్రేలియా మధ్య టీ20 సిరీస్ రెండో మ్యాచ్ తిరువనంతపురంలో జరగనుంది. తొలి మ్యాచ్లో గెలిచిన టీమిండియా 1-0 ఆధిక్యంలో నిలిచింది. తిరువనంతపురంలోని గ్రీన్ ఫీల్డ్ ఇంటర్నేషనల్ స్టేడియంలో భారత్కు మంచి రికార్డు ఉంది. ఇక్కడ ఇప్పటి వరకు టీమ్ ఇండియా మొత్తం 3 టీ20 మ్యాచ్లు ఆడింది. ఇప్పుడు నాలుగో మ్యాచ్కి ఆదివారం మైదానంలోకి దిగనుంది.
తిరువనంతపురంలో భారత్ ఇప్పటివరకు మొత్తం 3 మ్యాచ్లు ఆడింది. ఈ వ్యవధిలో 2 మ్యాచ్లు గెలిచి ఒక మ్యాచ్లో ఓటమిని చవిచూసింది. 2017 నవంబర్లో న్యూజిలాండ్తో ఈ మైదానంలో భారత్ తన తొలి టీ20 మ్యాచ్ ఆడింది. దీంతో 6 పరుగుల తేడాతో విజయం సాధించింది. రెండో మ్యాచ్లో 8 వికెట్ల తేడాతో ఓటమి చవిచూడాల్సి వచ్చింది. ఈ మ్యాచ్ వెస్టిండీస్తో జరిగింది. దక్షిణాఫ్రికాతో ఇక్కడ జరిగిన చివరి టీ20 మ్యాచ్లో టీమిండియా 8 వికెట్ల తేడాతో విజయం సాధించింది. ఈ మ్యాచ్ సెప్టెంబర్ 2022లో జరిగింది.
ముఖ్యమైన విషయం ఏమిటంటే.. ఈ మైదానంలో శివమ్ దూబే భారత్ తరపున హాఫ్ సెంచరీ సాధించాడు. సూర్యకుమార్ యాదవ్ కూడా హాఫ్ సెంచరీ చేశాడు. సూర్య 33 బంతుల్లో 50 పరుగులు చేశాడు. శివమ్ 30 బంతుల్లో 54 పరుగులు చేశాడు. కేఎల్ రాహుల్, విరాట్ కోహ్లీ కూడా ఇక్కడ టీ20 మ్యాచ్లు ఆడారు. ఈ మైదానంలో టీమిండియాకు సూర్య మరోసారి తన సత్తా చాటే అవకాశం ఉంది.
2023 ప్రపంచకప్ ఫైనల్ తర్వాత ఇరు జట్లు తొలిసారిగా టీ20 సిరీస్లు ఆడడం గమనార్హం. ఈ సిరీస్లో తొలి మ్యాచ్లో భారత్ 2 వికెట్ల తేడాతో విజయం సాధించింది. ఈ మ్యాచ్లో సూర్యకుమార్ యాదవ్ ఇన్నింగ్స్ 80 పరుగులు చేశాడు. ఇషాన్ కిషన్ 58 పరుగులు చేశాడు.
View this post on Instagram
స్క్వాడ్లు:
ఆస్ట్రేలియా జట్టు: ట్రావిస్ హెడ్, మాథ్యూ షార్ట్, స్టీవెన్ స్మిత్, జోష్ ఇంగ్లిస్, గ్లెన్ మాక్స్వెల్, మార్కస్ స్టోయినిస్, టిమ్ డేవిడ్, మాథ్యూ వేడ్(కీపర్/కెప్టెన్), సీన్ అబాట్, ఆడమ్ జంపా, నాథన్ ఎల్లిస్, జాసన్ బెహ్రెండార్ఫ్, తన్వీర్ సంఘా, కేన్ రిచర్డ్సన్ ఆరోన్ హార్డీ.
భారత జట్టు: ఇషాన్ కిషన్(కీపర్), యశస్వి జైస్వాల్, సూర్యకుమార్ యాదవ్(కెప్టెన్), తిలక్ వర్మ, శివమ్ దూబే, రింకూ సింగ్, అక్షర్ పటేల్, రవి బిష్ణోయ్, అర్ష్దీప్ సింగ్, ప్రసిద్ధ్ కృష్ణ, ముఖేష్ కుమార్, వాషింగ్టన్ సుందర్, అవేష్ ఖాన్, రుతురాజ్ గైక్వాడ్ , జితేష్ శర్మ.
మరిన్ని క్రీడా వార్తల కోసం ఇక్కడ క్లిక్ చేయండి..
