Video: బ్యాట్ విరిగింది.. బాల్ సిక్స్ వెళ్లింది.. కట్చేస్తే.. టోర్నమెంట్ చరిత్రలోనే భారీ స్కోర్..
Brisbane Heat Vs Perth Scorchers: బ్రిస్బేన్ చేసిన భారీ స్కోరు గ్రేస్ హారిస్ బలమైన ఇన్నింగ్స్ కారణం. 59 బంతులు ఎదుర్కొని 12 ఫోర్లు, 11 సిక్సర్ల సాయంతో 136 పరుగులు చేసి అజేయంగా నిలిచింది. ఈ టోర్నీలో ఏ బ్యాట్స్మెన్ చేసిన అతిపెద్ద స్కోరు ఇదే. కానీ, గ్రేస్ ఈ ఇన్నింగ్స్ సమయంలో, ఆమె బ్యాట్ విరిగిపోయినందున మరో బ్యాట్తో ఆడాల్సి వచ్చింది.
క్రికెట్లో ఇలాంటివి చాలా సార్లు జరుగుతుంటాయి. తాజాగా మరొక సంఘటన చోటు చేసుకుంది. ఆస్ట్రేలియా మహిళల బిగ్ బాష్ లీగ్లో కనిపించిన ఈ సీన్ చూస్తే.. నిజంగానే ఫ్యాన్స్ షాక్ అవుతారు. అలాగే నవ్వులు కూడా పూస్తాయి. ఈ లీగ్లో ఆదివారం జరిగిన మ్యాచ్లో ప్రేక్షకులు నమ్మలేని ఘటన చోటుచేసుకుంది. సిడ్నీలోని నార్త్ సిడ్నీ ఓవల్ మైదానంలో జరిగిన మ్యాచ్లో బ్రిస్బేన్ హీట్ పెర్త్ స్కార్చర్స్తో తలపడింది. ఈ మ్యాచ్లో బ్రిస్బేన్ జట్టు మహిళా బ్యాటర్ బ్యాట్ మ్యాచ్ మధ్యలో విరిగిపోగా, అదేషాట్లో బంతి సిక్సర్ వెళ్లడం గమనార్హం. ఈ టోర్నీలో ఈ ఆటగాడు మళ్లీ అతిపెద్ద స్కోరు చేసింది. బ్రిస్బేన్కు చెందిన ఈ ప్లేయర్ పేరు గ్రేస్ హారిస్.
ఈ మ్యాచ్లో బ్రిస్బేన్ తొలుత బ్యాటింగ్ చేసింది. పెర్త్ బౌలర్లను ధీటుగా ఓడించిన ఆ టీం 20 ఓవర్లు ఆడి ఏడు వికెట్ల నష్టానికి 229 పరుగులు చేసింది. అనంతరం పెర్త్ జట్టు ఎనిమిది వికెట్లు కోల్పోయి 179 పరుగుల వద్దే ఆగిపోయింది.
విరిగిన బ్యాట్తో సిక్సర్..
🗣️ "I need a new bat… nah, stuff it. I'll hit it anyway"
Absolute gold from Grace Harris 😂 #WBBL09 pic.twitter.com/ALTwrJOWRH
— Weber Women's Big Bash League (@WBBL) October 22, 2023
బ్రిస్బేన్ చేసిన భారీ స్కోరు గ్రేస్ హారిస్ బలమైన ఇన్నింగ్స్ కారణం. 59 బంతులు ఎదుర్కొని 12 ఫోర్లు, 11 సిక్సర్ల సాయంతో 136 పరుగులు చేసి అజేయంగా నిలిచింది. ఈ టోర్నీలో ఏ బ్యాట్స్మెన్ చేసిన అతిపెద్ద స్కోరు ఇదే. కానీ, గ్రేస్ ఈ ఇన్నింగ్స్ సమయంలో, ఆమె బ్యాట్ విరిగిపోయినందున మరో బ్యాట్తో ఆడాల్సి వచ్చింది. బ్రిస్బేన్ ఇన్నింగ్స్ 14వ ఓవర్ జరుగుతోంది. ఈ ఓవర్లో తొలి బంతి పడింది. క్లియరీ వేసిన రెండో బంతికి గ్రేస్ లాంగ్ ఆన్లో అద్భుతమైన సిక్స్ కొట్టింది. అయితే, ఈ షాట్ ఆడుతున్న సమయంలో ఆమె బ్యాట్ విరిగిపోయింది. ఆమె బ్యాట్ హ్యాండిల్ విరిగి బ్యాట్ గాల్లోకి ఎగిరి, నాన్ స్ట్రైకర్ ఎండ్ దగ్గర పడిపోయింది. గ్రేస్ తన బ్యాట్ను మార్చుకుని తన బ్యాటింగ్ను కొనసాగించింది.
పెర్త్ బ్యాటింగ్ విఫలం..
పెర్త్కు 230 పరుగుల లక్ష్యం లభించింది. కానీ, ఈ భారీ స్కోరు ముందు పెర్త్ చేసిన ప్రతి ప్రయత్నమూ ఫలించలేదు.బెత్ మూనీ జట్టు తరపున గరిష్టంగా 60 పరుగులు చేసింది. మూనీ 30 బంతులు ఎదుర్కొని ఆరు ఫోర్లు, నాలుగు సిక్సర్లు బాదింది. ఆ తర్వాత అమీ జోన్స్ 30 పరుగుల ఇన్నింగ్స్ ఆడింది. బ్రిస్బేన్ తరపున కోర్ట్నీ గ్రేస్ సిప్పల్ నాలుగు వికెట్లు పడగొట్టింది. నాలుగు ఓవర్లలో 27 పరుగులు మాత్రమే ఇచ్చింది. జెస్ జాన్సన్ రెండు వికెట్లు తీసింది.
మరిన్ని క్రీడా వార్తల కోసం ఇక్కడ క్లిక్ చేయండి..