ఐపీఎల్ 2026 వేలంలో అత్యంత కాస్ట్లీ ప్లేయర్స్ ఈ ఇద్దరే.. హిస్టరీ బ్రేక్ చేసే లిస్ట్‌లో టీమిండియా బ్యాడ్‌లక్ ప్లేయర్

Ipl 2026 Auction

IPL 2026: ఇండియన్ ప్రీమియర్ లీగ్ 2025 ఘనంగా ముగిసింది. రాయల్ ఛాలెంజర్స్ బెంగళూరు ఉత్కంఠభరితమైన ఫైనల్‌లో పంజాబ్ కింగ్స్‌ను ఓడించి టైటిల్‌ను గెలుచుకుంది. కానీ, అనేక జట్లు ప్లేఆఫ్‌లకు కూడా చేరుకోలేకపోయాయి. అయితే, ఐపీఎల్ 2026 వేలం డబ్బుల వర్షం కురిపిస్తోంది. ఈ లిస్ట్‌లో ఇద్దరు ఆటగాళ్ల జాతకం మారనున్నట్లు తెలుస్తోంది. ఈ జాబితాలో మొదటి పేరు ఆస్ట్రేలియాకు చెందిన కామెరాన్ గ్రీన్ కావడం విశేషం. ఫ్రాంచైజీలు ఈ ఆస్ట్రేలియా ఆటగాడి కోసం కోట్లు ఖర్చు చేయడానికి వెనుకాడడం లేదు. ఏ జట్లు అతన్ని సొంతం చేసుకోవడానికి ఆసక్తి చూపుతాయో ఇప్పుడు తెలుసుకుందాం..

కామెరాన్ గ్రీన్ భారీ ధర పలకొచ్చు..

ఆస్ట్రేలియా స్టార్ ఆల్ రౌండర్ కామెరాన్ గ్రీన్ గాయం కారణంగా IPL 2025 మెగా వేలం నుంచి వైదొలిగాడు. ఆ సమయంలో గ్రీన్ వెన్ను గాయంతో బాధపడుతున్నాడు. కానీ, ఇప్పుడు అతను ఫిట్‌గా ఉన్నాడు. IPL 2026 వేలంలో అత్యంత ఖరీదైన ఆటగాడిగా అవతరించవచ్చని నివేదికలు సూచిస్తున్నాయి.

నిజానికి, గ్రీన్ టాప్ ఆర్డర్‌లో బ్యాటింగ్ చేయడమే కాకుండా, మీడియం పేస్ బౌలింగ్ కూడా చేస్తాడు. గంటకు 135-140 కిలోమీటర్ల వేగంతో సులభంగా బౌలింగ్ చేస్తాడు. ఇది అతన్ని ఇతర ఆటగాళ్ల నుంచి భిన్నంగా చేస్తుంది.

26 ఏళ్ల గ్రీన్ మొత్తం 63 టీ20 మ్యాచ్‌లు ఆడి, ఒక సెంచరీ, ఎనిమిది అర్ధ సెంచరీలతో 1,334 పరుగులు చేశాడు. బంతితో 28 వికెట్లు తీసుకున్నాడు. గ్రీన్ IPL (IPL 2026)లో రాయల్ ఛాలెంజర్స్ బెంగళూరు, ముంబై ఇండియన్స్‌కు కూడా ప్రాతినిధ్యం వహించాడు. 29 మ్యాచ్‌ల్లో 707 పరుగులు, 16 వికెట్లు తీసుకున్నాడు.

గ్రీన్ ఎన్ని కోట్లు దక్కించుకోవచ్చు?

IPL 2025లో ఢిల్లీ క్యాపిటల్స్, లక్నో సూపర్ జెయింట్స్ జట్టు ఆల్ రౌండ్ లైనప్‌లో బలహీనంగా ఉంది. ఢిల్లీ జట్టులో ఒక్క ఫాస్ట్ బౌలింగ్ ఆల్ రౌండర్ కూడా లేకపోయినా, లక్నోకు చెందిన శార్దూల్ ఠాకూర్ కూడా తన ప్రతిభకు న్యాయం చేయడంలో విఫలమయ్యాడు.

అందుకే లక్నో సూపర్ జెయింట్స్, ఢిల్లీ క్యాపిటల్స్ మినీ వేలంలో కామెరాన్ గ్రీన్‌ కోసం పోటీపడొచ్చు. గ్రీన్‌ను పొందేందుకు రూ. 14 నుంచి16 కోట్లు ఖర్చు చేసేందుకు రెడీ ఉన్నట్లు తెలుస్తోంది.

బెంగళూరు, ముంబై, చెన్నై జట్లు కూడా ఢిల్లీ, లక్నో అవకాశాలను దెబ్బతీసేందుకు రెడీగా ఉన్నారు. కానీ, గ్రీన్ కోసం 5-7 కోట్ల రూపాయల కంటే ఎక్కువ ఖర్చు చేయడానికి వారు ఇష్టపడరు. అయితే, ఢిల్లీ, లక్నో జట్లకు తమ జట్లను బలోపేతం చేయడానికి కామెరాన్ గ్రీన్ చాలా అవసరం.

ఈ భారత ఆటగాడిపైనా కోట్ల వర్షం..

IPL 2026 వేలానికి ముందు రాజస్థాన్ రాయల్స్ వికెట్ కీపర్ కం బ్యాటర్, కెప్టెన్ సంజు శాంసన్ పేరు వార్తల్లో నిలిచింది. నిజానికి, సంజు శాంసన్ IPL 2026లో రాజస్థాన్ రాయల్స్‌కు ప్రాతినిధ్యం వహించాలని కోరుకోవడం లేదు. ఫ్రాంచైజీని విడిచిపెట్టడానికి తన సంసిద్ధతను ఎక్కువగా వ్యక్తం చేస్తున్నాడు.

చెన్నై సూపర్ కింగ్స్, ఢిల్లీ క్యాపిటల్స్, కోల్‌కతా నైట్ రైడర్స్ సంజును సొంతం చేసుకోవడానికి ఆసక్తి చూపాయని అనేక మీడియా నివేదికలు పేర్కొన్నప్పటికీ, సంజు ఏ జట్టులో చేరడానికి ఆసక్తి చూపుతున్నాడనేది ఇంకా స్పష్టంగా తెలియలేదు. పింక్ ఆర్మీ 2026 మినీ వేలం (IPL 2026)కి ముందు సంజును విడుదల చేయవచ్చు, తద్వారా అతను వేలంలో చేరనున్నట్లు నివేదికలు వస్తున్నాయి.

ఏ జట్లు ఆసక్తి చూపవచ్చు?

సంజు శాంసన్ వయసు ప్రస్తుతం 30 సంవత్సరాలు. అతనిపై ఇప్పటికే చాలా జట్లు పోటీ పడుతున్నాయి. సంజు శాంసన్ మినీ-వేలంలోకి ప్రవేశిస్తే, ఢిల్లీ క్యాపిటల్స్ అతన్ని ఏ ధరకైనా కొనడానికి సిద్ధంగా ఉంది. ఎందుకంటే, గత సీజన్‌లో డీసీకి అక్షర్ పటేల్ నాయకత్వం వహించాడు. కానీ, ఢిల్లీ జట్టు ప్లేఆఫ్స్ నుంచి నిష్క్రమించింది. ఇంతలో, ఢిల్లీ వికెట్ కీపింగ్ జట్టు (IPL 2026) కూడా బలహీనంగా ఉంది. అక్షర్ కెప్టెన్సీ కూడా సాధారణంగా నిలిచింది.

సంజు రాక జట్టుకు భవిష్యత్ కెప్టెన్, బలమైన వికెట్ కీపర్, ఓపెనింగ్ బ్యాట్స్‌మన్‌ను అందిస్తుంది. ఢిల్లీతో పాటు, సన్‌రైజర్స్ హైదరాబాద్, చెన్నై సూపర్ కింగ్స్ కూడా సంజుపై ఆసక్తి చూపవచ్చు. కోల్‌కతా నైట్ రైడర్స్ కూడా శాశ్వత కెప్టెన్, వికెట్ కీపర్-బ్యాట్స్‌మన్ కోసం వెతుకుతోంది.

సంజును ఎన్ని కోట్లు దక్కించుకోవచ్చు?

చెన్నై సూపర్ కింగ్స్ జట్టుకు మహేంద్ర సింగ్ ధోని వికెట్ కీపర్. కానీ, అతను IPL 2026 లో పాల్గొంటాడో లేదో ఇంకా నిర్ధారించలేదు. అందువల్ల, ఎల్లో ఆర్మీ బ్యాకప్ ఆటగాడిని కలిగి ఉండాలని కోరుకుంటుంది. ఇది సంజుపై ఆసక్తికి దారితీయవచ్చు.

చెన్నై జట్టు సంజును 15 నుంచి 17 కోట్ల రూపాయలకు కొనుగోలు చేయడానికి ఆసక్తి చూపుతుంది. కోల్‌కతా కూడా ఇలాంటి పరిస్థితిని ఎదుర్కొంటోంది. గత సీజన్‌లో రహానే కెప్టెన్‌గా ఉన్నాడు. కానీ, చెన్నై జట్టు ప్లేఆఫ్‌ల నుంచి నిష్క్రమించింది. వికెట్ కీపర్-బ్యాట్స్‌మన్ లేని లోటును కూడా డి కాక్ పూడ్చలేకపోయాడు. ఇటువంటి పరిస్థితిలో, నైట్ రైడర్స్ కూడా సంజుపై ఆసక్తి చూపవచ్చు. ఇందుకోసం బడ్జెట్ 17 నుంచి 20 కోట్ల రూపాయలు చెల్లించవచ్చని నివేదికలు వస్తున్నాయి.

ఢిల్లీ క్యాపిటల్స్ (IPL 2026) సంజును కెప్టెన్‌గా మాత్రమే తీసుకోవాలనుకుంటోంది. అందుకే రూ. 17 నుంచి 22 కోట్ల వరకు వేలం వేయవచ్చు. సన్‌రైజర్స్ హెన్రిచ్ క్లాసెన్‌ను విడుదల చేస్తే, ఈ పరిస్థితిలో హైదరాబాద్ సంజును రూ. 23 నుంచి 25 కోట్లకు కొనుగోలు చేయవచ్చు అని తెలుస్తోంది.