Sunil Gavaskar: లిటిల్ మాస్టర్ ఇంట తీవ్ర విషాదం.. బంగ్లాదేశ్‌లో లెజెండరీ క్రికెటర్..
భారత మాజీ గ్రేట్ బ్యాట్స్‌మెన్ సునీల్ గవాస్కర్ తల్లి మీనాల్ 95 ఏళ్ల వయసులో తుది శ్వాస విడిచారు.
Updated on: Dec 27, 2022 | 3:57 AM
భారత మాజీ వెటరన్ బ్యాట్స్‌మెన్ సునీల్ గవాస్కర్ తల్లి మీనాల్ సోమవారం కన్నుమూశారు. మీనాల్ గవాస్కర్ 95 ఏళ్ల వయసులో మరణించారు. గవాస్కర్ తల్లి మీనాల్ వృద్ధాప్య సంబంధిత వ్యాధులతో చాలా కాలంగా మంచానపడ్డారు. అయితే, తల్లి చివరి క్షణంలో లిటిల్ మాస్టర్ తన తల్లితో లేకపోవడం, ఆయనకు మరింత విషాదం నింపింది.
బంగ్లాదేశ్ పర్యటనలో భారతదేశం వర్సెస్ బంగ్లాదేశ్ టెస్ట్ సిరీస్‌లో భారత మాజీ కెప్టెన్ సునీల్ గవాస్కర్ కామెంట్రీ చేస్తున్నాడు. మీనల్ గవాస్కర్ భారత మాజీ వికెట్ కీపర్ మాధవ్ మంత్రికి సోదరి. సునీల్ గవాస్కర్ ఆమెకు ఏకైక కుమారుడు. అలాగే ఆమెకు ఇద్దరు కుమార్తెలకు కూడా ఉన్నారు. వారి పేర్లు నూతన్, కవిత.
మీనల్ గవాస్కర్ IPL 2022 సమయంలోనే ఆసుపత్రిలో చేరారు. ఆ సమయంలో సునీల్ గవాస్కర్ ఐపీఎల్‌లో వ్యాఖ్యాతగా బిజీగా ఉన్నారు. ఇటువంటి పరిస్థితిలో అనారోగ్యంతో ఉన్న తన తల్లిని చూసేందుకు బయో-బబుల్‌ను విడిచిపెట్టి ఆసుపత్రికి వెళ్ళవలసి వచ్చింది. ఐపీఎల్ 15వ సీజన్‌లో ప్లేఆఫ్ మ్యాచ్‌లలో గవాస్కర్ వ్యాఖ్యానించలేకపోవడానికి ఇదే కారణం.
సునీల్ గవాస్కర్‌ను గొప్ప క్రికెటర్‌గా మార్చడంలో తల్లి మీనాల్‌కు కూడా సహకారం ఉంది. ఎందుకంటే గవాస్కర్ చిన్నతనంలో తన తల్లి బౌలింగ్ చేస్తుంటే ప్రాక్టీస్ చేసేశాడు. అలాగే ఎన్నో సిక్సర్లు కొట్టాడు. గవాస్కర్ చిన్నతనంలో ఆయన తల్లి టెన్నిస్ బాల్‌తో బౌలింగ్ చేసేది. ఆ సమయంలో ఒక బంతి ఆయన ముక్కును తాకింది.
మరిన్ని క్రీడా వార్తల కోసం ఇక్కడ క్లిక్ చేయండి..
