India vs England: మొతేరా పిచ్పై కొనసాగుతున్న భిన్నాభిప్రాయాలు.. తనకు వై-ఫై సరిగా రావట్లేదన్న ఇంగ్లాండ్ ఆటగాడు

Ind vs Eng:మొతేరా పిచ్పై భిన్నాభిప్రాయాలు వ్యక్తమవుతూనే ఉన్నాయి. కొందరు మాజీలు పిచ్ టెస్టు మ్యాచ్లకు పనికి రాదంటూ కామెంట్స్ విసురుతుంటే..

England pacer Jofra Archer

Sanjay Kasula |

Updated on: Mar 02, 2021 | 1:39 PM

అహ్మదాబాద్‌లోని మొతేరా పిచ్పై భిన్నాభిప్రాయాలు వ్యక్తమవుతూనే ఉన్నాయి. కొందరు మాజీలు పిచ్ టెస్టు మ్యాచ్లకు పనికి రాదంటూ కామెంట్స్ విసురుతుంటే.. మరికొందరు ఆ విషయంపై పెద్దగా పట్టించుకోవాల్సిన అవసరం లేదంటూ కొట్టిపారేస్తున్నారు. తాజాగా మరో ఇంగ్లాండ్ ఆటగాడు జోఫ్రా ఆర్చర్ మాత్రం సరదాగా తనదైన తరహాలో స్పందించాడు.

ఏ పిచ్పై ఆడుతున్నామన్నది అసలు పట్టించుకోనని చెప్పుకొచ్చాడు. డై/నైట్ టెస్టు గురించి పెద్దగా ఫిర్యాదు చేయాల్సిన విషయమేమీ లేదంటూ విమర్శలను కొట్టిపారేశాడు. తన వరకైతే ఉన్న సమస్య మాత్రం గ్రౌండ్లో వై-ఫై సరిగా రావట్లేదని మాత్రం అనిపించిందని అన్నాడు.

కౌంటీల్లో నేను తొలిసారి ససెక్స్ జట్టుకు ఆడానని అన్నాడు. ఈ మ్యాచ్లో లీసెస్టర్ షైర్ను ఓడించాం… ఈ మ్యాచ్ రెండు రోజుల్లోనే ముగిసింది. ఇంగ్లాండ్లోనూ మ్యాచ్లు త్వరగానే ముగిశాయనేది గుర్తుంచుకోవాలి అంటూ చురకలు అంటించాడు జోఫ్రా ఆర్చర్. నిజాయితీగా చెప్తున్నా… భారత్లో పిచ్లు స్పిన్కు సహకరిస్తాయని అందరికీ తెలుసని అంటూ.. ఇలాంటివాటిపై బ్యాటింగ్ చేయడం కష్టమనే కదా అర్థం అంటూ ఆర్చర్ అభిప్రాయపడ్డాడు.

ఇదిలావుంటే మూడో టెస్టు సందర్భంగా తమ జట్టు ఓటమి అంచుల్లో ఉన్నప్పటికీ.. కెప్టెన్ జో రూట్ తమలో స్ఫూర్తిని నింపాడని ఆర్చర్ పేర్కొన్నాడు. డే/నైట్ టెస్టు తొలి ఇన్నింగ్స్లో అశ్విన్, అక్షర్ను ఎదుర్కోవడం చాలా కష్టంగా మారిందని అన్నాడు. ఇది గమనించిన మా సారథి రెండో ఇన్నింగ్స్కు ముందు మాతో చాలా సేపు మాట్లాడాడు. బయం లేకుండా ఆడాలని ప్రోత్సహించాడు. మనమేమీ ఓడిపోమని మాలో ధైర్యం నింపాడుని అన్నాడు. మిగిలిన మ్యాచ్లకు కూడా ఇదే ధోరణితో ఉండాలని చెప్పాడని నాయకుడి గురించి చెప్పుకొచ్చాడు ఆర్చర్.