Eoin Morgan
Eoin Morgan Retirement: 2019 టీ 20 వరల్డ్ కప్లో ఇంగ్లండ్ను విజేతగా నిలిపిన ఇయాన్ మోర్గాన్ (Eoin Morgan) సంచలన నిర్ణయం తీసుకున్నాడు. అంతర్జాతీయ క్రికెట్కు వీడ్కోలు పలికాడు. కొన్నేళ్లుగా ఫిట్నెస్ సమస్యలు, ఫామ్ లేమితో ఇబ్బంది పడుతోన్న ఈ లెఫ్ట్ హ్యాండర్.. త్వరలోనే గుడ్బై చెప్పనున్నట్లు నివేదిలు వినిపిస్తున్న సంగతి తెలిసిందే. ఈ క్రమంలో ఇండియాతో వన్డే సిరీస్ ప్రారంభానికి ముందే కెప్టెన్సీ పగ్గాలతో పాటు ఆటగాడిగా కూడా క్రికెట్కు వీడ్కోలు పలకనున్నట్లు వార్తలు వినిపించాయి.
కానీ, టెస్ట్ మ్యాచ్ ప్రారంభానికి ముందే.. షాకింగ్ నిర్ణయం తీసుకున్నాడు. కొద్దిసేపటి క్రితమే అన్ని ఫార్మాట్ల నుంచి తప్పుకుంటున్నట్లు ప్రకటించాడు. ఇప్పటికే టెస్ట్ క్రికెట్కు దూరంగా ఉన్న మోర్గాన్ టీ20లతో పాటు వన్డేల్లో కూడా ఫాం లేమితో తంటాటు పడుతున్నాడు. ఈ కారణంగానే క్రికెట్కు గుడ్ బై చెప్పాడని తెలుస్తోంది. ఈ 36 ఏళ్ల క్రికెటర్ నిర్ణయం ఊహించినదే. అయితే, ప్రస్తుతం ఇంగ్లండ్ జట్టు వన్డే, టీ20 సారథిగా ఎవరిని ఎంచుకుంటారనేది ఆసక్తికరంగా మారింది.
- ఇయాన్ మోర్గాన్ ఆగస్టు 2006లో స్కాట్లాండ్తో జరిగిన ODIలో ఐర్లాండ్ తరపున అంతర్జాతీయ అరంగేట్రం చేశాడు. కేవలం 16 సంవత్సరాల వయస్సులో తన మొదటి గేమ్లో 99 పరుగులు చేశాడు.
- అతని మొదటి అంతర్జాతీయ సెంచరీ ఫిబ్రవరిలో జరిగిన ICC వరల్డ్ కప్ లీగ్ 2007 గేమ్లో కెనడాపై సాధించాడు.
- 2006 నుంచి 2009 వరకు, మోర్గాన్ ఐర్లాండ్ తరపున 23 ODIలు ఆడి 744 పరుగులు చేశాడు. ఇందులో ఒక సెంచరీ, ఐదు అర్ధ సెంచరీలు ఉన్నాయి. కెనడాతో జరిగిన ICC ప్రపంచ కప్ క్వాలిఫైయర్ మ్యాచ్లో ఐర్లాండ్ తరపున అతని చివరి ప్రదర్శన చేశాడు. ఇందులో అతను అజేయంగా 84 పరుగులు చేశాడు.
- మే 2009లో వెస్టిండీస్తో ఇంగ్లాండ్ తరపున తన మొదటి ఆట ఆడాడు.
- ఇయాన్ మోర్గాన్ 2009లో నెదర్లాండ్స్తో జరిగిన T20 ప్రపంచకప్ గేమ్లో లార్డ్స్లో తన T20I అరంగేట్రం చేశాడు.
- మోర్గాన్ 2010లో ODIలలో మూడు సెంచరీలు, రెండు అర్ధ సెంచరీలు చేశాడు. అదే సంవత్సరంలో అతను T20Iలలో 52.50 సగటుతో ఉన్నాడు. అతను నాట్వెస్ట్ వన్డే ప్లేయర్ ఆఫ్ ది ఇయర్గా కూడా ఎంపికయ్యాడు.
- అతను 2010లో తన టెస్ట్ అరంగేట్రం చేశాడు. అదే సంవత్సరంలో పాకిస్తాన్పై తన మొదటి టెస్ట్ సెంచరీని సాధించాడు.
- మోర్గాన్ రెండవ, చివరి టెస్ట్ శతకం భారతదేశానికి వ్యతిరేకంగా ఆగష్టు 2011లో బర్మింగ్హామ్లో జరిగింది. అయితే ఆ తర్వాత అతని ఫామ్ క్షీణించింది. ఫిబ్రవరి 2012లో దుబాయ్లో పాకిస్థాన్తో జరిగిన టెస్టు మ్యాచ్ అతని చివరిసారిగా ఆడాడు.
- 2015 ప్రపంచ కప్కు ముందు అలిస్టర్ కుక్ నుంచి మోర్గాన్ ODI కెప్టెన్సీని స్వీకరించాడు. బంగ్లాదేశ్తో ఓటమి తర్వాత ఇంగ్లాండ్ టోర్నమెంట్లో త్వరగా నిష్క్రమించింది.
- ఫిబ్రవరి 2016 నుంచి ప్రపంచ కప్ ప్రారంభం వరకు, ఇంగ్లండ్ 17 ద్వైపాక్షిక ODI సిరీస్లు ఆడింది. కేవలం రెండింటిని మాత్రమే ఓడిపోయింది.
- ఆ తర్వాత ఇయాన్ మోర్గాన్ ఇంగ్లాండ్కు 2019 ప్రపంచ కప్ను అందించి, చరిత్రలో నిలిచాడు.
- ODIలలో ఇయాన్ మోర్గాన్ చేసిన 7701 పరుగులలో, 6957 ఇంగ్లండ్ తరుపున చేసినవే. అతను ఫార్మాట్లో అత్యధిక పరుగులు చేసిన ఆటగాడిగా తన కెరీర్ను ముగించాడు. 2021లో కమాండర్ ఆఫ్ ది ఆర్డర్ ఆఫ్ ది బ్రిటిష్ ఎంపైర్ (CBE)గా నియమితుడయ్యాడు.
- మోర్గాన్ 126 ODIలు, 72 T20Iలకు ఇంగ్లండ్కు కెప్టెన్గా వ్యవహరించాడు. జూన్ 19, 2022న నెదర్లాండ్స్తో జరిగిన జట్టుతో అతని చివరి ప్రదర్శనగా నిలిచింది.