Video: ఒకే రోజు రెండు షాకింగ్‌ క్యాచ్‌లు.. వీడియోలు చూస్తే ఔరా అనాల్సిందే..

David Warner Catch Video: అంతర్జాతీయ క్రికెట్ నుంచి రిటైర్మెంట్ తీసుకున్న డేవిడ్ వార్నర్ ప్రస్తుతం ఆస్ట్రేలియాలో జనాదరణ పొందిన టీ-20 లీగ్ బిగ్ బాష్ లీగ్ (బీబీఎల్)లో ఆడుతున్నాడు. జనవరి 13న పెర్త్ స్కార్చర్స్‌తో ఆడుతున్న సమయంలో బ్యాట్‌తో అద్భుతాలు చేయలేదు. కానీ, ఈ సమయంలో అతను తన ఫీల్డింగ్‌తో ప్రశంసలు పొందగలిగాడు. మైదానంలో అద్భుతమైన క్యాచ్‌తో ఆకట్టుకున్నాడు. మరోవైపు, న్యూజిలాండ్ స్టార్ ప్లేయర్, శక్తివంతమైన ఫీల్డర్ గ్లెన్ ఫిలిప్స్ తమ్ముడు డేల్ ఫిలిప్స్ కూడా ఒక మ్యాచ్ సందర్భంగా తన అద్భుతమైన ఫీల్డింగ్‌తో అందరి హృదయాలను గెలుచుకున్నాడు. బౌండరీపై దూకి ఒంటి చేత్తో క్యాచ్ పట్టుకున్నాడు. ప్రస్తుతం వార్నర్, డేల్ ఆటగాళ్లు క్యాచ్‌లు పట్టిన వీడియోలు సోషల్ మీడియాలో బాగా వైరల్ అవుతున్నాయి.

డేల్ ఫిలిప్స్ కళ్లు చెదిరే క్యాచ్..

డేల్ ఫిలిప్స్ క్యాచ్‌ చూస్తే కచ్చితంగా షాక్ అవ్వాల్సిందే. ఒక మ్యాచ్ సందర్భంగా, బౌండరీ వద్ద ఫీల్డింగ్ చేస్తున్నప్పుడు డేల్ అద్భుతమైన క్యాచ్ పట్టాడు. వేగంగా బ్యాటింగ్ చేసిన బ్యాట్స్‌మన్ ఇన్నింగ్స్‌ను ముగించాడు. దేశవాళీ మ్యాచ్ సందర్భంగా, డేల్ ఫిలిప్స్ బౌండరీ లైన్ దగ్గర ఫీల్డింగ్ చేస్తున్నాడు. ఒక భారీ షాట్ ఆయన వైపు వేగంగా దూసుకొచ్చింది. బంతిని పట్టుకోవడానికి గాలిలోకి ఎగరేశాడు. ఈ సమయంలో, అతను అద్భుతమైన చురుకుదనాన్ని ప్రదర్శించాడు. కేవలం ఒక చేత్తో క్యాచ్‌ను పూర్తి చేశాడు.

Dale Phillips – younger brother of Glenn Phillips continuing the legacy of taking stunners. 🫡 pic.twitter.com/qAmrUyMs8v

— Mufaddal Vohra (@mufaddal_vohra) January 13, 2025

డేవిడ్ వార్న్ క్యాచ్‌..

ఫిలిప్స్ అద్భుతమైన క్యాచ్ చూసిన తర్వాత, ఇప్పుడు 38 ఏళ్ల డేవిడ్ వార్నర్ క్యాచ్‌ను కూడా ఓసారి చూద్దాం.. బిగ్ బాష్ లీగ్‌లో పెర్త్ స్కార్చర్స్ వర్సెస్ సిడ్నీ థండర్ మధ్య జరిగిన మ్యాచ్‌లో, డేవిడ్ తన రెండు కాళ్ళతో గాలిలోకి ఎగిరి, అద్భుతమైన క్యాచ్ పట్టాడు. వార్నర్ మొదట కొన్ని మీటర్లు పరుగెత్తుతూ వచ్చాడు. ఆ తర్వాత బంతిని కచ్చితంగా అంచనా వేసి సరైన సమయంలో అందుకున్నాడు. దీంతో అతను అష్టన్ అగర్ ఇన్నింగ్స్‌కు తెరదింపాడు.

వార్నర్‌ జట్టు అద్భుత విజయం..

View this post on Instagram

A post shared by KFC Big Bash League (@bbl)

పెర్త్ స్కార్చర్స్, సిడ్నీ థండర్ మధ్య జరిగిన మ్యాచ్‌లో సిడ్నీ విజయం సాధించింది. తొలుత బ్యాటింగ్ చేసిన సిడ్నీ శామ్ కాన్‌స్టాస్ అర్ధశతకంతో 158 పరుగులు చేసింది. అనంతరం పెర్త్ 97 పరుగులకే కుప్పకూలింది. సిడ్నీ తరపున క్రిస్ గ్రీన్ అత్యధికంగా మూడు వికెట్లు పడగొట్టాడు.

మరిన్ని క్రీడా వార్తల కోసం ఇక్కడ క్లిక్ చేయండి..