IND vs AUS: ఆ ప్లేయర్‌కు ఎంతో కీలకమైన సిరీస్.. సత్తా చాటితే, ఆపడం ఇక కష్టమే: టీమిండియా మాజీ దిగ్గజం

Ind Vs Aus T20i

India vs Australia: భారత్ వర్సెస్ ఆస్ట్రేలియా (IND vs AUS) మధ్య గురువారం నుంచి ఐదు మ్యాచ్‌ల టీ20 సిరీస్ జరగనుంది. ఈ సిరీస్‌లో యువ బ్యాట్స్‌మెన్ రింకు సింగ్ (Rinku Singh) కూడా ఎంపికయ్యాడు. మాజీ క్రికెటర్ ఆకాష్ చోప్రా ప్రకారం, ఈ సిరీస్ రింకూ సింగ్‌కు చాలా పెద్దది. ఆకాష్ చోప్రా ప్రకారం, రింకూ నిరంతరం పరుగులు సాధిస్తున్నాడు. అందుకే ఈ సిరీస్‌లో అతనిపై అందరి చూపు ఉంటుందనడంలో ఎలాంటి సందేహం లేదు.

నవంబర్ 23 నుంచి భారత్, ఆస్ట్రేలియా మధ్య 5 మ్యాచ్‌ల టీ20 సిరీస్ జరగనుంది. ఇక మ్యాచ్‌ల గురించి చెప్పాలంటే, ఈ ఐదు మ్యాచ్‌లు విశాఖపట్నం, తిరువనంతపురం, గౌహతి, నాగ్‌పూర్, హైదరాబాద్‌లలో జరుగుతాయి. రెండో మ్యాచ్ నవంబర్ 26న, మూడో మ్యాచ్ నవంబర్ 28న, నాలుగో మ్యాచ్ డిసెంబర్ 1న, ఐదో, చివరి మ్యాచ్ డిసెంబర్ 3న హైదరాబాద్‌లో జరగనుంది.

అందరి దృష్టి రింకూ సింగ్‌పైనే ఉంటుంది: ఆకాష్ చోప్రా

రింకూ సింగ్ ఇప్పటివరకు భారత్ తరపున ఆడిన రెండు టీ20 మ్యాచ్‌ల్లో 208 స్ట్రైక్ రేట్‌తో పరుగులు చేశాడు. ఆకాష్ చోప్రా తన యూట్యూబ్ ఛానెల్‌లో సంభాషణ సందర్భంగా మాట్లాడుతూ, రింకూ సింగ్, తిలక్ వర్మ చాలా కీలక ఆటగాళ్లు. రింకూ సింగ్‌కి ఇది పెద్ద సిరీస్. అంతకు ముందు వచ్చిన సిరీస్‌లు కూడా అతనికి చాలా ముఖ్యమైనవి. ఆర్డర్‌లో తక్కువ బ్యాటింగ్ చేస్తున్నప్పుడు అతను చాలా బాగా బ్యాటింగ్ చేస్తున్నాడు. అదే సమయంలో తిలక్ వర్మ కూడా అవకాశం దొరికితే బాగానే ఆకట్టుకున్నాడు.

రింకు సింగ్ తన తుఫాన్ బ్యాటింగ్‌తో IPL 2023లో హాట్ టాపిక్‌గా మారాడు. గుజరాత్ టైటాన్స్‌తో జరిగిన మ్యాచ్‌లో ఐదు బంతుల్లో వరుసగా ఐదు సిక్సర్లు కొట్టి మ్యాచ్‌ను గెలిపించిన ఘనత సాధించాడు. దీంతో, అతను ప్రపంచ క్రికెట్‌లో చర్చనీయాంశంగా మారాడు. ఇది కాకుండా, రింకు సింగ్ KKR కోసం చాలా అద్భుతమైన ఇన్నింగ్స్‌లు ఆడాడు. ఈ క్రమంలోనే భారత జట్టులో కూడా ఎంపికయ్యాడు.

టీ20 సిరీస్ కోసం భారత జట్టు..

సూర్యకుమార్ యాదవ్ (కెప్టెన్), రుతురాజ్ గైక్వాడ్ (వైస్ కెప్టెన్), ఇషాన్ కిషన్, యశస్వి జైస్వాల్, తిలక్ వర్మ, రింకూ సింగ్, జితేష్ శర్మ (వికెట్ కీపర్), వాషింగ్టన్ సుందర్, అక్షర్ పటేల్, శివమ్ దూబే, రవి బిష్ణోయ్, అర్ష్‌దీప్ సింగ్, ప్రసిద్ధ్ కృష్ణ, అవేష్ ఖాన్, ముఖేష్ కుమార్.

మరిన్ని క్రీడా వార్తల కోసం ఇక్కడ క్లిక్ చేయండి..