IND vs PAK: చరిత్రకే చుక్కలు చూపించిన యూవీ శిష్యుడు.. కట్ చేస్తే.. బుమ్రా ఖాతాలో చెత్త రికార్డ్.. అదేంటంటే?

Ind Vs Pak Records

India vs Pakistan: ఆసియా కప్ 2025లో భారత క్రికెట్ జట్టు, పాకిస్తాన్ జట్టు మధ్య 6వ మ్యాచ్ జరిగింది. ఊహించినట్లుగానే, టీమిండియా పాకిస్తాన్‌ను ఓడించి విజయం సాధించింది. యూఏఈ తర్వాత, కెప్టెన్ సూర్యకుమార్ యాదవ్ జట్టు పాకిస్తాన్‌కు ఓటమి రుచిని చూపించింది.

భారత క్రికెట్ జట్టు, పాకిస్తాన్ జట్టు మధ్య జరిగిన మ్యాచ్ (IND vs PAK)లో టీమిండియా విజయం సాధించింది. ఈ విజయంతో, మెన్ ఇన్ బ్లూ జట్టు అనేక రికార్డులను కూడా సృష్టించింది. బౌలింగ్, బ్యాటింగ్ విభాగాలలో టీమిండియా చాలా బాగా రాణించింది. దీని కారణంగా భారత జట్టు 7 వికెట్ల తేడాతో మ్యాచ్‌ను గెలుచుకుంది.

7 వికెట్ల తేడాతో పాకిస్థాన్‌ను ఓడించిన భారత్..

భారత్ vs పాకిస్తాన్ మ్యాచ్ (IND vs PAK)లో టీమిండియా గెలిచింది. ఈ మ్యాచ్ లో టాస్ ఓడిన తర్వాత, టీమిండియా ముందుగా బౌలింగ్ వేసింది. కానీ, జట్టు బలమైన బౌలింగ్ ముందు, పాకిస్తాన్ జట్టు 20 ఓవర్లలో 9 వికెట్ల నష్టానికి 127 పరుగులు మాత్రమే చేయగలిగింది. ఆ తర్వాత, టీమిండియా బ్యాటింగ్ కు దిగింది.

భారత జట్టు పాకిస్తాన్‌ను 25 బంతులు మిగిలి ఉండగానే 7 వికెట్ల తేడాతో ఓడించింది. కుల్దీప్ యాదవ్ టీమిండియా తరపున అత్యధిక వికెట్లు పడగొట్టాడు. ఇక బ్యాటింగ్‌లో కెప్టెన్ సూర్యకుమార్ యాదవ్ 47 పరుగులతో అజేయంగా నిలిచాడు. ఓపెనింగ్ బ్యాటర్ అభిషేక్ శర్మ కూడా 31 పరుగులు చేశాడు. ఇన్నింగ్స్‌లో అతను రెండు సిక్సర్లు కొట్టాడు.

అంతర్జాతీయ క్రికెట్‌లో భారత పేసర్ జస్‌ప్రీత్ బుమ్రా బౌలింగ్‌లో సిక్స్ కొట్టిన తొలి పాకిస్తానీ బ్యాట్స్‌మన్ సాహిబ్‌జాదా ఫర్హాన్ నిలిచాడు. 2016లో ప్రారంభ ఏసీసీ పురుషుల టీ20 ఆసియా కప్ సందర్భంగా పాకిస్థాన్‌తో తన తొలి అంతర్జాతీయ మ్యాచ్ ఆడిన బుమ్రా.. ఇప్పటివరకు ఆ జట్టుతో 5 T20Iలు, 8 ODIలు ఆడాడు. పాకిస్థాన్‌తో జరిగిన 13 అంతర్జాతీయ మ్యాచ్‌ల్లో బుమ్రా అన్ని ఫార్మాట్లలో కలిపి 324 పరుగులు ఇచ్చి 13 వికెట్లు పడగొట్టాడు.

భారత్ vs పాకిస్తాన్ మ్యాచ్‌లో నమోదైన రికార్డులు..

పాకిస్థాన్‌తో జరిగిన టీ20 మ్యాచ్‌లో 30+ పరుగులు సాధించిన భారత ఓపెనర్లు..

గౌతమ్ గంభీర్ (2007)

గౌతమ్ గంభీర్ (2012)

అజింక్య రహానే (2012)

శిఖర్ ధావన్ (2014)

అభిషేక్ శర్మ (2025)*

పాకిస్తాన్ నుంచి భారత్ పై ఒక T20I మ్యాచ్ లో అత్యధిక సిక్సర్లు బాదిన ఆటగాళ్ళు..

8, జోహన్నెస్‌బర్గ్, 2007

7, అహ్మదాబాద్, 2012

7, దుబాయ్‌లో 2025*

6, ఎంసీజీలో, 2022

T20I లో భారత్ తరపున అత్యధికంగా 3 వికెట్లు తీసిన బౌలర్లు..

13 – అర్ష్‌దీప్ సింగ్

12- కుల్దీప్ యాదవ్*

10 – యుజ్వేంద్ర చాహల్

10 – హార్దిక్ పాండ్యా

8 – భువనేశ్వర్ కుమార్

8 – రవి బిష్ణోయ్

7 – రవిచంద్రన్ అశ్విన్

7 – జస్‌ప్రీత్ బుమ్రా

7 – అక్షర్ పటేల్

T20I మ్యాచ్‌లో జస్‌ప్రీత్ బుమ్రాపై అత్యధిక సిక్సర్లు..

2 – ఎల్టన్ చిగుంబురా, 2016

2- లెండిల్ సిమ్మన్స్, 2016

2- మార్టిన్ గుప్టిల్, 2020

2 – కామెరాన్ గ్రీన్, 2022

T20I మ్యాచ్‌లో భారత్ తరపున మొదటి బంతికే వికెట్..

అర్ష్‌దీప్ సింగ్ vs అమెరికా, 2024

హార్దిక్ పాండ్యా vs పాకిస్థాన్, 202

పాకిస్థాన్‌పై భారత కెప్టెన్ చేసిన అత్యధిక స్కోరు..

57 – విరాట్ కోహ్లీ (2021)

47 – సూర్యకుమార్ యాదవ్ (2025)*

33 – ఎంఎస్ ధోని (2007)

33 – ఎంఎస్ ధోని (2012)

28 – రోహిత్ శర్మ (2022).