Asia Cup 2025 : ముగ్గురు మొనగాళ్లు.. ఆసియా కప్లో వీరిదే హవా.. ప్రత్యర్థుల పాలిట సింహస్వప్నాలు
సూర్యకుమార్ యాదవ్ నాయకత్వంలోని భారత క్రికెట్ జట్టు ఆసియా కప్ కోసం గురువారం దుబాయ్కు బయలుదేరవచ్చు. ఈ టోర్నమెంట్ను గెలవడానికి టీమిండియా బలమైన పోటీదారుగా ఉంది. భారత్ తన మొదటి మ్యాచ్ను సెప్టెంబర్ 10న యూఏఈతో, ఆ తర్వాత సెప్టెంబర్ 14న పాకిస్తాన్తో ఆడనుంది.
Asia Cup 2025 : సూర్యకుమార్ యాదవ్ కెప్టెన్సీలోని భారత క్రికెట్ జట్టు ఆసియా కప్ కోసం గురువారం దుబాయ్ బయలుదేరనుంది. ఈ టోర్నమెంట్ను గెలవడానికి టీమిండియా చాలా పటిష్టంగా కనిపిస్తోంది. భారత్ మొదటి మ్యాచ్ సెప్టెంబర్ 10న యూఏఈతో, ఆ తర్వాత సెప్టెంబర్ 14న పాకిస్తాన్తో కీలక మ్యాచ్ ఉంది. కెప్టెన్తో పాటు అభిషేక్ శర్మ, తిలక్ వర్మ భారతదేశానికి మ్యాచ్ విన్నర్లుగా నిలబడొచ్చు.
అభిషేక్ శర్మ.. విధ్వంసకర ఆరంభం
2024లో టీ20 అంతర్జాతీయ క్రికెట్లో అరంగేట్రం చేసిన అభిషేక్ శర్మ, టీ20లలో భారతదేశం తరపున అత్యధిక పరుగులు చేసిన బ్యాట్స్మెన్గా నిలిచాడు. ఈ ఇన్నింగ్స్ను అతను ఈ ఏడాది ఫిబ్రవరిలో ఇంగ్లాండ్పై ఆడాడు. చాలా తక్కువ సమయంలోనే తనదైన ముద్ర వేశాడు. ఐపీఎల్లో కూడా మంచి ప్రదర్శన చేశాడు. ఆసియా కప్ 2025కు ముందు అతను 17 టీ20 అంతర్జాతీయ మ్యాచ్లలో 193.84 స్ట్రైక్ రేట్తో 535 పరుగులు చేశాడు. అందులో 2 సెంచరీలు, 2 హాఫ్ సెంచరీలు ఉన్నాయి. అతను 46 ఫోర్లు, 41 సిక్సర్లు కొట్టాడు.
మూడో నంబర్లో తిలక్ వర్మ..
లెఫ్ట్ హ్యాండ్ బ్యాట్స్మెన్ తిలక్ వర్మ మూడవ స్థానంలో బ్యాటింగ్ చేస్తాడు. క్రీజులోకి రాగానే భారీ షాట్లు కొట్టగలడు. అతను ఇప్పటివరకు 25 టీ20 అంతర్జాతీయ మ్యాచ్లు ఆడి, 155.07 స్ట్రైక్ రేట్తో 749 పరుగులు చేశాడు. అతను 2 సెంచరీలు, 3 హాఫ్ సెంచరీలు సాధించాడు. 61 ఫోర్లు, 43 సిక్సర్లు కొట్టాడు. టీ20లో తిలక్ అత్యధిక స్కోరు 120 పరుగులు. ఈ ఆసియా కప్లో అతను భారతదేశానికి మ్యాచ్ విన్నర్గా నిలబడొచ్చు.
కెప్టెన్ సూర్యకుమార్ యాదవ్.. X-ఫ్యాక్టర్!
కెప్టెన్ సూర్యకుమార్ యాదవ్ బ్యాటింగ్లో కీలక పాత్ర పోషిస్తాడు. అతను మిడిల్ ఆర్డర్ను బలోపేతం చేస్తాడు. టీమిండియా మిస్టర్ 360 డిగ్రీ ప్లేయర్గా పిలిచే సూర్య, అన్ని దిశల్లో షాట్లు కొట్టగలడు. అతను భారత్ తరపున 83 టీ20 అంతర్జాతీయ మ్యాచ్లలో 167.07 స్ట్రైక్ రేట్తో 2598 పరుగులు చేశాడు. టీ20 అంతర్జాతీయ క్రికెట్లో అత్యధిక సెంచరీలు చేసిన బ్యాట్స్మెన్లలో అతను 4 సెంచరీలతో మూడవ స్థానంలో ఉన్నాడు. అతడి కంటే ముందు రోహిత్ శర్మ (5), గ్లెన్ మాక్స్వెల్ (5) ఉన్నారు. సూర్యకుమార్ యాదవ్ టీ20 అంతర్జాతీయ మ్యాచ్లలో 4 సెంచరీలు, 21 హాఫ్ సెంచరీలు చేశాడు. 146 సిక్సర్లు, 237 ఫోర్లు కొట్టాడు.
మరిన్ని క్రికెట్ వార్తల కోసం ఇక్కడ క్లిక్ చేయండి..