Mahakumbh Mela: ఉత్తరప్రదేశ్ మంత్రులందరితో కలిసి ఒకేసారి పవిత్ర స్నానం చేసిన సీఎం యోగి!
ప్రయాగ్రాజ్ కుంభమేళాలో ఆసక్తికరమైన సన్నివేశం అందరిని ఆకట్టుకుంది. యూపీ కేబినెట్ మొత్తం ఒకేసారి త్రివేణి సంగమంలో పుణ్యస్నానాలు ఆచరించింది. సీఎం యోగితో పాటు డిప్యూటీ సీఎం బ్రిజేష్ పాఠక్ , కేశవ్ప్రసాద్ మౌర్య , ఇతర మంత్రులు గంగానదిలో స్నాన్నం చేశారు. 54 మంది మంత్రులు ఈ కార్యక్రమంలో పాల్గొన్నారు. గంగానదికి హారతి ఇచ్చారు.
ఉత్తరప్రదేశ్లోని ప్రయాగ్రాజ్లో ముఖ్యమంత్రి యోగి ఆదిత్యానాథ్ కేబినెట్ కీలక భేటీ జరిగింది, ఇందులో అనేక నిర్ణయాలు తీసుకున్నారు. ఈ సందర్భంగా మంత్రివర్గం మొత్తం మహాకుంభానికి వెళ్లి సంగం బ్యాంకుల్లో స్నానం చేసింది. తన మంత్రులతో కలిసి ప్రయాగ్రాజ్లోని వలస పక్షులకు ఆహారం ఇచ్చారు ముఖ్యమంత్రి యోగి. ప్రయాగ్రాజ్-చిత్రకూట్ అభివృద్ధి ప్రాంతంతో పాటు వారణాసిలో కూడా నీతి ఆయోగ్ సహాయంతో అభివృద్ధి చేస్తామని సీఎం యోగి చెప్పారు.
ప్రయాగ్రాజ్లో యోగి కేబినెట్ ప్రత్యేక సమావేశం జరిగింది. ఈ సమావేశంలో కీలక నిర్ణయాలు తీసుకున్నారు. గంగానదిపై ఆరు లేన్ల వంతెన నిర్మించాలని నిర్ణయం తీసుకున్నారు. ప్రయాగ్రాజ్-చిత్రకూట్ ప్రాంతాన్ని పర్యాటక ప్రదేశంగా తీర్చిదిద్దాలని నిర్ణయించారు.
ప్రయాగ్రాజ్ పరిసర ప్రాంతాలకు స్థిరమైన అభివృద్ధిని సృష్టించడానికి రాష్ట్ర కేబినెట్ కీలక నిర్ణయం తీసుకున్నట్లు సిఎం యోగి తెలిపారు. గంగా ఎక్స్ప్రెస్ వే దాని మౌలిక సదుపాయాల కోసం విస్తరించడం జరుగుతుందన్నారు. గంగా ఎక్స్ప్రెస్ వే ప్రయాగ్రాజ్ నుండి మీర్జాపూర్ మీదుగా భాదోహికి కాశీ, చందౌలీ మీదుగా కలుపుతుంది. ఘాజీపూర్ వద్ద పూర్వాంచల్ ఎక్స్ప్రెస్వేకి కలుపుతుంది. వారణాసి – చందౌలీ నుండి ఈ గంగా ఎక్స్ప్రెస్ వే సోన్భద్రను జాతీయ రహదారికి కలుపుతుంది. ప్రయాగ్రాజ్, వారణాసి – ఆగ్రా మునిసిపల్ కార్పొరేషన్లు సంయుక్తంగా ఆరు జిల్లాలను కలిపే ఈ రహదారి అభివృద్ధిలో పాలు పంచుకుంటున్నట్లు సీఎం తెలిపారు.
గత వారం రోజుల్లో 9.25 కోట్ల మంది భక్తులు పవిత్ర త్రివేణి సంగమంలో పుణ్యస్నానాలు ఆచరించినట్లు సీఎం యోగి తెలిపారు. ప్రయాగ్రాజ్ మున్సిపల్ కార్పొరేషన్ ప్రయాగ్రాజ్ సూపర్ స్పెషాలిటీ హాస్పిటల్ కోసం బాండ్లను జారీ చేస్తుంది. ఏకంగా కేజీఎంయూ కేంద్రాన్ని మెడికల్ కాలేజీగా ఏర్పాటు చేయాలని యూపీ కేబినెట్ నిర్ణయించింది. మూడు జిల్లాలు, హత్రాస్, కాస్గంజ్, బాగ్పత్లలో మూడు కొత్త వైద్య కళాశాలలు స్థాపనకు రాష్ట్ర కేబినెట్ నిర్ణయం తీసుకుంది.
అలాగే 62 ఐటీఐలు, 5 ఇన్నోవేషన్, ఇన్వెన్షన్, ట్రైనింగ్ సెంటర్లు ఏర్పాటు చేస్తామని సీఎం చెప్పారు. తొలిసారిగా కేబినెట్ అంతా మహాకుంభ్కు హాజరయ్యారు. రాష్ట్ర అభివృద్ధికి సంబంధించిన విధానాలపై కీలక నిర్ణయం తీసుకున్నారు. ప్రయాగ్రాజ్కు సంబంధించిన అంశాలపై కూడా చర్చించారు. ఉత్తరప్రదేశ్ ఏరోస్పేస్ అండ్ డిఫెన్స్ అండ్ ఎంప్లాయ్మెంట్ పాలసీ 5 సంవత్సరాలు పూర్తి చేసుకుంది. ఇది పునరుద్ధరించడంతోపాటు మరిన్ని పెట్టుబడులను ఆకర్షించేందుకు కొత్త ప్రోత్సాహకాలను సీఎం యోగి ప్రకటించారు.
प्रयागे तु नरो यस्तु माघस्नानं करोति च।
न तस्य फलसंख्यास्ति शृणु देवर्षिसत्तम।।महाकुम्भ-2025, प्रयागराज में मंत्रिमंडल के मा. सदस्यों के साथ पवित्र त्रिवेणी संगम में पावन स्नान… https://t.co/SrkEhXNsU6
— Yogi Adityanath (@myogiadityanath) January 22, 2025
మరిన్ని జాతీయ వార్తల కోసం ఇక్కడ క్లిక్ చేయండి..