బీజేపీకి సీట్లు తగ్గితే టీఆర్ఎస్ సహాయం చేస్తుందా?: కవిత ఆన్సర్

హైదరాబాద్: కేంద్రంలో బీజేపీ గానీ, కాంగ్రెస్ గానీ రావాలని తాము భావించడం లేదని, వస్తే అనే ప్రశ్నే లేదని టీఆర్ఎస్ నాయకురాలు కల్వకుంట్ల కవిత అన్నారు. వాళ్లకు తక్కువ సీట్లు రావాలని తాము యుద్ధం చేస్తున్నామని, వాళ్లకు మెజార్టీ వస్తుందేమోనని సగం సగం యుద్ధం ఎట్లా చేస్తామని ప్రశ్నించారు.

బీజేపీకి ఈసారి పూర్తి స్థాయి మెజార్టీ రాదని తాము భావిస్తున్నట్టు కవిత చెప్పారు. మోడీ గ్రాఫ్ చాలా వేగంగా పడుతుంటే, రాహుల్ గాంధీ గ్రాఫ్ చాలా స్లోగా పెరుగుతుందని.. ఇలాంటి సమయంలో సంకీర్ణ ప్రభుత్వ ఏర్పాటుకు ప్రాధాన్యత ఉందని కవిత అన్నారు.