Narendra Modi: ప్రధాని మోడీ.. ఏడేళ్ళు.. ఏడు ప్రధాన నిర్ణయాలు.. ప్రజలకు ఎటువంటి ప్రయోజనం ఇచ్చాయి
Narendra Modi: ప్రధానిగా నరేంద్ర మోడీ ఏడేళ్ళ పాలన ఈరోజుతో పూర్తి అయింది. మొదటి ఐదేళ్లలో మోడీ పాలన నల్లేరుపై నడకలా సాగిపోయినట్లే చెప్పొచ్చు.
Narendra Modi: ప్రధానిగా నరేంద్ర మోడీ ఏడేళ్ళ పాలన ఈరోజుతో పూర్తి అయింది. మొదటి ఐదేళ్లలో మోడీ పాలన నల్లేరుపై నడకలా సాగిపోయినట్లే చెప్పొచ్చు. అయితే, తరువాత రెండేళ్ళ లోనూ ఇంకా చెప్పాలంటే ఈ ఏడాది తొలిసారిగా మోడీ గడ్డు పరిస్థితిని ఎదుర్కుంటున్నారు. ఒక ప్రభుత్వానికి ఏడేళ్ళు తక్కువేమీ కాదు. దేశంలో చాలా కాలం వరుసగా సంకీర్ణ ప్రభుత్వాలు ఏర్పడుతూ వచ్చాయి. అయితే, ఈ రెండు దఫాలు ప్రజలు విస్పష్టంగా మోడీకే జై కొట్టారు. ప్రతి ఏడాదీ మోడీ సర్కారు ఏర్పడిన సందర్భాన్ని పురస్కరించుకుని ప్రత్యెక కార్యక్రమాలు నిర్వహించేవారు. పోయినేడాది కూడా కరోనా మహమ్మారితొ ఇబ్బందులు ఉన్నా ప్రభుత్వ విజయాలు ఏకరువు పెడుతూ కార్యక్రమాలను నిర్వహించారు. కానీ, తొలిసారిగా ఈ ఏడాది ఎటువంటి ఆర్భాటం లేకుండా నిశ్శబ్దంగా ఉండిపోయింది మోడీ ప్రభుత్వం. కారణాలు ఏమైనా ఇది మోడీ ప్రతిష్ట మసకబారుతున్న క్రమానికి సంకేతం లేదా ఏమీ చేయలేని స్థితిలో ప్రధాని ఉన్నారనేదానికి ఉదాహరణా అనేది భవిష్యత్ లో తేలుతుంది. ఇదిలా ఉంటె నరేంద్ర మోడీ ఏడేళ్ళ పాలనలో తీసుకున్న కీలకమైన ఏడు నిర్ణయాల గురించి మనం ఇప్పుడు చెప్పుకోవడం సందర్భోచితంగా ఉంటుంది. ఆ ఏడు నిర్ణయాలు ప్రజలకు ఏం చేశాయి అనేదానిని మనం ఒక్కసారి విశ్లేషించుకుంటే..
1. నోట్ల రద్దు.. ప్రధాని మోడీ అకస్మాత్తుగా టీవీల్లో ప్రత్యక్షం అయ్యారు. అందర్నీ పలకరించారు. తరువాత పెద్ద బాంబు వేశారు. ఈ రాత్రి నుండి 500 మరియు 1000 రూపాయల నోట్లు పనికిరానివని చెప్పారు. వారిని బ్యాంకుల్లో జమ చేయడానికి అనుమతించారు. ప్రభుత్వం యొక్క మొత్తం ప్రాధాన్యత డిజిటల్ కరెన్సీని పెంచడానికి , అలాగే డిజిటల్ ఆర్థిక వ్యవస్థను సృష్టించడానికి మార్చేసే ప్రయత్నం చేశారు.
ఏం జరిగింది.. ఒకే ఒక్క మాటతో దేశంలోని 85% కరెన్సీని ప్రధానమంత్రి చిత్తు కాగితంగా మార్చేశారు. పాత 500, 1000 రూపాయల నోట్లను బ్యాంకుల్లో జమ చేయవచ్చన్నారు. ప్రభుత్వం 500, 2000 కొత్త నోట్లను జారీ చేసింది. నోట్లను మార్చుకోవడానికి దేశం మొత్తం ఏటీఎంల ముందు నిలువుకాళ్ళ సేవ చేసింది. డీమోనిటైజేషన్ తరువాత 21 నెలల తరువాత, రిజర్వ్ బ్యాంక్ నివేదిక ప్రకారం, డీమోనిటైజేషన్ సమయంలో రిజర్వ్ బ్యాంకులో జమ చేసిన మొత్తం 500 మరియు 1000 నోట్ల విలువ రూ .15.31 లక్షల కోట్లు. డీమోనిటైజేషన్ సమయంలో, దేశంలో మొత్తం 15.41 లక్షల కోట్ల విలువైన 500 మరియు వెయ్యి నోట్లు చలామణీలో ఉన్నాయి. అంటే 99.3% డబ్బు రిజర్వ్ బ్యాంకుకు తిరిగి చేరిపోయింది.
ప్రయోజనం ఏమి వచ్చింది.. డీమోనిటైజేషన్ వలన డిజిటల్ లావాదేవీలు పెరిగాయి. 2016-17లో రూ .1013 కోట్ల డిజిటల్ లావాదేవీ జరిగింది. ఇది 2017-18లో రూ .2,070.39 కోట్లకు, 2018-19లో డిజిటల్ లావాదేవీ 3133.58 కోట్ల రూపాయలకు పెరిగింది.
ప్రజలకు ఏం ఒరిగింది.. నల్లధనం, ఉగ్రవాదం, నకిలీ కరెన్సీకి వ్యతిరేకంగా డీమోనిటైజేషన్ పెద్ద ఆయుధంగా ప్రధాని అభివర్ణించారు. కానీ, ఈ దెబ్బతో మొత్తం నల్లధనం అంతా తెల్లగా మారింది. స్విస్ బ్యాంకుల్లో డీమోనిటైజేషన్ తరువాత, భారతీయ డబ్బు 50% పెరిగింది. ఉగ్రవాదం, నక్సలిజం, నకిలీ కరెన్సీ ఎప్పటిలానే ఉన్నాయి. అసలు ఇందుకోసం నోట్ల రద్దు అని చెప్పారో అది మాత్రం జరగలేదు. దాని ఫలితాలు ఇప్పటికీ ప్రజలకు అర్ధం కాలేదు.
2. సర్జికల్ స్త్రైక్స్.. స్వాతంత్ర్యం తరువాత మొదటిసారి, భారతదేశం శత్రువుల సరిహద్దులోకి ప్రవేశించి దానికి ఒక పాఠం నేర్పింది. ఉగ్రవాదంతో వ్యవహరించే విషయంలో భారత్ వైఖరి మారిపోయింది. కొద్ది రోజుల తరువాత జరిగిన లోక్‌సభ ఎన్నికల్లో మోడీ ప్రభుత్వం దీని నుంచి భారీ ప్రయోజనం పొందింది. మోడీ ప్రభుత్వం మళ్లీ అధికారంలోకి వచ్చింది.
ఏం జరిగింది.. 1971 యుద్ధం తరువాత భారతదేశం తొలిసారిగా అంతర్జాతీయ సరిహద్దును దాటింది. స్వాతంత్ర్యం తరువాత ఇండో-పాకిస్తాన్ యుద్ధంలో భారత్ అంతర్జాతీయ సరిహద్దును దాటింది. భారతదేశం అంతర్జాతీయ సరిహద్దు దాటి, యుద్ధ పరిస్థితి ఉన్నప్పటికీ ఉగ్రవాద సంఘటనలపై స్పందించడానికి ఉగ్రవాదులకు ఒక పాఠం నేర్పారు. ఇలా భారత్ వైమానిక దాడి చేయడం మొదటిసారి.
ప్రయోజనం ఏమి వచ్చింది.. ఉగ్రవాదానికి వ్యతిరేకంగా పోరాడటానికి భారతదేశం యొక్క ఇమేజ్ బలపడింది. భారతదేశం ఎక్కడైనా వెళ్లి తన శత్రువులను నిర్మూలించగలదని దేశవ్యాప్తంగా భావించారు.
తరువాత ఏమైంది.. వైమానిక దాడి జరిగిన కొన్ని గంటల తరువాత, పాకిస్తాన్ విమానం నియంత్రణ రేఖను దాటి భారత సరిహద్దులోకి ప్రవేశించి బాంబు దాడి చేసింది. ఈ సమయంలో భారతదేశ మిగ్ -21 పాకిస్తాన్ సరిహద్దులో కూలింది. వింగ్ కమాండర్ అభినందన్ ను పాకిస్తాన్ అరెస్టు చేసింది. అయితే, అతన్ని రెండు రోజుల తరువాత పాకిస్తాన్ విడుదల చేయాల్సి వచ్చింది. ఇక్కడ ప్రజలకు లభించిన అదనపు ప్రయోజనం ఏమీ లేదు. కానీ, మన దేశ ప్రతిష్టను మాత్రం బాగా పెంచగాలిగారు. ఇంటి మాట ఎలా వున్నా రచ్చ గెలిచిన సంతోషం మిగిలింది. దానికి ప్రజలూ మంచి కానుకే ఇచ్చారు. రెండోసారి మోడీకే పట్టం కట్టారు.
3. జీఎస్టీ.. గతంలో ప్రతి రాష్ట్రం స్వతంత్రంగా పన్నులు విధించుకునేది. జీఎస్టీతొ ఆ పరిస్థితి మారిపోయింది. ఇప్పుడు జీఎస్టీ మాత్రమే వసూలు చేస్తారు. పన్నులో సగం కేంద్ర ప్రభుత్వానికి, సగం రాష్ట్రాలకు వెళ్తుంది. రికవరీ కేంద్ర ప్రభుత్వం చేస్తుంది. తరువాత డబ్బును రాష్ట్రాలకు తిరిగి ఇస్తుంది.
ఏం జరిగింది.. 2000 లో, అటల్ బిహారీ వాజ్‌పేయి ప్రభుత్వం మొదట దేశవ్యాప్తంగా పన్ను విధించాలని నిర్ణయించింది. బిల్లును రూపొందించడానికి ఒక కమిటీని కూడా ఏర్పాటు చేశారు. కానీ తమకు అంత ఆదాయం రాదని రాష్ట్రాలు భయపడ్డాయి. ఈ కారణంగా, విషయం ఎటూ తేలకుండా ఆగిపోయింది. జీఎస్టీని అమలు చేయడానికి రాజ్యాంగ సవరణ బిల్లును 2011 మార్చిలో లోక్‌సభలో మన్మోహన్ సింగ్ ప్రభుత్వం ప్రవేశపెట్టింది, కాని రాష్ట్రాల వ్యతిరేకత కారణంగా అది గట్టెక్కలేదు. 2014 లో నరేంద్ర మోడీ ప్రభుత్వం అనేక మార్పులతో రాజ్యాంగ సవరణ బిల్లును తీసుకువచ్చింది. అనేక స్థాయిలలో నిరసనలు, మార్పుల తరువాత ఈ బిల్లును పార్లమెంట్ 2016 ఆగస్టులో ఆమోదించింది. 12 ఏప్రిల్ 2017 న, జీఎస్టీకి సంబంధించిన నాలుగు బిల్లులు పార్లమెంటు ఆమోదించిన తరువాత రాష్ట్రపతి అనుమతి పొందాయి. ఈ 4 చట్టాలు – సెంట్రల్ జిఎస్టి బిల్లు, ఇంటిగ్రేటెడ్ జిఎస్టి బిల్లు, జిఎస్టి (రాష్ట్రాలకు పరిహారం) బిల్లు, కేంద్ర పాలిత జిఎస్టి బిల్లు. ఆ తరువాత, జూలై 1, 2017 అర్ధరాత్రి నుండి, కొత్త వ్యవస్థ దేశవ్యాప్తంగా అమల్లోకి వచ్చింది.
ప్రయోజనం ఏమి వచ్చింది.. పన్ను వ్యత్యాసం పరిష్కరించబడింది . ఇప్పుడు దేశమంతటా ఒకే విధమైన పన్ను విధించబడుతుంది. ప్రారంభంలో, పరిశ్రమ కొన్ని సమస్యలను ఎదుర్కొంది. కానీ క్రమంగా పరిస్థితి మెరుగుపడుతోంది. అనేక మార్పుల తరువాత, ఈ ప్రక్రియ ఇప్పుడు సున్నితంగా ఉంది.
నష్టం ఏమిటి.. రాష్ట్రాల వ్యతిరేకత కారణంగా పెట్రోలియం ఉత్పత్తులు మరియు ఎక్సైజ్లను జిఎస్టి నుండి మినహాయించారు. దీనిపై ప్రభుత్వం అంగీకరించడంలో విఫలమైంది. పెట్రోల్, డీజిల్‌పై రాష్ట్రాలు ఇంకా వేర్వేరు పన్నులు వసూలు చేస్తున్నాయి. ఈ కారణంగా, ఒక రాష్ట్రంలో పెట్రోల్ 80 రూపాయలు, ఒక రాష్ట్రంలో 100 రూపాయలు. ఇప్పుడు పెట్రోల్ ధరల ప్రభావం అటు తిరిగి ఇటు తిరిగి ప్రజల మీదే పడింది. కేంద్రానికి పన్ను రాబడి పెరిగింది కానీ, దాని ఫలితాలు మాత్రం ప్రజలకు దక్కలేదు. ప్రజలకు ఇప్పటికీ జీఎస్టీ ఒక మిస్టరీగానే మిగిలిపోయింది.
4. ట్రిపుల్ తలాక్.. ముస్లిం సమాజంలో అనాదిగా ఉన్న.. ముమ్మారు తలాక్ చెప్పి విడాకులు తీసుకునే పద్ధతిని చట్టవిరుద్ధంగా కేంద్ర ప్రభుత్వం మార్చేసింది. అలా చేసిన వారికి మూడేళ్ల జైలు శిక్ష విధించేలా కొత్త చట్టం చేశారు. ఈ చట్టం ద్వారా ముస్లిం మహిళలకు భరణం కూడా ఏర్పాటు చేశారు.
ఏం జరిగింది.. సైరా బానుతో 15 సంవత్సరాల వివాహం తరువాత, రిజ్వాన్ అహ్మద్ తలాక్ మూడుసార్లు చెప్పి 2016 లో విడిపోయారు. దీనికి వ్యతిరేకంగా సైరా సుప్రీంకోర్టులో పిటిషన్ దాఖలు చేశారు. దీనిపై సుప్రీంకోర్టు ఐదుగురు న్యాయమూర్తుల ధర్మాసనం ట్రిపుల్ తలాక్‌కు వ్యతిరేకంగా 22 ఆగస్టు 2017 న తీర్పు ఇచ్చింది. ట్రిపుల్ తలాక్‌కు వ్యతిరేకంగా చట్టం చేయాలని ప్రభుత్వాన్ని సుప్రీం కోర్టు కోరింది. దీంతో మోడీ ప్రభుత్వం 2018 ఫిబ్రవరిలో ఆర్డినెన్స్ జారీ చేసింది. దీనిని బిల్లుగా సిద్ధం చేసి పార్లమెంటులో ప్రవేశపెట్టారు. అన్ని నిరసనలు ఉన్నప్పటికీ, దీనిని రెండు సభలూ 2018 డిసెంబర్‌లో ఆమోదించాయి. బిల్లును సెలెక్ట్ కమిటీకి పంపాలన్న డిమాండ్ కూడా తిరస్కరించారు. . ముస్లిం మహిళల (వివాహ హక్కుల పరిరక్షణ) బిల్లు రాష్ట్రపతి సంతకం చేసిన తరువాత అమలులోకి వచ్చింది. ఇది 19 సెప్టెంబర్ 2018 నుండి అమల్లోకి వచ్చింది.
ప్రయోజనం ఏమి వచ్చింది.. ఒక ముస్లిం పురుషుడు తన భార్యకు మూడుసార్లు తలాక్ చెప్పడం ద్వారా తన సంబంధాన్ని ముగించుకుంటే, అతడు మూడు సంవత్సరాల వరకు శిక్షను అనుభవించాల్సి ఉంటుంది. ఈ ట్రిపుల్ తలాక్ కేసులు 5% -10% తగ్గాయి.
అమలులో ఏం జరుగుతోంది.. ఈ చట్టం కింద చదువుకున్న మహిళలు కొంతవరకూ లబ్ది పొందారని చెప్పొచ్చు. కానీ, నిరక్షరాస్యులైన స్త్రీలు భర్త లేదా అత్తమామల ఒత్తిడితో ఫిర్యాదు చేయలేకపోయిన సందర్భాలు చాలా ఉంటున్నాయి. ఇప్పటికీ ఈ చట్టం అమలు విషయంలో పెద్దగా ముందడుగు పడలేదనే చెప్పాలి. రాజకీయ కారణాలతో దీని అమలులో చిక్కులు వస్తున్నాయనే విషయం స్పష్టం.
5. ఆర్టికల్ 370 రద్దు.. పరిపాలనా తీర్మానం ద్వారా కేంద్ర ప్రభుత్వం రాజ్యాంగంలోని ఆర్టికల్ 370 ను జమ్మూ కాశ్మీర్ నుండి తొలగించింది. జమ్మూ కాశ్మీర్ జమ్మూ కాశ్మీర్ మరియు లడఖ్ అనే రెండు కేంద్ర భూభాగాలుగా విభజన చెందింది.
ఏం జరిగింది.. 1948 లో, జమ్మూ కాశ్మీర్‌కు చెందిన రాజా హరి సింగ్ భారతదేశంలో విలీనానికి ముందు ప్రత్యేక హక్కును కల్పించారు. భారతదేశంలో భాగమైనప్పటికీ జమ్మూ కాశ్మీర్ వేరుగా ఉంటూ వచ్చింది. ఆ రాష్ట్రానికి దాని స్వంత ప్రత్యేక రాజ్యాంగం ఉంది. భారతదేశంలో కొన్ని చట్టాలు వర్తిస్తాయి. పిల్లలకు విద్య హక్కు (ఆర్‌టిఇ) కూడా రాలేదు. కాశ్మీరీలు మాత్రమే కాశ్మీర్ లో భూమి కొనగలిగారు. శాశ్వత పౌరులకు మాత్రమే రాష్ట్ర ప్రభుత్వ ఉద్యోగాలు లభించాయి. ఆర్టికల్ 370 ను రద్దు చేయాలని బిజెపి చాలాకాలంగా డిమాండ్ చేసింది. చాలా సార్లు ఈ సమస్య కోర్టులకు కూడా వెళ్ళింది, కాని ప్రతిష్టంభన అలాగే ఉంది. మోడీ ప్రభుత్వ నిర్ణయం తరువాత పెద్ద మార్పు ఏమిటంటే ఇప్పుడు కేంద్రంలోని అన్ని చట్టాలు అక్కడ వర్తిస్తాయి.
ప్రయోజనం ఏమి వచ్చింది.. జమ్మూ కాశ్మీర్ అధికారికంగా భారతదేశంలో భాగమైంది. భారతదేశంలోని అన్ని చట్టాలు జమ్మూ కాశ్మీర్ మరియు లడఖ్‌లో అమల్లోకి వచ్చాయి. నరేగా, విద్య హక్కు కూడా అమలు చేస్తున్నారు.
వాస్తవంలో ఏం జరుగుతోంది.. రాష్ట్రంలోని రాజకీయ పార్టీలు ఈ నిర్ణయాన్ని అంగీకరించలేదు. నాయకులను గృహ నిర్బంధంలో ఉంచారు. ఇంటర్నెట్‌తో సహా కమ్యూనికేషన్ సదుపాయాలను నిలిపివేయాల్సి వచ్చింది. పర్యాటక రంగం ప్రభావితమైంది. ప్రజలు ఇబ్బందులను ఎదుర్కొన్నారు. ఇప్పటికీ కాశ్మీర్ కుదుట పడలేదు. ప్రజల కష్టాలు కొనసాగుతున్నాయి. ఆర్టికల్ 370 రద్దు చేయడం పై చూపిన శ్రద్ధ అక్కడ వాస్తవ పరిస్థితులను చక్కదిద్దడం పై చూపడం లేదనే ఆరోపణలు వినవస్తున్నాయి. ప్రజలకు ఆర్టికల్ రద్దుకు ముందు.. రద్దు తరువాత ప్రత్యేకంగా ఒనగూరిన ప్రయోజనం ఏమీ లేదని చెబుతున్నారు.
6. పౌరసత్వం.. బంగ్లాదేశ్, పాకిస్తాన్, ఆఫ్ఘనిస్తాన్ నుండి వలస వచ్చిన ముస్లిమేతర (హిందూ, బౌద్ధ, జైన, సిక్కు, పార్సీ మరియు క్రిస్టియన్) కు పౌరసత్వ సవరణ చట్టం (సిఎఎ) భారత పౌరసత్వం ఇస్తుంది. ఇంతకుముందు ఈ ప్రజలు భారతదేశ పౌరసత్వం పొందడానికి 11 సంవత్సరాలు భారతదేశంలో నివసించాల్సి వచ్చేది. పౌరసత్వ సవరణ బిల్లు తర్వాత ఈ కాలాన్ని 11 సంవత్సరాల నుండి 6 సంవత్సరాలకు తగ్గించారు.
ఏం జరిగింది.. ఈ బిల్లును లోక్‌సభ 2019 జనవరిలో ఆమోదించింది. 16 వ లోక్ సభ పదవీకాలం రాజ్యసభ ఆమోదించక ముందే ముగిసింది. లోక్‌సభ రద్దుతో ఈ బిల్లు కూడా రద్దు చేయబడింది. 17 వ లోక్‌సభ ఏర్పడిన తరువాత మోడీ ప్రభుత్వం ఈ బిల్లును కొత్తగా ప్రవేశపెట్టింది. ఈ బిల్లు లోక్‌సభలో 10 డిసెంబర్ 2019 న, రాజ్యసభలో 11 డిసెంబర్ 2019 న ఆమోదించబడింది. రాష్ట్రపతి సంతకం తరువాత 2020 జనవరి 10 న దీనిని అమలు చేశారు.
ప్రయోజనం ఏమి వచ్చింది.. చాలా సంవత్సరాలుగా భారతదేశంలో చట్టవిరుద్ధంగా నివసిస్తున్న ప్రజలు భారత పౌరసత్వం పొందడం సులభం. అయితే, నియమాలను రూపొందించడంలో ప్రభుత్వం విఫలమైంది. ఎంపీల కమిటీ 2021 జూలై 9 లోగా వాటిని దాఖలు చేయాలి.
నష్టం ఏమిటి.. బిల్లును వ్యతిరేకిస్తున్న వారు ముస్లిం సమాజాన్ని ప్రత్యేకంగా లక్ష్యంగా చేసుకున్నారని అంటున్నారు. ఈ బిల్లుద్వారా భారత లౌకిక వాదానికి తిలోదకాలు ఇచ్చినత్తయిందని విమర్శకులు చెబుతారు. ఇది రాజ్యాంగంలోని ఆర్టికల్ 14 యొక్క ఉల్లంఘన అని విపక్షాలు అంటున్నాయి.. ఈ ఆర్టికల్ ప్రజలందరికీ సమాన హక్కు గురించి మాట్లాడుతుంది.
7. బ్యాంకుల విలీనం.. పెరుగుతున్న ఎన్‌పిఎల నుండి ఉపశమనం పొందాలని, వినియోగదారులకు మెరుగైన బ్యాంకింగ్ సౌకర్యాలు కల్పించాలని బ్యాంకులను కోరారు.
ఏం జరిగింది.. ప్రభుత్వానికి చెందిన పది బ్యాంకులను విలీనం చేయడం ద్వారా నాలుగు ప్రధాన బ్యాంకులను ప్రకటించారు. ఓరియంటల్ బ్యాంక్ ఆఫ్ కామర్స్, యునైటెడ్ బ్యాంక్ పంజాబ్ నేషనల్ బ్యాంక్‌లో విలీనం అయ్యాయి. సిండికేట్ బ్యాంక్ కెనరా బ్యాంక్ మరియు అలహాబాద్ బ్యాంక్‌ను ఇండియన్ బ్యాంకులో విలీనం చేసింది. ఆంధ్ర బ్యాంక్ మరియు కార్పొరేషన్ బ్యాంక్‌ను యూనియన్ బ్యాంక్ ఆఫ్ ఇండియాతో అనుసంధానం చేస్తున్నట్లు ప్రకటించారు. దీంతో ఐడిబిఐ బ్యాంక్ ప్రైవేటీకరణకు కూడా ప్రభుత్వం ఆమోదం తెలిపింది.
ప్రయోజనం ఏమి వచ్చింది.. వినియోగదారులకు మెరుగైన సౌకర్యాలు లభిస్తున్నాయి. బ్యాంకుల ఖర్చు తగ్గింది. బ్యాంకుల ఉత్పాదకత పెరిగింది. ఇది బ్యాంకు ఆదాయాన్ని పెంచడంలో సహాయపడింది. టెక్నాలజీలో ఎక్కువ పెట్టుబడులు పెట్టడానికి అవకాశం వచ్చింది. దీనితో పాటు, వారు ప్రైవేటు బ్యాంకులతో మెరుగ్గా పోటీ పడటానికి ప్రయత్నిస్తున్నారు.
మోడీ ప్రభుత్వం ఏడేళ్ళ పాలనలో ఎక్కువ నిర్ణయాలు అకస్మాత్తుగా తీసుకున్నవే. అకస్మాత్తు నిర్ణయాలు.. వాటి వెనుక సరైన ప్రణాళిక లేకపోవడంతో ఆ నిర్ణయాలు ప్రజలను ఇబ్బందులకు గురిచేశాయి. చాలా విషయాల్లో ప్రభుత్వం చెబుతున్న మాటలకూ.. వాస్తవాలకూ మధ్య పొంతన లేకుండా పోతోంది. దీంతో సామాన్యులు ఇబ్బందులు పడుతున్నారు. ఇప్పుడు కరోనా మహమ్మారి రెండో వేవ్ పరిస్థితులు.. వ్యాక్సిన్ కోసం పడుతున్న తిప్పలూ, కరోనా ముంచుకు వస్తున్న వేళలో ఎన్నికల నిర్వహణ వంటి అంశాలు ప్రధాని మోడీ ప్రతిష్టను దేబ్బతీశాయనే రాజకీయ విశ్లేషకులు భావిస్తున్నారు. ఇప్పుడు ప్రభుత్వం ముందున్న తక్షణ బాధ్యత కరోనా పరిస్థితుల్లో ప్రజలను రక్షించుకోవడం ఒక్కటే.