ఇలా చేరారు.. అలా మార్చేశారు

రాజ్యసభ ఎంపీలు సుజనా చౌదరి, సీఎం రమేష్, గరికపాటి, టీజీ వెంకటేష్‌లు గురువారం టీడీపీని వీడి కాషాయా కండువా కప్పుకున్న విషయం తెలిసిందే. అయితే వీరు పార్టీ మారిన కాసేపటికే రాజ్యసభ వెబ్‌సైట్‌లో ఈ నలుగురిని బీజేపీ ఎంపీలుగా మార్చేశారు అధికారులు. దీనికి సంబంధించిన ఓ లిస్ట్ సోషల్ మీడియాలో హల్‌చల్ చేస్తోంది. కాగా బీజేపీ తీర్థం పుచ్చుకున్న సుజనా చౌదరి, సీఎం రమేష్, టీజీ వెంకటేష్‌లు ఈ ఉదయం ప్రధాని నరేంద్ర మోదీతో భేటీ అయ్యారు. కేంద్ర హోంశాఖ సహాయమంత్రి కిషన్‌ రెడ్డితో కలిసి మోదీ నివాసానికి వెళ్లిన నేతలు, ప్రధానితో భేటీ అయ్యారు. ఇదిలా ఉంటే ఈ నలుగురు నేతలకు బీజేపీ అధిష్టానం కీలక బాధ్యతలు అప్పగించే అవకాశముందని పార్టీ వర్గాలు చెబుతున్నాయి.