చినుకుపడితే ప్రకృతి పరవశించి పొదరిల్లుగా అల్లుకున్న ప్రాంతాలు ఇవే.. ఈ సీజన్లో చూసి తీరాల్సిందే..
వర్షాకాలంలో ప్రకృతికి కొత్త జీవితం ప్రారంభమవుతుంది. చెట్లు, నెల పచ్చని తొరణాలను కప్పుకున్నట్లుగా కనిపిస్తుంటాయి. మన ఇండియాలో ఉండే అనేక ప్రాంతాలు ఈ వర్షాకాలంలో మరింత అందంగా కనిపిస్తుంటాయి. ఈ అందమైన ప్రాంతాలను చూడటానికి పర్యాటకులు కూడా ఎక్కువగానే వస్తుంటారు. అవెంటో తెలుసుకుందామా.
మేఘాలయలోని చిరపుంజీ ప్రాంతం ఈ వర్షాకాలంలో పూర్తిగా ఆకుపచ్చని రంగులోకి మారినట్లుగా కనిపిస్తుంది. ఇక్కడ ఎక్కువ వర్షపాతం నమోదవుతుంది. పక్షులు, కీటకాలు చేసే హమ్మింగ్ శబ్ధాలతోపాటు.. లోయలో ప్రవహించే నదుల శబ్ధాలు పర్యాటకులకు ఎంతో అద్భుతమైన అనుభూతినిస్తాయి.
కర్ణాటకలోని చిక్మగళూరు ప్రాంతంలో వర్షాకాలం మ్యాజిక్ జరుగుతుందని చెప్పుకోవచ్చు. పశ్చిమ కనుమల ఒడిలో కూర్చుని అందమైన ప్రకృతిని ఆస్వాదించవచ్చు. ఇక్కడి సమీపంలోని చార్మాడి ఘాట్కు డ్రైవ్ చేయవచ్చు. అలాగే పశ్చిమ కనుమల నుంచి అనేక జలపాతాల అందాలను చూడవచ్చు. వర్షాకాలంలో ఈ ప్రాంతాన్ని చూడడం వలన మీరు జీవితంలో మర్చిపోలేని అనుభూతిని పొందుతారు.
మహారాష్ట్రలోని భండార్ధర ప్రాంతం పూర్తిగా జలపాతాల ఆవాసం అనుకోవచ్చు. ఇక్కడి రుండా జలపాతం, సరస్సులు అనేకం పర్యాటకులను ఆకర్శిస్తాయి. భండార్దర పశ్చిమ కనుమల సహ్యాద్రి పర్వతాలలో ఉంది. ఇది మహారాష్ట్ర చుట్టుపక్కల హైకర్లు, ట్రెక్కింగ్ చేసేవారికి స్వర్గధామంగా ఉంటుంది.
ఉత్తరాఖండ్లోని ముస్సూరీ ఎప్పుడూ లేని విధంగా ఈ వర్షాకాలంలో పూర్తిగా ఆకుపచ్చగా మారిపోతుంది. కొండలపై పచ్చని బైళ్లు.. వాటి మధ్య నుంచి జారే నీటి అద్భుతమైన ప్రాంతాన్ని చూడవచ్చు. వర్షాకాలంలో ఇక్కడికి పర్యాటకులు అనేక మంది వస్తుంటారు.
రాజస్థాన్లోని బన్స్వారా ప్రాంతాన్ని సిటీ ఆఫ్ హండ్రెడ్ ఐలాండ్స్ అని పిలుస్తుంటారు. ఈ ప్రదేశంలో ఔషదాలు, వెదురు చెట్లు అనేకం ఉంటాయి. పచ్చని కొండలు, సరస్సులు, నదులు వంటి ప్రదేశాలు పర్యాటకులకు కనుల విందుగా కనిపిస్తాయి.
చినుకుపడితే ప్రకృతి పరవశించి పొదరిల్లుగా అల్లుకున్న ప్రాంతాలు