World Photos: కరోనా సంక్షోభంలోనూ భారతీయులకు అనుమతి ఉన్న దేశాలు ఇవే..
భారత్లో కరోనా రెండో దశ విలయతాండవం చేసింది.. దీంతో ఎంతోమంది ప్రజలు ప్రాణాలు కోల్పోయారు. ఇక అదే సమయంలో పలు దేశాలు ఇండియాకు విమాన మార్గాన్ని నిలిపివేయడమే కాకుండా.. భారతీయులకు అనుమతి నిరాకరించాయి.
రష్యా: ప్రపంచంలో అతిపెద్ద దేశమైన రష్యాలో భారతీయులకు ప్రవేశం కల్పిస్తున్నారు. ఇక్కడ మాస్కో, సెయింట్ పీటర్స్బర్గ్లను సందర్శించవచ్చు. రష్యాకు చేరుకోవడానికి 72 గంటల ముందు చేసిన కోవిడ్ పరీక్ష నివేదికను ప్రయాణీకులు చూపించాల్సి ఉంటుంది.
సెర్బియా: భారతీయ ప్రయాణికులను సెర్బియాలోకి అనుమతిస్తున్నప్పటికీ, ముంబై, బెల్గ్రేడ్ మధ్య చాలా తక్కువ విమానాలు ప్రయాణిస్తున్నాయి. బెల్గ్రేడ్లోని కలేమెగ్దాన్ ఇక్కడ టూరిస్ట్ కేంద్రంగా నిలిచింది. ప్రయాణీకులు విమానానికి 48 గంటల ముందు కోవిడ్ నెగటివ్ పరీక్ష రిపోర్ట్ అధికారులకు చూపించడం తప్పనిసరి.
ఐస్లాండ్: ముంబై నుంచి రెక్జావిక్ వరకు పూర్తిగా టీకాలు వేసిన భారతీయులకు కెఎఫ్టి అనే ట్రావెల్ కంపెనీ లగ్జరీ చార్టర్లను అందిస్తోంది. అయితే దీని కోసం చెల్లుబాటు అయ్యే స్కెంజెన్ వీసా కలిగి ఉండాలి. టీకా సర్టిఫికేట్.. కోవిడ్ రిపోర్ట్ కలిగి ఉండటం తప్పనిసరి. రేక్జావిక్కు చేరుకున్నప్పుడు, మీరు కరోనా స్క్రీనింగ్ చేయవలసి ఉంటుంది.
ఈజిప్ట్: భారత ప్రయాణికులకు ఈజిప్టులో ప్రవేశం కల్పిస్తున్నారు. ఇక్కడ గిజా పిరమిడ్ సందర్శించడానికి వెళ్ళవచ్చు. అలాగే కైరో మార్కెట్లలో షాపింగ్ చేయవచ్చు. ఈజిప్టుకు చేరుకున్నప్పుడు ప్రయాణికుల ఆరోగ్యాన్ని చెక్ చేస్తారు. అలాగే ప్రయాణీకులందరూ ఆరోగ్య సర్టిఫికేట్ పూరించాలి.ఆగస్టు 15 నుండి నెగటివ్ కోవిడ్ నివేదికను చూపించడం తప్పనిసరి అవుతుంది. ఇది 72 గంటలకు మించకూడదు.
రువాండా: ఆఫ్రికాలోని ఏ దేశానికైనా వెళ్లే భారతీయ పౌరులు చెల్లుబాటు అయ్యే వీసా ఉన్నట్లయితే రువాండాలో ప్రవేశిస్తున్నారు. పర్యాటకులు అకాగేరా నేషనల్ పార్క్ లో ఉన్న అద్భుతమైన సఫారీలు, జ్వాలముఖి నేషనల్ పార్క్ లో గొరిల్లా ట్రెక్కింగ్ చేయవచ్చు. రువాండాకు వచ్చే ప్రయాణీకులందరూ ప్యాసింజర్ లొకేటర్ ఫారమ్ను పూర్తి చేయాలి. అలాగే కోవిడ్ ప్రతికూల నివేదికను www.rbc.gov.rw లో అప్లోడ్ చేయాలి.