ప్రపంచంలోనే అత్యంత ఎత్తైన బిల్డింగ్స్ ఎప్పుడైనా చూశారా ?.. ఎక్కడెక్కడున్నాయంటే..
సెప్టెంబర్ 2021లో కౌన్సిల్ ఆన్ టాల్ బిల్డింగ్స్ అండ్ అర్బన్ హాబిటాట్ ప్రకారం ప్రపంచంలోనే అత్యంత ఎత్తైన భవనాలను కొన్నింటిని గుర్తించారు.. అవెంటీ.. ఎక్కడెక్కడున్నాయో తెలుసుకుందామా.
బుర్జ్ ఖలీఫా.. దుబాయ్లో 2004లో ప్రారంభించిన 2009లో పూర్తిచేశారు.. ఎత్తు 828 మీటర్లు.. 2,717 అడుగులున్న బుర్జ్ ఖలీఫాను జనవరి 2010లో ప్రారంభించారు. చికాగోకు చెందిన ఇంజినీరింగ్ కంపెనీ స్కిడ్‌మోర్, ఓవింగ్స్ మరియు మెర్రిల్ దాని రూపకల్పన మరియు నిర్మాణంలో ప్రధాన పాత్ర పోషించాయి. ఆకాశంలో అరమైలు విస్తరించి ఉంటుంది.
షాంఘై టవర్.. చైనాలోని లుజియాజుయ్ ఫైనాన్స్ ప్రాంతంలో ఉంది. ఇది 128 అంతస్తులు ఉండి.. 16000 మందికి సరిపోయేంతగా ఉంటుంది. శాన్ ఫ్రాన్సిస్కో-స్థాపించిన ఆర్కిటెక్చర్ సంస్థ జెన్స్లర్ రూపొందించారు. షాంఘై మునిసిపల్ ప్రభుత్వం యాజమాన్యంలో ఉంది.
మక్కా రాయల్ క్లాక్ టవర్.. ప్రపంచంలోనే అతి పెద్ద గడియార ముఖాన్ని కలిగి ఉంది. దీని వ్యాసం 43 మీటర్లు ఉంటుంది. ఇది లండన్ బిగ్ బెన్ కంటే 35 రెట్లు పెద్దది. భూమికి 558 మీటర్ల ఎత్తులో అబ్జర్వేషన్ డెక్ ఉన్న ఈ టవర్ సౌదీ అరేబియాలో ఉంది. ఇది 120 అంతస్తులు ఉండగా.. ఎత్తు 601 మీటర్లు ఉండగా.. 1,972 అడుగులు ఉంటుంది.
పింగ్ యాన్ ఇంటర్నేషనల్ ఫైనాన్స్ సెంటర్.. చైనాలోని షెన్జెన్లో ఉన్న పింగ్ యాన్ ఇంటర్నేషనల్ ఫైనాన్స్ సెంటర్ ప్రపంచంలోనే నాల్గవ ఎత్తైన భవనం. ఇది 1,965 అడుగులు.. 599 మీటర్ల ఎత్తు ఉంది. ఇందులో 115 అంతస్తులు ఉన్నాయి. 2017లో పూర్తైంది.
లోట్టే వరల్డ్ టవర్.. దక్షిణ కొరియాలో ఎత్తైన భవనం. సియోల్ టవర్.. సంప్రదాయ కొరియన్ కుండలు.. కాలిగ్రఫీ బ్రష్ల వక్రమైన రూపాలను పోలీ ఉంటుంది. 123 అంతస్తులు ఉండగా.. 555 మీటర్ల ఎత్తులో ఉంటుంది. జూలై 7న 2017లో పూర్తైంది.
వన్ వరల్డ్ ట్రేడ్ సెంటర్.. అమెరికాలోని న్యూజెర్సీలో సెప్టెంబర్ 7న 2021లో పూర్తిచేశారు. ప్రపంచంలోనే ఆరవ ఎత్తైన భవనం. ఇది 1,776 అడుగుల ఎత్తు ఉంటుంది.