Wing India 2024: ఆసియాలోనే అతిపెద్ద విమానాల ఈవెంట్.. వింగ్ ఇండియా 2024కు వేదికైన బేగంపేట..
హైదరాబాద్లోని బేగంపేట విమానాశ్రయం వింగ్స్ ఇండియా 2024 ఈవెంట్కు వేదికైంది. విమానంలో ప్రయాణించాలనే సామాన్యుల ఆకాంక్షలను నెరవేర్చాలనే లక్ష్యంతో ప్రధాని మోదీ దార్శనికతకు అనుగుణంగా ఈ కార్యక్రమాన్ని రూపొందించారు.వింగ్స్ ఇండియా 2024 పేరుతో నిర్వహించిన ఈ కార్యక్రమానికి కేంద్ర పౌరవిమానయాన శాఖ మంత్రి జోతిరాదిత్య సింధియా ముఖ్య అతిథిగా హాజరయ్యారు. ఎయిర్ పోర్ట్ అధారిటీ ఆఫ్ ఇండియా, ఫెడరేషన్ ఆఫ్ ఇండియన్ ఈవెంట్ ప్రముఖులు ఇందులో పాల్గొన్నారు.
హైదరాబాద్లోని బేగంపేట విమానాశ్రయం వింగ్స్ ఇండియా 2024 ఈవెంట్కు వేదికైంది. విమానంలో ప్రయాణించాలనే సామాన్యుల ఆకాంక్షలను నెరవేర్చాలనే లక్ష్యంతో ప్రధాని మోదీ దార్శనికతకు అనుగుణంగా ఈ కార్యక్రమాన్ని రూపొందించారు.
వింగ్స్ ఇండియా 2024 పేరుతో నిర్వహించిన ఈ కార్యక్రమానికి కేంద్ర పౌరవిమానయాన శాఖ మంత్రి జోతిరాదిత్య సింధియా ముఖ్య అతిథిగా హాజరయ్యారు. ఎయిర్ పోర్ట్ అధారిటీ ఆఫ్ ఇండియా, ఫెడరేషన్ ఆఫ్ ఇండియన్ ఈవెంట్ ప్రముఖులు ఇందులో పాల్గొన్నారు.
ఆసియాలోనే అతిపెద్ద ఈవెంట్ గా పేర్కొన్నారు నిర్వాహకులు. జనవరి 18 నుంచి నాలుగు రోజులపాటు ఈ ఎగ్జిబిషన్ నిర్వహించనున్నట్లు తెలిపారు అధికారులు. ఇందులో బిజినెస్ టు బిజినెస్, బిజినెస్ టు గవర్నమెంట్ సమావేశాలు నిర్వహించనున్నట్లు తెలిపారు అధికారులు.
ఇందులో భాగంగా ఉత్తమ సేవలు అందించిన ఎయిర్ లైన్స్ సంస్థలకు అవార్డుల ప్రదానం చేయనున్నట్లు పేర్కొన్నారు. పలు సాంస్కృతిక కార్యక్రమాలు నిర్వహించారు. ఈ ఈవెంట్లో పలు రకాల విమానాలను ప్రదర్శించారు. నమూనా విమానాలను ఏర్పాటు చేశారు.
వివిధ రకాలా వైమానిక ప్రదర్శనలు, స్టాటిక్ డిస్ ప్లేలు, మీడియా సమావేశాలు, ఒకరితో ఒకరు సంప్రదింపులు జరుపుకోవడం కోసం వ్యాపార సమావేశాలు నిర్వహించారు. దాదాపు 106 దేశాల నుంచి 1500 మందికి పైగా వివిధ ఎయిర్ లైన్స్ కి సంబంధించిన ప్రతినిధుల హాజరయ్యారు.
ఏరోస్పేస్ ఇంజనీర్లు, ఎయిర్ లైన్స్, ఎయిర్ పోర్టు ఏజెన్సీలు, పౌర విమానయాన అధికారులు, ఎయిర్ హోస్టర్స్ పాల్గొన్నారు. 5000 మందికి పైగా వ్యాపార వేత్తలు పాల్గొంటారని ఈవెంట్ నిర్వాహకులు తెలిపారు. అలాగే చాలా మంది ఈ విమానాలను చూసేందుకు, సెల్ఫీలు దిగేందుకు ఎగబడ్డారు. దీంతో బేగంపేట విమానాశ్రయం మొత్తం కొత్త కళను సంతరించుకుంది.