ఫ్రిజ్లో నిమ్మకాయ ముక్క పెడితే ఏమవుతుందో తెలుసా..? ఫలితం చూస్తే షాక్ అవ్వడం పక్కా..
Lemon in Fridge: సాధారణంగా నిమ్మకాయను మనం వంటల్లో రుచి కోసం లేదా ఆరోగ్య ప్రయోజనాల కోసం వాడుతుంటాం. కానీ నిమ్మకాయ ముక్కలను ఫ్రిజ్లో ఉంచడం వెనుక ఒక గొప్ప సైన్స్ ఉందని మీకు తెలుసా..? కేవలం సువాసన కోసమే కాకుండా నిమ్మకాయ మన ఆరోగ్యాన్ని కాపాడటంలో కూడా కీలక పాత్ర పోషిస్తుంది. నిపుణులు చెబుతున్న ఆ రహస్యాలు ఇప్పుడు తెలుసుకుందాం..
న్యాచురల్ ఎయిర్ ప్యూరిఫైయర్: ఫ్రిజ్ అనేది క్లోజ్డ్ బాక్స్ లాంటిది. అందులో రకరకాల ఆహార పదార్థాల వల్ల గాలి కలుషితం అయ్యే అవకాశం ఉంది. నిమ్మకాయలోని సిట్రిక్ యాసిడ్ ఒక న్యాచురల్ ఎయిర్ ప్యూరిఫైయర్లా పనిచేస్తుంది. ఇది గాలిలోని సూక్ష్మజీవులను అరికట్టి, ఫ్రిజ్ లోపల స్వచ్ఛమైన గాలి ఉండేలా చేస్తుంది.
ఫ్రిజ్ దుర్వాసనకు చెక్: మనం ఫ్రిజ్లో ఉల్లిపాయలు, వెల్లుల్లి లేదా మిగిలిపోయిన కూరలు పెట్టినప్పుడు ఒక రకమైన వింత వాసన వస్తుంది. నిమ్మకాయను సగానికి కోసి దానిపై కొంచెం వంట సోడా లేదా ఉప్పు చల్లి ఫ్రిజ్లో ఒక మూలన పెట్టండి. ఇది దుర్వాసనను పీల్చుకుని, ఫ్రిజ్ అంతా ఒక రిఫ్రెషింగ్ సువాసన వచ్చేలా చేస్తుంది.
బ్యాక్టీరియా నుంచి రక్షణ: నిమ్మకాయలో ఉండే యాంటీ బ్యాక్టీరియల్, యాంటీ ఆక్సిడెంట్ గుణాలు ఆహారంపై బ్యాక్టీరియా చేరకుండా అడ్డుకుంటాయి. ముఖ్యంగా పాలు, పెరుగు వంటి పదార్థాలు త్వరగా పులిసిపోకుండా ఉండటానికి ఈ నిమ్మకాయ ముక్కల నుంచి వచ్చే సిట్రిక్ గాలి సహాయపడుతుంది.
మరకలను తొలగించడానికి: ఫ్రిజ్ లోపల ట్రేల మీద కూరగాయల మరకలు పడితే వాటిని శుభ్రం చేయడం కష్టమవుతుంది. అప్పుడు నిమ్మరసం కలిపిన నీటితో తుడవడం వల్ల మొండి మరకలు సులభంగా పోవడమే కాకుండా, ప్లాస్టిక్ ట్రేలు కూడా కొత్తవాటిలా మెరుస్తాయి.
ఫ్రిజ్లో పెట్టిన నిమ్మకాయ ముక్కలను ప్రతి 3-4 రోజులకు ఒకసారి మారుస్తూ ఉండాలి. ఎండిపోయిన నిమ్మకాయ ముక్కల వల్ల ప్రయోజనం ఉండదు. ఎప్పుడూ తాజాగా ఉండే ముక్కలనే ఉపయోగించండి.