Alcohol: మద్యం తాగిన తర్వాత వాంతి ఎందుకు అవుతుందో తెలుసా? దీని వెనుక పెద్ద రీజనే ఉంది..
ఓటు హక్కు ఉన్నట్లు మద్యం సేవించేందుకు కూడా ఓ నిర్ణీత వయసు ఉంటుందట. మద్యపానం సేవించేందుకు 18 ఏళ్లు నిండిన వారు మాత్రమే అర్హులు. కాదూ కూడదని 18 ఏళ్లలోపు మద్యం సేవిస్తే తగిన మూల్యం చెల్లించుకోవల్సి ఉంటుంది. అందుకే ప్రపంచంలో కొన్ని దేశాల్లో మద్యం సేవించేందుకు నిర్ణీత వయసును అక్కడి ప్రభుత్వాలు నిర్ణయించాయి. కొన్ని చోట్ల 18 నిండని వారు పబ్‌లకు వెళ్లడంపై కూడా..
ఓటు హక్కు ఉన్నట్లు మద్యం సేవించేందుకు కూడా ఓ నిర్ణీత వయసు ఉంటుందట. మద్యపానం సేవించేందుకు 18 ఏళ్లు నిండిన వారు మాత్రమే అర్హులు. కాదూ కూడదని 18 ఏళ్లలోపు మద్యం సేవిస్తే తగిన మూల్యం చెల్లించుకోవల్సి ఉంటుంది. అందుకే ప్రపంచంలో కొన్ని దేశాల్లో మద్యం సేవించేందుకు నిర్ణీత వయసును అక్కడి ప్రభుత్వాలు నిర్ణయించాయి. కొన్ని చోట్ల 18 నిండని వారు పబ్‌లకు వెళ్లడంపై కూడా నిషేధం ఉంది.
అయితే, చాలామంది యుక్తవయస్సు రాకముందే రహస్యంగా మద్యం సేవిస్తుంటారు. దీంతో తాగిన తర్వాత వాంతులు చేసుకుని, అనారోగ్యానికి గురవుతుంటారు. ఇలా ఎందుకు జరుగుతుందో మీరెప్పుడైనా ఆలోచించారా?
ప్రతి ఒక్కరి శరీరం ఆల్కహాల్ సేవించిన తర్వాత భిన్నంగా స్పందిస్తుంది. నిర్ణీత పరిమితి తర్వాత మద్యం సేవించడం వల్ల వాంతులు అవుతాయి. సాధారణంగా తాగిన తర్వాత మైకం వస్తుంది. కానీ అతిగా తాగితే పొట్టపై ఒత్తిడి పడి, వాంతులు అవుతాయి.
వాస్తవానికి, ఆల్కహాల్ శరీరంలోకి ప్రవేశించినప్పుడు అది ఎసిటాల్డిహైడ్గాగా మారుతుంది. ఇది విషపూరితమైనది. మన కాలేయం ఈ ఎసిటాల్డిహైడ్‌ని కొంత వరకు మాత్రమే తీసుకోగలదు. మోతాదుకు మించితే ప్రాసెస్ చేయలేదు.
మీరు ఒక నిర్దిష్ట మొత్తం కంటే ఎక్కువ ఆల్కహాల్ తాగితే, దానిని కాలేయం ప్రాసెస్ చేయలేక పోవడంతో వాంతులు అవుతాయి. ఇలా ఎసిటాల్డిహైడ్ వాంతి ద్వారా శరీరం నుంచి బయటకు పోతుంది. ఇలా జరిగినప్పుడు శరీరంలో నీరు కూడా అధికంగా పోతుంది. అందుకే వాంతి తర్వాత డీహైడ్రేషన్ తలెత్తుతుంది.