Health Tips: విటమిన్ బీ 12 లోపం లక్షణాలివే.. జాగ్రత్త పడకుంటే అంతే సంగతి..
Health Tips: ఆరోగ్యాన్ని కాపాడడంలో పోషకాహారం ప్రముఖ పాత్ర పోషిస్తుంది. నిత్యం తీసుకునే ఆహారంలో అన్ని రకాల విటమిన్లు, మినరల్స్, ఫైబర్, ప్రోటీన్స్ వంటి పోషకాలు ఉంటే ఆరోగ్యం స్థిరంగా ఉంటుంది. అయితే ప్రస్తుతం చాలా మందిలో విటమిన్ బి12 లోపం కనిపిస్తోంది. జంతు మాంసం, పాల ఉత్పత్తులు, చేప మాంసం, గుడ్లు విటమిన్ బి12కి మంచి మూలాలు. వెజిటేరియన్లు, వేగన్స్ అయితే సప్లిమెంట్ల ద్వారా విటమిన్ బీ12 పొందవచ్చు. అసలు విటమిన్ బి12 లేకపోతే ఎలాంటి సమస్యలు ఎదురవుతాయి, ఏయే లక్షణాలు కనిపిస్తాయి..? తెలుసుకుందాం..
రక్తహీనత: విటమిన్ బీ12 లోపమే రక్తహీనతకు ప్రధాన కారణం. శరీరంలో రక్తం పరిపడినంతగా లేకపోతే వెంటనే అలసిపోవడం, కళ్లు తిరగడం, పీలగా మారిపోవడం వంటి లక్షణాలు కనిపిస్తాయి. వెంటనే ఈ సమస్యను అధిగమించకుంటే శరీరంలో రక్తం కోరత మరింతగా పెరిగి, గుండెపై చెడు ప్రభావం చూపుతుంది.
మూడ్ స్వింగ్స్: ఒత్తిడి, ఆందోళన వంటి మానసిక సమస్యలకు విటమిన్ బీ12 లోపం కూడా కారణమే. విటమిన్ బి12 లోపం కారణంగా మీరు నిత్యం అందోళన చెందడం, చిన్న సమస్యలకే టెన్షన్, కంగారు, మానసికంగా కృంగిపోవడం, భావోద్రేకానికి గురికావడం వంటివి జరుగుతుంటాయి.
జ్ఞాపకశక్తి సమస్యలు: విటమిన్ బీ12 లోపం కారణంగా ఎదురయ్యే మరో సమస్య జ్ఞాపకశక్తి లోపించడం. నమ్మశక్యం కాని విషయం ఏమిటంటే.. విటమిన్ బి12 లోపం వల్ల కొన్ని సందర్భాలలో మీరు కుటుంబ సభ్యులను కూడా గుర్తుపట్టలేనట్లుగా ప్రవర్తిస్తారు.
అలసట: రాత్రిపూట మీరు ఎంత గాలి వీచే ప్రదేశంలో ఉన్నా చెమటలు పడుతున్నట్లయితే విటమిన్ బీ 12 లోపం కారణంగా ఎదురైన సమస్యేనని గుర్తించాలి. అలాగే చిన్న చిన్న పనులు చేయడానికి కూడా ఆలసట చెందిన భావన పొందుతారు.
కండరాల బలహీనత: విటమిన్ బీ12 లోపం కారణంగా మీ కండరాలు కూడా బలహీనంగా మారుతాయి. చిన్న చిన్న వస్తువులను పట్టుకోవడానికి సైతం మీరు తీవ్ర ఇబ్బంది ఫీలవుతారు.