Viral News: ఫోటోల్లో, కొత్త గడియారాల్లో సమయం ఎప్పుడూ 10:10 చూపిస్తుంది.. దీని వెనక ఉన్న అసలు కారణం ఏంటో తెలుసా?
Viral News: దుకాణాల్లో డిస్ప్లే ఉంచే గడియారాల్లో సమయం 10 గంటల 10 నిమిషాలకు సెట్ చేసి ఉండడానికి మీలో చాలా మంది గమనించే ఉంటారు. ఇంతకీ అలా సెట్ చేయడానికి గల కారణమేంటో ఎప్పుడైనా ఆలోచించారా.?
సాధారణంగా మనం వాచ్ దుకాణాల్లో కొత్త గడియారాల్లో, వాచ్ బొమ్మలపై సమయం 10 గంటల 10 నిమిషాలు సెట్ చేసి ఉండడాన్ని గమనించే ఉంటారు. ఇంతకీ వాచ్లలో ఇదే సమయాన్ని ఎందుకు సెట్ చేస్తారో ఎప్పుడైనా ఆలోచించారా.?
సమయం 10:10 సెట్ చేయడానికి చాలా కారణాలు ఉన్నాయి. ఇందులో మొదటిది.. సమయం 10:10 ఉన్నప్పుడు, గడియారంలో ముళ్లు వాచ్ లోగోను, బ్రాండ్ పేరుకు అడ్డుగా మారదు. కాబట్టి ఆ వాచ్ కంపెనీ ఏంటనేది స్పష్టంగా కనిపిస్తుంది.
ఇక రెండో కారణం విషయానికొస్తే.. చాలా చేతి వాచుల్లో 3,6, 9 నెంబర్ల వద్ద తేదీ చూపించే ఆప్షన్ ఉంటుంది. కాబట్టి గడియారం ముళ్లులు 10:10 వద్ద ఉన్నప్పుడు తేదీ చూపించే ఫీచర్కు అడ్డుగా ఉండవు. కాబట్టి వాచ్ను ప్రమోట్ చేసే సమయంలో వినియోగదారులకు వాచ్లోనూ తేదీ చూపించే భాగం కూడా కనిపించే వీలు ఉంటుంది.
ఇక సమయం 10:10గా ఉన్నప్పుడు స్మైలీ సింబల్లా కనిపిస్తుందని, కంపెనీలు అందుకే అలా డిజైన్ చేస్తాయని కొందరి అభిప్రాయం. ఇక చాలా కంపెనీలు కూడా గడియారంలోని ముళ్లులు ఇలా ఉంటేనే వాచ్కు అందం వస్తుందని నమ్ముతున్నాయి.