తెలంగాణ స్టైల్ కొత్తిమీర రోటీ పచ్చడి.. ఇలా చేస్తే అదిరిపోద్దీ అంతే?
కొత్తిమీర రోటీ పచ్చడి అంటే ఎవ్వరైనా సరే వావ్ అనాల్సిందే. ఇక తెలంగాణ స్టైల్ రోటీ పచ్చడిని ఎవ్వరైనా సరే ఇష్టపడి తింటుంటారు. మరి మీరు కూడా కారంగా, టేస్టీగా ఉండే కొత్తిమీర రోటీ పచ్చడి తినాలనుకుంటున్నారా? అయితే మీ కోసమే ఈ అద్భుతమైన సమాచారం. దీనిని ఇంటిలోనే సులభంగా ఎలా చేయాలో ఇప్పుడు తెలుసుకుందాం.
కావాల్సిన పదార్థాలు : కొత్తిమీర అర కేజీ, టమాటాలు రెండు లేదా మూడు, పచ్చిమర్చి నాలు నుంచి ఐదు వరకు. వెల్లుల్లి రెబ్బలు 10 , చింత పండు నిమ్మకాయ సైజు. అదే విధంగా, జీలకర్ర వన్ టీ స్పూన్, పోపు దినుసులు, మినపప్పు, పచ్చి శనగపప్పు, నువ్వులు వన్ టీస్పూన్, ఉప్పు రుచికి సరిపడ. నూనె తాళింపుకు సరిపడ, ఇంగువ చిటికెడు, కరివేపాకు నాలుగు రెబ్బలు, ఎండు మిర్చి మూడు, ఆవాలు వన్ టీస్పూన్. పసుపు, జీలకర్ర.
తయారీ విధానం : ముందుగా కొత్తిమీరను తీసుకొని, దానిని ఒకటికి రెండు సార్లు నీటితో శుభ్రంగా కడగాలి. ఆ తర్వాత కొత్తిమీరను ఒక బౌల్లో వేసి తడి పోయేవరకు ఫ్యాన్ కింద ఆరబెట్టాలి. అది ఆరే వరకు మనం టమాటాలను శుభ్రంగా కడిగి, తడి లేకుండా చేసి, చిన్న చిన్న ముక్కలుగా కట్ చేసుకోవాలి.
దీని తర్వాత స్టవ్ ఆన్ చేసి, పాన్ పెట్టి అందులో మెంతులు, వన్ టీస్పూన్ ధనియాలు వేసి వేయించుకోవాలి. తర్వాత వీటిని పక్కన పెట్టి అదే పాన్ లో కొంచెం నూనె పోసుకొని, మనం ముందుగా కట్ చేసి పెట్టుకున్న టమాటాలను, కొత్తిమీర మంచిగా వేయించుకోవాలి. తర్వాత ఇందులోనే చింతపండు, పచ్చి మిర్చి వేసి పది నిమిషాలు వేయించి పక్కన పెట్టుకోవాలి.
తర్వాత మనం ముందుగా వేయించుకున్న ఆవాలు, మెంతులు, ధనియాలు రోటీలో వేసి మెత్తగా, రుబ్బుకోవాలి. తర్వాత అందులోనే రాళ్ల ఉప్పు, పచ్చి మిర్చి, కారం వెల్లుల్లి రెబ్బలు, చిటికెడు పసుపు వేసుకొని మెత్తగా రుబ్బుకోవాలి.
దీని తర్వాత మళ్లీ స్టవ్ ఆన్ చేసి, తాళింపు కోసం ఒక పాన్ పెట్టి, అందులో పోపు దినుసులు, మినపప్పు, శనగలు, కరివేపాకు, వెల్లుల్లి రెబ్బలు , ఎండు మిర్చీ వేసి, అవి కాస్త వేగిన తర్వాత మనం ముందుగా రుబ్బుకున్న కొత్తిమీర, టామాట పచ్చడి పేస్ట్ ఇందులో వేయాలి. తర్వాత తాళింపు మొత్తం పచ్చడికి పట్టేలా మంచిగా కలుపుకోవాలి. అంతే తెలంగాణ స్టైల్ కొత్తి మీర రోటీ పచ్చి రెడీ.