Periods Pain Tips: పీరియడ్స్ నొప్పిని చిటికెలో తగ్గించాలంటే ఈ చిట్కాలు బెస్ట్..
పీరియడ్స్ అనేవి అందరికీ ఒకేలా ఉండవు. ఒక్కొక్కరికి ఒక్కోలా ఉంటాయి. కొంత మందిలో విపరీతంగా కడుపులో నొప్పి వస్తుంది. ఈ నొప్పిని తగ్గించడానికి పెయిన్ కిల్లర్స్ వేసుకుంటూ ఉంటారు. వీటిని బదులు ఇంట్లోనే ఉండే వాటితో కొన్ని రకాల చిట్కాలు ట్రై చేస్తే.. ఖచ్చితంగా తగ్గుతుంది..
పీరియడ్స్ సమయంలో విపరీతమైన కడుపునొప్పి ఉంటే ఒమేగా త్రీ ఫ్యాటీ యాసిడ్స్ అధికంగా ఉండే ఆహారాన్ని తినడం మంచిది. పీరియడ్స్ సమయంలో చాలా మందికి చిరాకు, కోపం వంటివి వస్తుంటాయి. ఒమేగా త్రీ ఫ్యాటీ యాసిడ్‌లు ఈ మూడ్ స్వింగ్‌లను నియంత్రించడంలో సహాయపడతాయి. కాబట్టి పీరియడ్స్ సమయంలో అలాంటి ఆహారాలను మెనూలో తప్పనిసరిగా చేర్చుకోవాలి.
పీరియడ్స్ నొప్పి నరకంగా ఉంటుంది. ఈ నొప్పి తగ్గించడంలో ఎండు ద్రాక్ష నీళ్లు ఎంతో ప్రభావవంతంగా పని చేస్తాయి. పీరియడ్స్ మొదలవుతాయి అనగా.. రెండు రోజుల ముందు నుంచి ఈ ఎండు ద్రాక్ష నీటిని తాగడం మొదలు పెట్టండి. ఇవి పొత్తికడుపులో వచ్చే నొప్పి, తిమ్మిరి, నడుము నొప్పిని తగ్గిస్తాయి.
నెలసరిలో తినే ఆహారం కూడా చాలా ముఖ్యం. నొప్పి వస్తుంది కదా అని వెంటనే పెయిన్ కిల్లర్స్ వేసుకోవడం కంటే.. ఫ్రూట్స్ అండ్ జ్యూసెస్ తాగడం మంచిది. అదే విధంగా మొలకెత్తిన గింజలు తినడం వల్ల కూడా నొప్పి అనేది తగ్గుతుంది.
మీకు నెలసరి మొదలయ్యే ముందు నుంచే ఆరోగ్యకరమైన ఆహారాన్ని తీసుకోవడం మొదలు పెట్టండి, క్యారెట్, చిలగడ దుంప, దానిమ్మ, యాపిల్ వంటివి తింటే నొప్పి రాకుండానే జాగ్రత్త పడొచ్చు. గోరు వెచ్చటి నీటిని తాగుతూ ఉండాలి.
ఈ సమయంలో చాలా మంది ఆందోళన, నిరాశను అనుభవిస్తారు. చిన్న విషయం కూడా కోపాన్ని కలిగిస్తుంది. ఒమేగా 3 ఫ్యాటీ యాసిడ్స్ ఈ సమస్యలను దూరం చేస్తాయి. కాబట్టి మూడ్ స్వింగ్‌లను నియంత్రించడానికి ఈ ప్రత్యేకమైన కొవ్వు పదార్ధాలను మెనూలో చేర్చుకోవాలి.