Type 2 Diabetes: ఈ 4 ఆహారాలు టైప్ 2 డయాబెటిస్ ప్రమాదాన్ని పెంచుతాయి.. వాటికి దూరంగా ఉండటం మంచిది..
చిన్న వయసులోనే డయాబెటిస్ సమస్య రావడానికి కారణం ఉబకాయం అని నిపుణులు చెబుతున్నారు. ఎప్పుడైతే అనారోగ్యపు అలవాట్లు చేసుకుంటారో ముఖ్యంగా జంక్ ఫుడ్, క్యాలరీలు ఎక్కువగా ఉండేటువంటి ఆహార పదార్థాలను తీసుకోవడం, పంచదార, కొవ్వు కలిగేటువంటి ఆహారాన్ని ఎక్కువ మోతాదులో తీసుకోవడం వల్ల ఊబకాయం సమస్యను ఎదుర్కోవాల్సి ఉంటుంది.
చక్కెర, సంతృప్త కొవ్వు అధికంగా తినడం వల్ల ఆరోగ్య సమస్యలు పెరుగుతాయి. వాటికి దూరంగా ఉండటం మన ఆరోగ్యానికి మంచిది. టైప్ 2 డయాబెటిస్కు అనేక కారణాలు ఉండవచ్చు. మధుమేహానికి ప్రధాన కారణం మన చెడు ఆహారపు అలవాట్లు. చక్కెర, సంతృప్త కొవ్వు అధికంగా తినడం వల్ల ఆరోగ్య సమస్యలు పెరుగుతాయి. వాటికి దూరంగా ఉండటం మన ఆరోగ్యానికి మంచిది.
సోడా, ఇతర శీతల పానీయాలు తాగడం వల్ల టైప్ 2 డయాబెటిస్ వచ్చే ప్రమాదం కూడా పెరుగుతుంది. అందుకే శీతల పానీయాలకు దూరంగా ఉండాలని వైద్యులు సూచిస్తున్నారు.
మాంసంలో కార్బోహైడ్రేట్ ఉండదు. అందుకే ఇది డయాబెటిస్ ప్రమాదాన్ని ఎలా పెంచుతుందా అని మీరు ఆశ్చర్యపోక తప్పదు. 63 వేల మందికి పైగా చైనీస్ ప్రజలపై నిర్వహించిన పరిశోధనలో రెడ్ మీట్ తినడం వల్ల టైప్ 2 మధుమేహం వచ్చే ప్రమాదం ఉందని తేలింది. పురుషుల కంటే మహిళలు ఎక్కువ ప్రమాదంలో ఉన్నారు.
21 దేశాలకు చెందిన 1 లక్షా 32 వేల మందికి పైగా వ్యక్తులపై నిర్వహించిన పరిశోధనలో వైట్ రైస్ ఎక్కువగా తినడం వల్ల మధుమేహం ముప్పు 20 శాతం పెరుగుతుందని తేలింది.
పండ్లలో అనేక విటమిన్లు, మినరల్స్, ఫైబర్, పోషకాలు ఉంటాయి. జామ్, జెల్లీ, తీపి స్నాక్స్లో లభించే పండ్లలో చక్కెర మొత్తం ఎక్కువగా ఉంటుందని తేలింది. అందువల్ల వాటికి దూరంగా ఉండటం మంచిది.