Redmi Max 4K TV: రెడ్‌మీ నుంచి ప్రీమియమ్‌ స్మార్ట్ టీవీ.. ధర రూ. రెండున్నర లక్షలు.. ఫీచర్లు అదుర్స్‌..
Redmi Max 4K TV: చైనాకు చెందిన ప్రముఖ ఎలక్ట్రానిక్‌ దిగ్గజం రెడ్‌మీ తాజాగా చైనా మార్కెట్లో తన ప్రీమియం స్మార్ట్ టీవీని లాంచ్‌ చేసింది. 100 ఇంచెస్‌తో అత్యాధునిక ఫీచర్లతో రానున్న ఈ స్మార్ట్ టీవీ ప్రస్తుతం చైనాలో విడుదలైనంది..
ఇప్పటి వరకు బడ్జెట్‌ ధరలో స్మార్ట్ టీవీలను విడుదల చేస్తూ వస్తోన్న రెడ్‌మీ తాజాగా ప్రీమియమ్‌ స్మార్ట్ టీవీని విడుదల చేసింది. రెడ్‌మీ మ్యాక్స్‌ 100 ఇంచెస్‌ 4కే ఎల్‌ఈడీ టీవీని చైనాలో లాంచ్‌ చేసింది. తర్వాలోనే భారత్‌లో విడుదల చేయనున్నారు.
ఈ స్మార్ట్ టీవీలో 120 హెడ్జ్‌ రిఫ్రెషర్‌ రేట్‌తో కూడిన 700 నిట్స్‌ పీక్‌ బ్రైట్‌నెస్‌ డిస్‌ప్లేను అందించారు. డాల్బీ విజన్‌, హెచ్‌డీఆర్10, హెచ్‌డీఆర్ 10+, ఆటో లో లాటెన్సీ మోడ్‌కు సపోర్టు చేస్తుంది. 30 వాట్ల స్పీకర్లతో వస్తుండగా డాల్బీ డిజిటల్ ప్లస్, డాల్బీ అట్మోస్ సపోర్ట్ కూడా ఉంది.
రెడ్‌మీ మ్యాక్స్‌ టీవీ కోర్‌టెక్స్ ఏ-73 క్వాడ్ కోర్ ప్రాసెసర్‌పై పనిచేస్తుంది.4జీబీ ర్యామ్, 64 జీబీ ఇంటర్నల్ స్టోరేజ్‌ ఈ టీవీ సొంతం. ఇందులో డాల్బీ డిజిటల్ ప్లస్, డాల్బీ ఆటామ్స్‌ సపోర్ట్ చేసే 30 వాట్ల స్పీకర్‌ను అందించారు.
ఇక కనెన్టివిటీ విషయానికొస్తే వైఫై 6, మూడు హెచ్‌డీఎంఐ పోర్టులు, రెండు యూఎస్‌బీ పోర్టులు, ఓ ఎథెర్‌నెట్ పోర్టు కనెక్టివిటీ ఆప్షన్‌ ఇచ్చారు.
ఇక ఈ 100 ఇంచెస్‌ స్మార్ట్ టీవీ ధర విషయానికొస్తే చైనాలో 19,900 యువాన్లుగా ఉంది. మన కరెన్సీలో చెప్పాలంటే రూ. 2,39,500గా ఉంది. ఏప్రిల్‌ 6 నుంచి చైనాలో అందుబాటులోకి రానున్న ఈ టీవీని భారత్‌లో ఎప్పుడు లాంచ్‌ చేస్తారన్నది తెలియాల్సి ఉంది.