Realme C31: రియల్‌మీ నుంచి మరో బడ్జెట్‌ ఫోన్‌ వచ్చేస్తోంది… రూ. 8 వేలలో అదిరిపోయే ఫీచర్లు..
Realme C31: ప్రముఖ స్మార్ట్‌ ఫోన్‌ దిగ్గం రియల్‌మీ తాజాగా కొత్త ఫోన్‌ను లాంచ్‌ చేసింది. రియల్‌మీ సీ31 పేరుతో లాంచ్‌ అయిన ఈ ఫోన్‌ ప్రస్తుతం ఇండోనేషియాలో విడుదల కాగా మార్చి 31న భారత మార్కెట్లోకి రానుంది..
ఇటీవల వరుస స్మార్ట్‌ఫోన్‌లను విడుదల చేస్తూ వస్తోన్న రియల్‌మీ తాజాగా మరో కొత్త స్మార్ట్‌ ఫోన్‌ను లాంచ్‌ చేస్తోంది. రియల్‌మీ సీ31 పేరుతో ఇప్పటికే ఇండోనేషియాలో విడుదల చేసిన ఈ స్మార్ట్‌ ఫోన్‌ మార్చి 31న భారత మార్కేట్లోకి రానుంది.
ఈ స్మార్ట్‌ ఫోన్‌ ఫీచర్ల విషయానికొస్తే ఇందులో 5000ఎంఏహెచ్ బ్యాటరీ, హెచ్‌డీ+ ఎల్‌సీడీ డిస్‌ప్లేను అందించారు. ఈ స్మార్ట్‌ ఫోన్‌ ఆండ్రాయిడ్ 11 ఆపరేటింగ్ సిస్టమ్‌పై పని చేస్తుంది.
6.5 ఇంచెస్‌ హెచ్‌డీ+ఎల్‌సీడీ డిస్‌ప్లేను అందించారు. 4జీ ఎల్‌టీఈ నెట్‌వర్క్‌తో పనిచేస్తే ఈ ఫోన్‌లో వైఫై, బ్లూటూత్, 3.5ఎంఎం హెడ్‌ఫోన్ జాక్, యూఎస్‌బీ టైప్-సీ పోర్టు కనెక్టివిటీ ఆప్షన్లు అందించారు.
కెమెరా విషయానికొస్తే 13 మెగా పిక్సెల్‌ రెయిర్‌ కెమెరాతో పాటు సెల్ఫీల కోసం 5 మెగా పిక్సెల్‌ ఫ్రంట్‌ కెమెరాను అందించారు. పవర్ బటన్‌కే ఫింగర్ ప్రింట్ సెన్సర్‌ ఈ ఫోన్‌ మరో ప్రత్యేకత.
3 జీబీ ర్యామ్‌+32 జీబీ స్టోరేజ్‌ వేరియంట్‌ ఫోన్‌ రూ. 8,500కి అందుబాటులో వచ్చే అవకాశాలు ఉన్నాయి. దీంతో పాటు 4 జీబీ ర్యామ్‌ + 64 జీబీ స్టోరేజ్‌ వేరియంట్‌లో కూడా ఈ ఫోన్‌ రానుంది.