OnePlus Nord CE2: వన్‌ప్లస్‌ లవర్స్‌కి గుడ్‌ న్యూస్‌.. తక్కువ బడ్జెట్‌లో అదిరిపోయే స్మార్ట్ ఫోన్‌ వచ్చేసింది..
OnePlus Nord CE2: చైనాకు చెందిన ప్రముఖ స్మార్ట్ ఫోన్‌ దిగ్గజం వన్‌ప్లస్‌ తాజాగా భారత మార్కెట్లోకి కొత్త స్మార్ట్ ఫోన్‌ను లాంచ్ చేసింది. తక్కువ బడ్జెట్‌లో అందుబాటులోకి వచ్చిన ఈ ఫోన్‌లో ఫీచర్లు ఆకట్టుకునేలా ఉన్నాయి...
ప్రపంచవ్యాప్తంగా మంచి బ్రాండ్‌ ఇమేజ్‌ను సొంతం చేసుకున్న వన్‌ప్లస్‌ తాజాగా తక్కువ బడ్జెట్‌లో స్మార్ట్ ఫోన్‌ను కొనుగోలు చేయాలనుకునే వారిని టార్గెట్‌ చేస్తూ కొత్త ఫోన్‌ను లాంచ్ చేసింది. వన్‌ప్లస్‌ నార్డ్‌ సీఈ2 పేరుతో లాంచ్ చేసిన ఈ ఫోన్‌లో ఆకట్టుకునే ఫీచర్లను అందించారు.
ఈ ఫోన్‌లో మీడియా టెక్‌ డైమెన్సిటీ 900 ప్రాసెసర్‌ను అందించారు. అంతేకాకుండా 6.43 ఇంచెస్‌ హెచ్‌డీఆర్‌+ సపోర్ట్ చేసే అమోలెడ్‌ డిస్‌ప్లేను ఈ ఫోన్‌లో ఇచ్చారు. ఈ ఫోన్‌ను భారత్‌లో ఫిబ్రవరి 17న విడుదల చేశారు.
ధర విషయానికొస్తే సీఈ 2 5జీ 6జీబీ ర్యామ్+128జీబీ స్టోరేజ్ వేరియంట్ ధర రూ.23,999గా, 8జీబీ ర్యామ్+128జీబీ స్టోరేజ్ వేరియంట్ వేరియెంట్ ధర రూ.24,999గా ఉంది. ఫిబ్రవరి 22 నుంచి ఫోన్‌ సేల్స్‌ ప్రారంభం కానున్నాయి.
కెమెరాకు అధిక ప్రాధాన్యత ఇచ్చిన ఈ ఫోన్‌లో 64 మెగా పిక్సెల్‌ రెయిర్‌ కెమెరాతో పాటు, సెల్ఫీల కోసం 16 మెగాపిక్సెల్‌ ఫ్రంట్‌ కెమెరాను అందించారు.
5జీ నెట్‌ వర్క్‌ సపోర్ట్ చేసే ఈ ఫోన్‌లో 65 డబ్ల్యూ సూపర్‌ వీఓఓసి ఫాస్ట్‌ ఛార్జింగ్‌ సపోర్ట్ చేసే 4500 ఎమ్‌ఎహెచ్‌ బ్యాటరీని అందించారు.