MI Notebook: ఇకపై మార్కెట్లో సందడి చేయనున్న ఎమ్ఐ నోట్బుక్స్… ఫీచర్లు ఎలా ఉండనున్నాయో తెలుసా.?
MI Notebook: ప్రముఖ ఎలక్ట్రానిక్స్ దిగ్గజం ఎంఐ తాజాగా నోట్బుక్స్ను విడుదల చేసేందుకు సిద్ధమవుతోంది. విద్యార్థులను టార్గెట్ చేస్తూ రూపొందించిన ఈ నోట్బుక్కు సంబంధించి ఆగస్టు 26న అధికారిక ప్రకటన చేయనుంది...
చైనాకు చెందిన ప్రముఖ ఎలక్ట్రానిక్స్ దిగ్గజం షియోమీ స్మార్ట్ ఫోన్లతో పాటు పలు ఎలక్ట్రానిక్స్ గ్యాడ్జెట్లతో మార్కెట్ను శాషిస్తోన్న విషయం తెలిసిందే.
ఇప్పటి వరకు దాదాపు అన్ని రకాల గ్యాడ్జెట్లను విడుదల చేసిన ఈ కంపెనీ తాజాగా నోట్ బుక్స్ను కూడా తీసుకొచ్చే వనిలో పడింది. ఎంఐ నోట్బుక్స్ సిరీస్ను భారత్లో లాంచ్ చేయనుంది.
ఈ నోట్బుక్ను ఎంఐ ఆగస్టు 26న అధికారికంగా ప్రకటించనుంది. ఇదిలా ఉంటే తాజాగా అమెజాన్ ఈ నోట్బుక్ ఫీచర్ల గురించి కొన్ని లీక్లు ఇచ్చింది.
వాటి ప్రకారం.. ఎంఐ నోట్బుక్ 16:10 సైజ్ డిస్ప్లేతో రానుంది. ఇక ఎంఐ ఈ నోట్బుక్స్లో డిస్ప్లేకు ప్రాధాన్యత ఇవ్వనుంది. 3020X2000 రిసొల్యూషన్తో వచ్చే అవకాశం ఉంది.
అంతేకాకుండా సెక్యూరిటీ ప్రాయారిటీ ఇస్తూ.. ఫింగర్ప్రింట్ సెన్సార్ను ఎంబేడ్ చేసిన పవర్బటన్తోపాటు బ్యాక్లిట్ కీబోర్డ్ ఫీచర్తో రానుంది.
ఇక అన్నింటికంటే ముఖ్యమైన విషయం ఎమ్ ఈ నోట్బుక్ను మ్యాక్బుక్ డిజైన్ మాదిరిగా డిజైన్ చేయనుందని సమాచారం.