Facebook: యూజ‌ర్ల‌కు గుడ్ న్యూస్ చెప్పిన ఫేస్‌బుక్‌.. కొంద‌రికే అందుబాటులో ఉన్న ఆ ఫీచర్ ఇక‌పై అందరికీ..
Facebook: ప్ర‌ముఖ సోష‌ల్ మీడియా దిగ్గ‌జం త‌న యూజర్లను కాపాడుకోవ‌డంతో పాటు కొత్త యూజర్లను పెంచుకునే ప‌నిలో ప‌డింది. ఇందులో బాగంగానే మొన్న‌టి వ‌ర‌కు కేవలం కొంద‌రికి మాత్ర‌మే అందుబాటులో ఉన్నఓ ఫీచ‌ర్‌ను అందరికీ అందుబాటులోకి తెచ్చింది..
సోష‌ల్ మీడియాలో పెను సంచ‌ల‌నంలా దూసుకొచ్చింది ఫేస్ బుక్‌. ప్ర‌పంచవ్యాప్తంగా ఎక్కువ మంది ఆద‌ర‌ణ పొందిన సోష‌ల్ మీడియా సైట్‌గా పేరు తెచ్చుకుంది.
ప్ర‌పంచ వ్యాప్తంగా ఏకంగా 3 బిలియ‌న్ యూజర్లను సొంతం చేసుకున్న ఈ సోష‌ల్ మీడియా దిగ్గ‌జం ఎప్ప‌టిక‌ప్పుడు కొంగొత్త ఫీచ‌ర్ల‌తో యూజర్లను ఆక‌ట్టుకుంటూనే ఉంటుంది.
ఇలా అందుబాటులోకి తీసుకొచ్చిందే ఎండ్ టూ ఎండ్ ఎన్క్రిప్టెడ్ ఫీచర్. అయితే 2016లో అందుబాటులోకి తీసుకొచ్చిన ఈ ఫీచ‌ర్‌ను కేవలం కొంత మందికి మాత్ర‌మే అందుబాటులో ఉండేది.
యితే మెసేంజర్‌లో యూజర్లు చేసే చాట్స్‌, కాల్స్‌కు ఎండ్-టు-ఎండ్ ఎన్క్రిప్టెడ్ (E2EE) సెక్యూరిటీ ఫీచర్ ఇప్పుడు అందరికీ అందుబాటులోకి తీసుకొచ్చే ప‌నిలో ప‌డింది ఫేస్‌బుక్‌. దీంతో మెసేజ్ పంపించే వారికి, రిసీవ్ చేసుకునే వారికి త‌ప్ప మ‌రెవ‌రికీ ఆ సంభాష‌ణ తెలియ‌కుండా ఉంటుంది.
యూజ‌ర్ల ప్రైవేసీ పెద్ద పీట వేసే ఈ ఫీచ‌ర్‌ను వాట్సాప్‌లో గ‌త‌లోనే తీసుకొచ్చిన విష‌యం తెలిసిందే. వాట్సాప్ ఇప్ప‌టికే ఈ ఫీచ‌ర్‌ను డీఫాల్ట్‌గా స‌పోర్ట్ చేస్తుంది.
ఇదిలా ఉంటే ఫేస్‌బుక్‌లో ఈ ఫీచ‌ర్‌తో పాటు యూజర్లు మ‌సేజ్‌ల‌కు రిప్లై ఇవ్వానికి లాంగ్ ప్రెస్ అవ‌కాశం తీసుకొచ్చింది. దీంతో పాటుఎవ‌రైనా పంపిన మెసేజ్‌ను స్క్రీన్ షాట్ తీస్తే పంపిన వారికి తెలిసిపోయే ఫీచ‌ర్‌ను సైతం అందుబాటులోకి తీసుకొచ్చింది.