ఆరోగ్య చింతలు తీర్చే చింత ఆకులు..ఈ సమస్యలన్నింటికీ దివ్యౌషధం..!
చింతపండు, చింతకాయలు దాదాపు అందరూ తినే ఉంటారు. చింత చిగురు కూడా ఇప్పుడు మార్కెట్లో అమ్ముతున్నారు. అయితే, మీరు ఎప్పుడైనా చింత ఆకులు తిన్నారా? అవును చింత ఆకులను తినటం వల్ల కూడా ఆరోగ్య ప్రయోజనాలు ఉన్నాయని నిపుణులు చెబుతున్నారు. ఈ ఆకుల వల్ల ఎలాంటి ప్రయోజనాలు లభిస్తాయో ఇక్కడ తెలుసా?
ప్లాస్మోడియం ఫాల్సిపరం అనే సూక్ష్మజీవుల పెరుగుదలను నిరోధించే శక్తి చింతపండు ఆకుల రసంలో ఉంది. ఈ సూక్ష్మజీవి మలేరియాకు కారణమవుతుంది. చింతపండు ఆకుల రసం తీసుకోవడం వల్ల రక్తహీనత నయమవుతుంది. దీంతో ఫ్రీ రాడికల్స్ సమస్య కూడా దూరమవుతుంది.
మధుమేహం ఉన్నవారు చింత ఆకులను తమ ఆహారంలో చేర్చుకోవడం ద్వారా శరీరంలోని గ్లూకోజ్ స్థాయిలను నియంత్రించవచ్చు. రక్తంలో చక్కెర స్థాయిలను స్థిరంగా ఉంచుతాయి. చింత ఆకులు శరీరానికి ఉత్తేజాన్నిచ్చే లక్షణాలను కలిగి ఉంటాయి. రక్తహీనత, అలసట వల్ల కలిగే వ్యాధుల నుండి ఉపశమనం కలిగిస్తాయి.
చింతపండు ఆకులలో విటమిన్ సి పుష్కలంగా ఉంటుంది. ఇది శరీరంలో విటమిన్ సి లోపం వల్ల కలిగే ఇన్ఫెక్షన్లను నివారించడంలో సహాయపడుతుంది. గాయాలు లేదా చర్మ వ్యాధులపై చింతపండు ఆకుల రసాన్ని పూయడం వల్ల అవి త్వరగా నయం అవుతాయి. దీని యాంటీసెప్టిక్ లక్షణాలు చర్మంపై రక్షణ కవచంగా పనిచేస్తాయి.
ఈ ఆకుల రసం తీసుకోవడం వల్ల పాలిచ్చే తల్లులలో పాల ఉత్పత్తి పెరుగుతుంది. పాల నాణ్యత కూడా మెరుగుపడుతుంది. చింత చెట్టు ఆకులు మూత్రపిండాల ఆరోగ్యానికి కూడా చాలా ఉపయోగకరంగా ఉంటాయి. ఈ ఆకులు మూత్ర నాళాన్ని శుభ్రంగా ఉంచడంలో సహాయపడతాయి.
అంతేకాదు చింతపండు ఆకులో ఉండే యాంటీ హైపర్టెన్సివ్ గుణాలు రక్తపోటును అదుపులో ఉంచుతాయి. చింత ఆకుల రసం తీసుకోవడం వల్ల శరీరంలోని జీర్ణ సమస్యలను తొలగించడానికి సమర్థవంతమైన ఔషధంగా పనిచేస్తుంది. ఇది ఫైబర్ జీర్ణక్రియ ప్రక్రియను బాగా ఉంచుతుంది. తరచుగా ఆకలి సమస్య తగ్గుతుంది.