Story of Biryani: వీడిన బిర్యానీ అసలు గట్టు.. షాజహాన్ భార్య ఎంతపని చేసింది?
మన దేశంలో అత్యంత ఇష్టపడే వంటలలో బిర్యానీ ఒకటి. ప్రస్తుతం దేశ వ్యాప్తంగా రకరకాల బిర్యానీలు ఉన్నాయి. చాలా మంది ఇష్టంగా ఆరగించే బిర్యానీ ఎలా తయారు చేస్తారో, ఈ వంటకం ఎక్కడి నుంచి వచ్చిందో చాలా తక్కువ మందికి మాత్రమే తెలుసు. కాబట్టి బిర్యానీ ఎలా ఉనికిలోకి వచ్చిందో తెలుసుకుందాం..
మన దేశంలో అత్యంత ఇష్టపడే వంటలలో బిర్యానీ ఒకటి. ప్రస్తుతం దేశ వ్యాప్తంగా రకరకాల బిర్యానీలు ఉన్నాయి. చాలా మంది ఇష్టంగా ఆరగించే బిర్యానీ ఎలా తయారు చేస్తారో, ఈ వంటకం ఎక్కడి నుంచి వచ్చిందో చాలా తక్కువ మందికి మాత్రమే తెలుసు. కాబట్టి బిర్యానీ ఎలా ఉనికిలోకి వచ్చిందో తెలుసుకుందాం.
బిర్యానీ అనే పదం పర్షియన్ పదం. ఈ పదం బిరియన్ అనే పదం నుంచి ఉద్భవించింది. బిరియన్ అనే పదానికి వంట చేయడానికి ముందు వేయించినది అని అర్థం. పర్షియన్ భాషలోనే బిరింజ్ అనే పదం ఉంది. ఈ పదానికి బియ్యం అని అర్థం.
బిర్యానీ తయారు చేయడానికి మొదట బియ్యాన్ని నెయ్యితో కలిపి వేయించేవారు. తరువాత బియ్యాన్ని మటన్తో తక్కువ మంట మీద వండేవారు. చరిత్రకారుల ప్రకారం బిర్యానీ పర్షియన్ పులావ్ నుంచి ఉద్భవించింది. మొఘల్ పాలకులు బిర్యానీని భారతదేశానికి తీసుకువచ్చారని వీరు చెబుతున్నారు.
పెర్షియన్ వంటవాళ్లు భారతదేశంలోని రాజ వంటశాలలకు వచ్చారు. అక్కడ వారు భారతీయ సుగంధ ద్రవ్యాలను ఉపయోగించి బిర్యానీని సృష్టించారు. బిర్యానీ సృష్టి విషయానికి వస్తే మొఘల్ చక్రవర్తి షాజహాన్ భార్య ముంతాజ్ మహల్ గురించి ప్రస్తావించాలి.
ముంతాజ్ మహల్ ఒకసారి ఒక ఆర్మీ క్యాంప్ను సందర్శించింది. అక్కడ సైనికులు చాలా పోషకాహార లోపంతో ఉండటం ఆమె గమనించింది. ఆ తర్వాత ఈ రాణి మాంసం, బియ్యం కలిపి పోషకమైన వంటకం వండమని ఆదేశించింది. అప్పటి నుంచి బిర్యానీ వంటకం ప్రారంభమైందని చరిత్రకారులు చెబుతారు.