MS Dhoni: టీమిండియా మాజీ క్రికెటర్ మహేంద్ర సింగ్‌కు ఎన్ని రకాల వ్యాపారాలు ఉన్నాయో తెలిస్తే మైండ్ బ్లాంక్ అవ్వాల్సిందే..
MS Dhoni: ఎంఎస్ ధోని బ్రాండ్ ఎండార్స్‌మెంట్స్, బహుళ వ్యాపారాలు వల్ల ప్రతీ సంవత్సరం ఆయన ఆదాయం పెరుగుతూనే ఉంది. అనేక వ్యాపారాల్లో పెట్టుబడులు పెడుతూ.. మిస్టర్ కూల దినదినాభివృద్ధి చెందుతున్నాడు. ధోనీ వ్యాపార సామ్రాజ్యం ఏంటో ఒకసారి పరిశీలిద్దాం..
మహేంద్ర సింగ్ ధోనీ.. అంతర్జాతీయ క్రికెట్ నుండి రిటైర్ అయిన తరువాత ఇండియన్ ప్రీమియర్ లీగ్ (ఐపిఎల్) ఆడుతూ చెన్నై సూపర్ కింగ్స్ (సిఎస్కె)కి సారథ్యం వహిస్తున్న విషయం తెలిసిందే. అయితే, క్రికెట్‌కు దూరమైనా.. బ్రాండ్ ఎండార్స్‌మెంట్స్, బహుళ వ్యాపారాల్లో పెట్టుబడులు పెట్టడం ద్వారా క్రికెటర్లలో అందరి కంటే ఎక్కువ ఆదాయం ఆర్జిస్తున్నాడు.
1 / 8
బ్రాండ్ ఎండార్స్‌మెంట్స్: ఎంఎస్ ధోని అనేక రకాల బ్రాండ్లకు అంబాసిడర్‌గా ఉన్నాడు. మహీకి ఉన్న పాపులారిటీ కారణంగా అనేక కంపెనీలు బ్రాండ్ అంబాసిడర్‌గా పెట్టుకుని తమ ప్రోడక్ట్స్‌కి ప్రచారం చేయించుకుంటున్నాయి. ఈ ఎండార్స్‌మెంట్ల ద్వారానే ధోనీకి ఆదాయం భారీగా సమకూరుతోంది.
2 / 8
స్పోర్ట్స్ ఫిట్ వరల్డ్: అంతర్జాతీయ క్రికెట్ నుంచి పదవీ విరమణ చేసిన తరువాత కూడా ఎంఎస్ ధోని అత్యుత్తమ క్రికెటర్లలో ఒకడు. ఆసక్తికరమైన విషయం ఏమిటంటే.. ధోని స్పోర్ట్స్‌లో కూడా పెట్టుబడులు పెట్టాడు. భారత క్రికెట్ జట్టు మాజీ కెప్టెన్ అయిన ధోనీ.. స్పోర్ట్స్ ఫిట్ వరల్డ్ ప్రైవేట్ లిమిటెడ్ పేరుతో దేశవ్యాప్తంగా 200 కి పైగా జిమ్‌ సెంటర్లను ఏర్పాటు చేశారు.
3 / 8
చెన్నైయిన్ ఎఫ్‌సి: ఎంఎస్ ధోని ఫుట్‌బాల్ ప్రేమికుడు. మాహీ ఆ కెరీర్‌ను ఎంచుకోనప్పటికీ.. ఇండియన్ సూపర్ లీగ్‌లో ఒక జట్టుకు యజమానిగా ఉన్నాడు. చెన్నైయిన్ ఎఫ్‌సిలో ధోనీ భాగస్వామ్యం కలిగి ఉన్నాడు.
4 / 8
బ్రాండ్ సెవన్ 2016, ఫిబ్రవరిలో తిరిగి ప్రారంభించడం జరిగింది. దీనికి బ్రాండ్ అంబాసిడర్‌గా ధోనీని ఉండాల్సిందిగా కంపెనీ ప్రతినిధులు కోరగా.. అందుకు అంగీకరించాడు. అలా ధోనీ పాదరక్షలకు బ్రాండ్ అంబాసిడర్‌గా నిలిచాడు.
5 / 8
హాకీ టీం: క్రీడలలో పెట్టుబడులు పెట్టడం ధోనికి చాలా ఇష్టం అని అతని పెట్టుబడులను గమనిస్తే అర్థం అవుతుంది. రాంచీకి చెందిన హాకీ టీమ్‌పై మహీ పెట్టుబడి పెడుతున్నాడు.
6 / 8
హోటల్ మాహి రెసిడెన్సీ: చాలామందికి తెలియదు కాని ఎంఎస్ ధోనికి హోటల్ మాహి రెసిడెన్సీ పేరుతో ఒక హోటల్ ఉంది. అయితే, దీనికి ఫ్రాంచైజీలు ఏమీ లేవు. ధోనీ సొంత రాష్ట్రమైన జార్ఖండ్‌లో మాత్రమే ఒక హోటల్ ఉంది.
7 / 8
మహి రేసింగ్ టీం ఇండియా: ఎంఎస్ ధోనికి బైక్‌లు అంటే ఎంత ఇష్టమో అందరికీ తెలిసిందే. ఎన్నో సార్లు ఈ విషయాన్ని స్వయంగా ధోనీ వెల్లడించాడు కూడా. అయితే, సూపర్‌స్పోర్ట్ వరల్డ్ ఛాంపియన్‌షిప్‌లో మాహికి రేసింగ్ టీం కూడా ఉంది. ఈ టీమ్ యాజమాన్యంలో తెలుగు సినీ నటుడు నాగార్జున కూడా భాగస్వామి కావడం విశేషం.
