Vipreet Raj Yoga: ఆ రాశుల వారికి విపరీత రాజయోగం పట్టనుంది..! అందులో మీరున్నారా..?
విపరీత రాజయోగం వల్ల ఎంతటి సాధారణ వ్యక్తికైనా ఆకస్మిక ధన లాభం గానీ, ఆకస్మిక పదవీ యోగం గానీ, ఆకస్మిక గౌరవమర్యాదలు పొందడం గానీ జరుగు తుంది. ప్రస్తుతం రెండు మూడు నెలల పాటు ఏడు రాశుల వారికి, మేషం, వృషభం, కర్కాటకం, కన్య, ధనుస్సు, మకరం, మీన రాశుల వారికి, ఈ యోగం పడుతోంది. ఈ విపరీత రాజయోగం ఈ రాశులకు ఏ విధంగా వర్తిస్తుందో, ఏం జరుగుతుందో ఇక్కడ పరిశీలిద్దాం..
జ్యోతిషశాస్త్రం ప్రకారం, 6,8, 12 రాశుల అధిపతులు వారి వారి రాశుల్లో ఉన్నా లేక ఒకరి స్థానంలో మరొకరు ఉన్నా విపరీత రాజయోగం పడుతుంది. ఇందులో ఏ ఒక్క అధిపతి ఇతర రెండు రాశుల్లో ఉన్నా ఈ యోగం పడుతుంది. అంటే, ఆరవ స్థానాధిపతి 8లో గానీ, 12లో గానీ ఉండడం అన్న మాట. ఈ విపరీత రాజయోగం వల్ల ఎంతటి సాధారణ వ్యక్తికైనా ఆకస్మిక ధన లాభం గానీ, ఆకస్మిక పదవీ యోగం గానీ, ఆకస్మిక గౌరవమర్యాదలు పొందడం గానీ జరుగు తుంది. ప్రస్తుతం రెండు మూడు నెలల పాటు ఏడు రాశుల వారికి, మేషం, వృషభం, కర్కాటకం, కన్య, ధనుస్సు, మకరం, మీన రాశుల వారికి, ఈ యోగం పడుతోంది. ఈ విపరీత రాజయోగం ఈ రాశులకు ఏ విధంగా వర్తిస్తుందో, ఏం జరుగుతుందో ఇక్కడ పరిశీలిద్దాం.
మేషం: ఈ రాశివారికి అష్టమాధిపతి అయిన కుజుడు ఆరవ స్థానంలో ఉండడం వల్ల ఈ యోగం ఏర్పడింది. ఈ యోగం వల్ల ఈ రాశివారు ఏది చేసినా చలామణీ అయిపోతుంది. తప్పకుండా శత్రు జయం ఉంటుంది. ఆస్తి వివాదాల్లో, కోర్టు కేసుల్లో విజయం లభిస్తుంది. ఉద్యోగంలో అధికారులు వీరి మాటకు, చేతకు విలువనివ్వడం ప్రారంభిస్తారు. ఇష్టమున్నా లేకపోయినా సహోద్యోగులు సహకరిస్తారు. వృత్తి,వ్యాపారాల్లో పోటీదార్లు బాగా తగ్గి ఉంటారు. ప్రతి ప్రయత్నం సఫలం అవుతుంది.
వృషభం: ఈ రాశివారికి 8వ స్థానాధిపతి అయిన గురువు 12వ స్థానంలో ఉండడం వల్ల ఈ యోగం ఏర్పడింది. సమాజంలో ఊహించని విధంగా గౌరవ మర్యాదలు దక్కే అవకాశం ఉంటుంది. అత్యు న్నత స్థాయి వ్యక్తులతో పరిచయాలు ఏర్పడతాయి. మాటకు, చేతకు విలువ పెరుగుతుంది. సామాజిక స్థాయి అకస్మాత్తుగా మారిపోతుంది. ఏ పని చేసినా చెల్లుబాటయిపోతుంది. రహస్య శత్రువుల మీద కూడా విజయం కలుగుతుంది. వృత్తి, ఉద్యోగాల్లో వీరి హవా నడుస్తుంది.
కర్కాటకం: ఈ రాశివారికి అష్టమాధిపతి అయిన శనీశ్వరుడు అష్టమ స్థానంలోనే ఉండడం వల్ల ఈ యోగం ఏర్పడింది. ఈ రాశివారికి అష్టమ శని దోషం పూర్తిగా తగ్గిపోయి, దాని స్థానంలో రాజయోగం పట్టే అవకాశం ఉంది. వృత్తి, ఉద్యోగాలలో అకస్మాత్తుగా అందలాలు ఎక్కడం జరుగుతుంది. ఆస్తి వివాదాలు, కోర్టు కేసులు అనుకూలంగా పరిష్కారం అవుతాయి. సామాజిక హోదా పెరుగుతుంది. ఆకస్మిక ధన లాభానికి అవకాశం ఉంటుంది. జీవిత భాగస్వామి ఖ్యాతి, పరపతి పెరుగుతాయి.
కన్య: ఈ రాశివారికి ఆరవ స్థానాధిపతి ఆరవ స్థానంలోనూ, 12వ స్థానాధిపతి 12లోనూ సంచరిస్తు న్నందువల్ల విపరీత రాజయోగం ఏర్పడింది. ప్రభుత్వ మూలక గుర్తింపు లభిస్తుంది. రాచ మర్యా దలు లభిస్తాయి. ఆస్తి లభించడం కానీ, ఆస్తి విలువ పెరగడం కానీ జరుగుతుంది. అతి సామా న్యుడు సైతం అందలాలు ఎక్కే అవకాశం ఉంటుంది. ఏ ప్రయత్నం తలపెట్టినా విజయ వంతం అవుతుంది. బంధుమిత్రుల్లో ఈ రాశివారి మాటకు విలువ పెరుగుతుంది. అధికారం చేపట్టడం జరుగుతుంది.
ధనుస్సు: ఈ రాశికి 12వ స్థానాధిపతి అయిన శుక్రుడు 8వ స్థానంలో సంచరిస్తున్నందువల్ల ఈ యోగం పట్టింది. వృత్తి, వ్యాపారాలు ఒక్కసారిగా ఊపందుకుంటాయి. దాదాపు కనక వర్షం కురుస్తుంది. ఆర్థిక పరిస్థితిలో ఒక్కసారిగా సానుకూల మార్పు వస్తుంది. వీరి సలహాలు, సూచనలకు, మాటకు విలువ పెరుగుతుంది. ఊహించని విధంగా గౌరవ మర్యాదలు లభిస్తాయి. రాజకీయ ప్రముఖులతో పరిచయాలు పెరగడం కానీ, రాజకీయాల్లో ప్రవేశించడం గానీ తప్పకుండా జరుగుతుంది.
మకరం: ఈ రాశికి అష్టమాధిపతి అయిన రవి అష్టమంలోనే ఉండడం, ఆరవ స్థానానికి అధిపతి అయిన బుధుడు కూడా అష్టమంలోనే ఉండడం వల్ల ఈ విపరీత రాజయోగం ఏర్పడింది. సమాజంలో మంచి గుర్తింపు లభించడంతో పాటు ఉన్నతస్థాయి వ్యక్తులతో పరిచయాలు కూడా ఏర్పడతాయి. ఉద్యోగంలో ఒకదాని తర్వాత ఒకటిగా ప్రమోషన్లు వచ్చే అవకాశం ఉంది. వృత్తి, వ్యాపారాల్లో బాగా యాక్టివిటీ పెరుగుతుంది. ఆర్థికంగా ఉత్తమ ఫలితాలు అందుతాయి. మాటకు, చేతకు విలువ ఉంటుంది.
మీనం: ఈ రాశివారికి ఆరవ స్థానాధిపతి అయిన రవి ఆరవ స్థానంలోనే ఉండడం, 12వ స్థానాధిపతి అయిన శనీశ్వరుడు 12లోనే ఉండడం వల్ల ఈ అరుదైన యోగం ఏర్పడింది. అకస్మాత్తుగా సామాజిక హోదా మారుతుంది. ఉద్యోగంలో అధికార యోగం పడుతుంది. శత్రువులు, ప్రత్యర్థులు, పోటీదార్లు ఈ రాశివారి ధాటికి తట్టుకోలేక మటుమాయం అవుతారు. రుణ విముక్తులు అయి, మనశ్శాంతి ఏర్పడుతుంది. దీర్ఘకాలిక అనారోగ్యాల నుంచి కూడా చాలావరకు విముక్తి లభిస్తుంది.