వినాయక చవితి రోజున ఈ చర్యలు చేయండి.. జీవితంలో కష్టాలు తొలగి సుఖ సంతోషాలు మీ సొంతం..
వినాయక చవితి పండుగను పిల్లలు పెద్దలు ఎంతో ఇష్టంగా ఉత్సాహంగా జరుపుకుంటారు. గణేశుడి జన్మదినోత్సవాన్ని వినాయక చవిటిగా జరుపుకుంటారు. హిందూ మత విశ్వాసం ప్రకారం, గణేశుడు అన్ని రకాల అడ్డంకులను తొలగిస్తాడని.. కొత్త పనుల ప్రారంభంలో శుభ ఫలితాలను ఇస్తాడని నమ్ముతారు. ఈ రోజున వినాయకుని విగ్రహాన్ని ప్రతిష్టించి పది రోజుల పాటు పూజిస్తారు. ఈ పండుగను ప్రతి సంవత్సరం భాద్రపద మాసం చతుర్థి రోజున జరుపుకుంటారు. ఈ పండుగ సాధారణంగా ఆగస్టు లేదా సెప్టెంబర్ మధ్య వస్తుంది. గణేష్ చతుర్థి రోజున కొన్ని జ్యోతిష్య పరిహారాలు కూడా చేస్తారు. ఇవి జీవితంలోని ప్రతి పనిలో విజయాన్ని సాధించడంలో సహాయపడుతుంది. కష్టాలను తొలగిస్తుంది.
వినాయక చవితి ఎప్పుడంటే: వైదిక క్యాలెండర్ ప్రకారం ఈ సంవత్సరం భాద్రపద మాసంలోని శుక్ల పక్ష చతుర్థి తిథి సెప్టెంబర్ 6 మధ్యాహ్నం 3:01 గంటలకు ప్రారంభమవుతుంది. ఈ తిథి మరుసటి రోజు సెప్టెంబర్ 7వ తేదీ సాయంత్రం 5:37 గంటలకు ముగుస్తుంది. ఉదయ తిథి ప్రకారం, ఈ సంవత్సరం వినాయక చవితి ఉత్సవాలు సెప్టెంబర్ 7 శనివారం నుండి ప్రారంభమవుతాయి. ఈ రోజున వినాయక విగ్రహాన్ని ప్రతిష్టించి ఉపవాస దీక్షలు చేస్తారు. గణేష్ చతుర్థి రోజున చేయాల్సిన జ్యోతిష్య పరిహారాలు ఏమిటంటే
గణేష్ పూజ: ఈ రోజున వినాయకుడిని పూజించండి. వినాయక చవితి రోజున నియమ నిష్టలతో పూజించడం వల్ల సమస్త సమస్యలు తీరుతాయి. గణేశుడి విగ్రహాన్ని ప్రతిష్టించి మోదకాలు, లడ్డూలు, తాజా పుష్పాలను సమర్పించండి. గణేశుడిని సంపద శ్రేయస్సుకు దేవుడిగా కూడా భావిస్తారు. అందుకే ఈ రోజున ఆయనను పూజించడం వల్ల ఇంట్లో ఆనందం సంతోషం. లక్ష్మీదేవి అనుగ్రహం లభిస్తుంది.
ఈ మంత్రాన్ని జపించండి: గణేష్ చతుర్థి నాడు, "ఓం గం గణపతయే నమః" లేదా "ఓం విఘ్నేశ్వర నమః" అనే మంత్రాన్ని జపించండి. ఈ మంత్రం వినాయకుని అనుగ్రహాన్ని పొందడంలో సహాయపడుతుంది.
గణేష్ చాలీసా పారాయణం: గణేష్ చతుర్థి రోజున తప్పకుండా గణేష్ చాలీసా పఠించండి. ఈ రోజున గణేష్ చాలీసా పఠించడం చాలా పవిత్రమైనదిగా పరిగణించబడుతుంది. ఇలా చేయడం ద్వారా అన్ని రకాల ఇబ్బందులు, పనుల్లో ఏర్పడుతున్న అడ్డంకులు తొలగిపోతాయి.
మోదకం సమర్పించండి: గణేశుడికి ఇంట్లో తయారుచేసిన మోదకం సమర్పించండి. కుడుములు, ఉండ్రాళ్ళు వినాయకునికి ఇష్టమైన నైవేద్యంగా పరిగణించబడుతున్నాయి. కనుక వీటిని నైవేద్యంగా సమర్పించడం వలన వినాయకుని అనుగ్రహం లభిస్తుంది.
పేదలుకు వీటిని దానం చేయండి: వినాయక చవితి రోజున పేదలకు, అవసరం ఉన్నవారికి ఆహారం, బట్టలు ఇచ్చి సహాయం చేయండి. ఈ రోజు దానం చేయడం వల్ల గణేశుడి ప్రత్యేక అనుగ్రహం లభిస్తుంది.