Vidura Niti: ఇటువంటి ఆలోచనలు లక్షణాలున్న వ్యక్తి అన్నీ ఉన్నా జీవితాంతం బాధలతో జీవిస్తారంటున్న విదుర..
మహాభారత కాలంలో.. మహాత్మ విదుర కౌరవులు, పాండవుల ప్రధాన కార్యదర్శి. ఆయన విధానాలు నేటికీ సంబంధితంగా ఉన్నాయి. ఈ విధానాలను అనుసరించడం ద్వారా ఒక వ్యక్తి తన జీవితాన్ని విజయవంతం చేసుకోవచ్చు.
ఒక దాసికి, వ్యాసుడికి జన్మించిన విదురుడు.. ధృతరాష్ట్రుడికి తోడుగా ఉంటూ హితోక్తులు చెబుతూ, పాండవుల మేలు కోరుతూ ఉండే కృష్ణభక్తుడు. విదురుడు చెప్పిన నీతులు నేటి మానవునికి అనుచరణీయం. ధృతరాష్ట్రుడి కొలువులో మంత్రిగా ఉన్న విదురుడు మానవ ధర్మం, రాజ ధర్మం వంటి అనేక విషయాలను తెలిపాడు. ఆయన విధానాలు నేటికీ అనుసరణీయం.
మహాత్మ విదుర ప్రకారం, ఇతరుల సంపద, అందాన్ని చూసి అసూయపడే వ్యక్తి.. ఎప్పుడూ సంతోషంగా జీవించడు. అలాంటి వ్యక్తులు జీవితంలో ఎప్పుడూ సంతోషంగా ఉండలేరు. కౌరవులు కూడా పాండవులను చూసి అసూయపడ్డారు, అందుకే మహాభారత యుద్ధం జరిగింది.
విదుర నీతి ప్రకారం.. మనిషి ఎల్లప్పుడూ సంతోషంగా ఉండాలి. ఇతరులను గౌరవించాలి. ఇతరుల సంతోషానికి, కష్టానికి సాయం చేసే వ్యక్తి ఎల్లప్పుడూ గౌరవించబడతారు. ఇతరుల సంతోషాన్ని ఓర్వలేని వ్యక్తులు జీవితంలో సుఖ సంతోషాలను పొందలేరు.
విదుర నీతి ప్రకారం, ఒక వ్యక్తి తన బుద్ధి ప్రకారం నడుచుకోవాలి. ఏ నిర్ణయమైనా దాని మంచి చెడ్డలు ఆలోచించిన తర్వాతే తీసుకోవాలి. అలాంటి వ్యక్తులు జీవితంలో ఎప్పుడూ ముందుకు సాగుతారు. మహాభారతంలో దుర్యోధనుడు తన బుద్ధి ప్రకారం నడుచుకుంటే అతని అంతం ఇంత భయంకరంగా ఉండేది కాదు.
విదుర నీతి ప్రకారం.. ఎవరి ప్రవర్తన ఉదాత్తంగా ఉంటుందో వారికి ఆనందం, బలం, సంపద , అదృష్టం లభిస్తాయి. దుర్యోధనుడు పాండవులను చూసి అసూయపడ్డాడు. అసూయ ఒక వ్యక్తిని నాశనం చేస్తుంది. అసూయపడే వ్యక్తి దేనిలోనూ విజయం సాధించడు. అలాంటి వ్యక్తి కష్టాల్లోనే జీవితాంతం గడుపుతూ ఉంటాడు.