గుడ్లగూబ విగ్రహం ప్రాముఖ్యత: పక్షుల్లో ఒకటి గుడ్లగూబ. అనేక సంస్కృతులలో గుడ్లగూబను పవిత్రమైన పక్షిగా పరిగణిస్తారు. ఈ పక్షిని లక్ష్మీదేవి వాహనంగా పరిగణిస్తారు. గుడ్లగూబ జ్ఞానానికి చిహ్నంగా పరిగణించబడుతుంది. . అయితే వాస్తు శాస్త్రం ప్రకారం గుడ్లగూబ విగ్రహాన్ని ఇంట్లో లేదా ఆఫీసులో ఉంచుకోవడానికి కొన్ని ప్రత్యేక నియమాలు ఉన్నాయి.
ఆఫీస్లో గుడ్లగూబ విగ్రహాన్ని ఉంచడానికి నియమాలు: ఆఫీస్లో గుడ్లగూబ విగ్రహాని లేదా చిత్ర పటాన్ని ఉంచడం శుభప్రదంగా పరిగణించబడుతుంది. వాస్తు శాస్త్రం ప్రకారం గుడ్లగూబ విగ్రహాన్ని కార్యాలయంలో ఉంచడం వల్ల లక్ష్మీ దేవి అనుగ్రహం లభిస్తుంది. ఇది కార్యాలయంలో సానుకూల శక్తి ప్రవాహాన్ని కూడా పెంచుతుంది.
వాస్తు శాస్త్రం ప్రకారం వ్యాపార సంబంధిత విషయాల్లో శుభాలు జరగాలంటే గుడ్లగూబను ఆఫీసులో ఉంచండి. మీకు కావాలంటే కౌంటర్ దగ్గర గుడ్లగూబ ఫోటో లేదా విగ్రహాన్ని ఉంచుకోవచ్చు.
ఇంట్లో గుడ్లగూబ విగ్రహాన్ని ఉంచడానికి నియమాలు: వాస్తు శాస్త్రం ప్రకారం ఇంట్లో గుడ్లగూబ విగ్రహం లేదా ఫోటో ఉంచడానికి పూజ గది లేదా స్టడీ రూమ్ సరైన స్థలం. గుడ్లగూబ చిత్రాన్ని ఇక్కడ ఉంచడం వల్ల ఇంట్లో సానుకూల భావన ఏర్పడుతుంది. అలాగే చెడు దృష్టికి దూరంగా ఉంటుంది. గుడ్లగూబ చిత్రాన్ని పెట్టడం వల్ల ఇంట్లో ఆనందం, శ్రేయస్సు వస్తుంది.
గుడ్లగూబ తాను కూర్చున్న చోట నుంచో ప్రతి మూలను చూడగలిగే ప్రదేశంలో చాలా మంది గుడ్లగూబను ఉంచుతారు. గుడ్లగూబ దృష్టి తలుపు వైపు ఉంటే అది శుభప్రదంగా పరిగణించబడుతుంది.
ఇంట్లో లేదా కార్యాలయంలో ఎప్పుడూ గుడ్లగూబను మీ కుడి వైపున ఉంచుకోవాలని గుర్తుంచుకోండి. ఇలా చేయడం వల్ల చేపట్టిన పనుల్లో వచ్చే అడ్డంకులు అన్నీ తొలగిపోతాయి. అలాగే ఆర్థిక పరిస్థితి కూడా బాగుంటుంది.